Муурнаас халдаж болох 5 төрлийн өвчин: магадгүй таны амь насанд ч аюул учруулж болзошгүй

Хүмүүс гэртээ муур тэжээх дуртай байдаг. Гэхдээ амьтан тэжээнэ гэдэг өндөр үүрэг хариуцлагатай ажлаас гадна давхар эрсдэл дагуулдаг. Яагаад гэвэл зарим тэжээвэр амьтдын тусдаг өвчин хүний бие организмд аюул авчирдаг байна. Та магадгүй халдвар авсан амьтан тэжээдэггүй байж болно – ердөө контакт үүсэхэд өвчний халдварыг биедээ авах боломжтой. Иймд бид амьтан тэжээдэг болон тэжээх бодолтой байгаа хүмүүст зориулж энэхүү мэдээг бэлтгэсэн юм.

Токсоплазмоз

Хүмүүс энэ өвчнийг тэжээвэр амьтны ялгадаснаас авч болно – жишээ нь, муурын хайрцгийг цэвэрлэх явцад авах магадлалтай. Бас дутуу болсон мах эсвэл түүхий махнаас ч авч болдог. Ихэнхдээ энэ өвчний үед ямар ч шинж тэмдэг илрэхгүй боловч ядарч сульдах, дотор муухайрах, ухаан алдах болон тунгалгийн булчирхай үрэвсэнэ.

Энэ өвчин жирэмсэн эмэгтэйн эрүүл мэндэд маш аюултай. Ургийн тархи, мэдрэлийн системд эмгэг үүсгэж, зулбах эсвэл нярай амь насаа алдахад хүргэдэг байна. Нэмж хэлэхэд, нярай төрөлхийн токсоплазмоз өвчтэй болж болохоос гадна шарлах эсвэл өөр бусад байдлаар эрүүл мэндэд нь хор хөнөөл учруулдаг.

Галзуу өвчин

Хамгийн аюултай бас таамаглашгүй энэ өвчин ихэвчлэн гудамжны тэнэмэл амьтад эсвэл төөрсөн тэжээвэр амьтдаас халдварладаг. Тэдгээр амьтдад хазуулсны дараа цус, салст болон шүлсээр дамжиж халдвар хүний биед ордог байна. 10 өдрийн дотор өвчнийг тодорхойлох боломжгүй ба тодорхой хугацаа өнгөрсний дараа өвчтөнд чичрэх, өвдөх, нугас орчмоор хөндүүрлэж өвдөх шинж тэмдэг ажиглагдана. Вакцин тариулах нь хамгийн найдвартай арга ба яагаад гэвэл эхний шинж тэмдгүүд илрэх үед вакцин тариулж, өвчний тархалтыг зогсоож болно.

Салмонеллоз

Энэ цочмог бактерийн үрэвсэл нь халуурах, суулгах болон ходоод гэдэсний замын эмгэг үүсгэх үндэс болдог. Чанаргүй хагас боловсруулсан бэлэн бүтээгдэхүүн, тэжээвэр амьтан эсвэл тэжээвэр амьтны амьдрах орчинтой ямар нэгэн байдлаар контакт үүсэхэд хүний биед халдвар нь орно.

Салмонелл бактерийг антибиотикийн тусламжтайгаар эмчилж болохгүй тул өвчнийг эмчлэх гэж нилээдгүй хугацааг зарцуулдаг байна.

Токсокараз

Ихэнх тохиолдолд хүүхдүүд тэжээвэр амьтадтай контакт үүсэхэд энэ өвчнийг тусдаг. Шинж тэмдэг нь биеэр тууралт гарах, нүүр хавагнах бас ядарч сульдах зэргээр илэрнэ. Өвчин үүсгэгч авгалдай биед орох үедээ нүдийг маш ихээр гэмтээдэг. Түүгээр ч зогсохгүй зүрх судасны өвчин тусах эрсдэлийг улам нэмэгдүүлэх нь бий.

Хламид

Энэ бактерийн үрэвсэл бэлгийн замаар дамждаг ба мөн агаараар дамжин халдварладаг. Бас тэжээвэр амьтнаас халдварладаг гэдгийг хэлэх хэрэгтэй байх. Хламид өвчин тэжээвэр амьтны эзнээс илүү тэжээвэр амьтанд хүчтэй нөлөөлдөг ба үр дүнд нь үхэж ч болдог байна.

Амьтан тэжээхдээ юуг анхаарах ёстой вэ?

Муур тэжээх нь тийм ч амар зүйл биш. Муур тэжээхийн өмнө эхлээд тухайн амьтны эрүүл мэндэд сайтар анхаарал хандуулах хэрэгтэй.

1. Муурыг зөөлөн газар аль болох унтуулахгүй байх. Мөн унтах газрыг нь хэсэг хугацаа тутамд нэг удаа цэвэрлэх хэрэгтэй.
2. Малын эмчид очиж үзүүлж байх төлөвлөгөөг гаргах. Эхний ээлжинд эмч мууранд вакцин хийнэ – хачиг болон бөөснөөс сэргийлэх үйлчилгээтэй.
3. Тэжээвэр амьтан хийж явах савтай болох. Энэ нь тэжээвэр амьтанд тантай хамт аяллаар явахад тав тухтай санагдах болно.
4. Хэрэв шаардлагатай бол муурын савыг элс болон хоолоор дүүргэ – цэвэрлэх хугацааг уртасгах ба илүү тав тухтай мэдрэмжийг муурд тань төрүүлнэ.
5. Тэжээвэр амьтныг балчир байхаас нь эхлэн сайн угаах ёстой. Ингэхдээ муураа сойзоор угаах ёстой ба ингэснээр үсэнд нь бөөс орохоос сэргийлнэ.

Хэзээ малын эмчид хандах ёстой вэ?

Зөвлөгөө авах болон вакцин хийлгэх зорилгоор малын эмчид хандаж болно. Ноцтой шинж тэмдэг танд болон таны тэжээвэр амьтанд илрэх үед малын эмчид зайлшгүй хандах хэрэгтэй – цааргалж, эмч дээр очихоос залхуурч хэрхэвч болохгүй. Мөн тэнэмэл амьтанд хазуулсан бол тэр дор нь эмчид хандаарай.

Та өөрийн тэжээвэр муурынхаа эрүүл мэндэд зөв анхаарал тавьж чаддаг уу?

25

Гайхмаар

12

Тэнэглэл

6

Буруу

6

Хөөрхөн

5

Гоё

4

Бахархмаар

2

Ха Ха

1

Харамсалтай

Баярлалаа!