Могой байрлал: эмэгтэйчүүдэд зориулсан хамгийн шилдэг дасгал

Уг дасгал нурууны уян хатан чанарыг хангана, залуу төрхийг дэмжинэ, мөн нуруу мурийхаас урьдчилан сэргийлнэ. Эдгээрээс гадна хоол боловсруулах эрхтний үйл ажиллагааг дэмжих, цусны эргэлтийг идэвхжүүлэхэд нөлөөлөх ажээ.

Өглөө сэрэнгүүтээ орноосоо босолгүй толгойн доорх дэрээ сугалж авна. Нуруугаараа хэвтээд хөлөө сунга, гараа их биеийн дагуу байрлуулна, алга доош харсан байдалтай. Нүдээ том нээнэ – бүрэн сэрэхэд туслах юм.

Зүүн хөлөө аль болох урагш сунгаарай, хөлийн улаар орны даавуугаар гулсаж байгаа мэт, энэ үед хөлний үзүүрийг өөр рүүгээ татна. Энэ байрлалд 5 секунд орчим хэвтэнэ.

Дараа нь зүүн хөлөө суллаад баруун хөлөөрөө дасгалыг давтан хийнэ. Эцэст нь хоёр хөлөөрөө цугт нь дасгалыг гүйцэтгэнэ.

Энэ дасгалыг тус бүр 5 удаа хийх хэрэгтэй.

Дасгалыг хийж байхад амьсгал тайван, хамраар амьсгална. Анхаарлыг ахар сүүлэн дээр авчрахыг хичээгээрэй.

Энэхүү энгийн дасгал нь авхаалж самбаа нэмэх, цусны эргэлтийг идэвхжүүлэх, нурууны өвчнийг дарна.

Могойн байрлал

Гэдсээрээ доош харан хэвтэнэ, хөлийн өсгий болон хурууны үзүүрүүд цугтаа, хөлийн үзүүрээр газар тулна. Тохойгоор нугалсан гар мөрний хэмжээний зайд, гарын алга доош харсан байрлалтай, хуруунуудыг салгахгүй. Эрүүгээр газар тулна (1).

Гарын алгаар газар тулаад толгой болон их биеийн дээд талыг шалнаас аажим салгана, аль болох дээш, арагшаа гэдийхийг хичээгээрэй. Энэ үед гэдэс болон биеийн доод хэсгийг шалнаас салгахгүй, гарыг тэгшлэхгүй. Харц дээшээ байна (2).

Энэ байрлалд нэг секунд орчим барина.

Гар, хөлийн байрлалыг өөрчлөхгүйгээр аажим, зөөлөн, огцом хөдөлгөөн хийхгүйгээр толгой болон их биеийн дээд хэсгийг бэлтгэл байрлалд авчирна – зүүн мөрөөрөө баруун хөлийн улыг олж харахыг хичээнэ (3).

Энэ байрлалд мөн нэг секунд байна. Аажим, зөөлөн толгойгоо эргүүлээд баруун мөрөө давуулаад зүүн хөлийн улыг олж харна (4).

Энэ байрлалд мөн нэг секунд барина.

Бэлтгэл байдалдаа эргэж ороод (2), аль болох хол гэдийнэ, биеийн доод хэсэг болон хэвлийг газраас салгахгүй.

Энэ байрлалд нэг секунд барина, дараа нь аажим бэлтгэл байдалдаа (1) орж нэг секундын турш тайван байна, дараа нь дасгалыг үргэлжлүүлэн давтан хийнэ (1) – (2) – (4) – (3) – (2) – (1). Амьсгал тайван, хамраар авч гаргана.

Дараах байрлалуудад анхаарлыг зохих эрхтэнд хандуулна:

(1) – бамбай булчирхайд анхаарлаа хандуул

(2) – анхаарал нуруунаас доош чиглэлд

(3-4-2) – бөөрөнд анхаарал хандуулна

(1) – бамбай булчирхайд анхаарлаа хандуул

Дасгалаа хийж дуусгаад гараа их биеийн дагуу сунгаад гэдсэн дээрээ тавина, толгойгоо хацраар хажуу тийш эргүүлнэ, хөлөө ч гэсэн бага зэрэг салгаарай, өөрт таатай байх байрлалыг олоод хэдэн минут тайван хэвтэнэ.

Хэрвээ таны бамбай булчирхай томорсон бол эдгээр дасгалаас (1) болон (2)-ыг сонгон хийж болно.

14

Гоё

5

Ха Ха

4

Бахархмаар

4

Тэнэглэл

4

Харамсалтай

2

Буруу

2

Гайхмаар

2

Хөөрхөн

Баярлалаа!