Хувийн туршлага: Хэрхэн сайн ажилтан олох вэ, түүнийг хэрхэн тогтоон барих вэ?

Нийтлэгч: Лука

Огноо: 2024/01/30

Total134
134

Үйл ажиллагааны удирдагч хэрхэн сайн ажилтан олж, түүнийгээ ажиллуулах, удирдах үр дүнтэй 3 аргаа танилцуулж байна.

Эхний түүх

2012 онд би нэгэн жижиг компанийн iOS болон Android программ хангамж турших хэлтсийг удирдаж байсан ба манай хэлтэс 4-5 хүнтэй байв. Яагаад 4-5 гэсэн тодорхой бус тоо вэ гэвэл бид сургууль төгсөж байгаа, туршлага багатай оюутан авдаг, тэр нь программ хангамжийн бүтэн циклийг эзэмшиж ойлгоогүй бол удалгүй ажлаасаа гардаг байв.

Цалин дунджаар 300 орчим доллар ба оюутан хүнд хангалттай их мөнгө билээ. Би үргэлж мэргэжил дээшлүүлэгчийн төсөв гуйдаг байсан ба энэ нь хэн нэг ажилтан маань ажлаасаа гарахад намайг хамгаалах хамгаалалт болох учиртай байв. Заримдаа би зүгээр л тооноос хэтэрсэн хүн ажилд авах үе ч байлаа.

Энэ нь маш төвөгтэй, найдваргүй зүйл гэдгийг би маш сайн ойлгож байсан ба ажилчдаа материаллаг байдлаар урамшуулах төдийгүй, олон талт мэргэжилтэн болгож, цалинг нь нэмэх хэрэгтэй гэж бодож байв.

Ингээд би нэгэн багийн ахлагч томилсон ба тэрээр бусдаасаа 15%-иар илүү цалин авч байсан бөгөөд хариуцлага нь ч төдий чинээ өндөр байв. Гэвч багийн ахлагч болон ажилтан хоёрын хооронд (Баясаа гэж нэрлэв) зөрчил гарч эхэлсэн ба би тогтсон аргуудаар намжаах гэж оролдоод үр дүнд хүрсэнгүй.

Энэ үед би аз туршихаар шийдсэн ба өөрийн эртнээс бодсон нэг арга болох зөрчилдөж байгаа талуудын байрыг нь сольсон юм.

Гэхдээ багийн ахлагчид хуучин 15% өндөр цалинг хэвээр үлдээн, түүнийг ихээхэн хариуцлагатай төсөл дээр ажиллуулсан ба Баясаад ч 15%-ийн нэмэгдэл цалин өгч материаллаг төдийгүй мэргэжлийн хувьд ч өсөх боломж олголоо. Илүү гаргасан зардал маань 50 доллар болсон боловч ажлын үр дүн нь миний бодож байснаас хэд дахин их тоогоор тоологдох ашигтай болсон билээ.

Сарын дараа баг хоёр хүчтэй мэргэжилтэнтэй болсон ба нэг нэгнийхээ зорилгыг сайн мэдэж байгаа хоёр маань хэлтэс доторх харилцаагаа сайжруулан, багийн ахлагчийг ажлаас халах аюул алга болсон юм. Удалгүй Баясаа энэ хэлтсийг удирдах болсон билээ.

Дараагийн түүх. Олон ярилцлага

Нэгэн жижиг IT компанид сайн нягтлан бодогч хэрэгтэй боллоо. Миний хувьд хуучин нягтлан маань шаардлага хангахгүй байсан ба энэ чухал, хариуцлагатай ажилд хэн дуртайг авч болохгүй нь ойлгомжтой.

Би чухам ямар шаардлага хангасан хүн авах тухайгаа тодорхой болгож бичээд захиралтайгаа зөвлөөд зараа тавилаа. Сонирхолтой ажил учир олон хүн хариу өгсөн байв. Тохиолдлоор байж болох хүмүүсийг шууд хасаж, бичсэн шаардлагад маань ерөнхийдөө тохирох хүмүүсийг бүртгэн авч, бүх шаардлага хангах хүмүүсийг ярилцлаганд урилаа.

Ярилцлагаа ажлын хуваарьтай зөрчилдөхгүй байлгахын тулд би Doodle сервис ашиглан хэзээ завтай, боломжтой байхаа бичээд бүх л ярилцлагад орох хүмүүстээ холбоос явуулж, тэд маань ч өөрсдөдөө боломжтой хугацаагаа сонгосон ба би бүх хүмүүс ингэхийг хүлээж байгаад уулзалтаа яг таг болгон товлолоо.

Ярилцлагаа 30 минут орчим байхаар тооцсон ба 20 минут ярилцагч маань өөрийнхөө тухай, бусад 10 минут нь миний асуусан асуултанд хариулах, шинэ ажлын байрны тухай миний тайлбар зэрэгт зарцуулагдах байв.

Дүгнэх шалгуур гэж 4 зүйл сонгосон ба энэ нь:

Гялалзан байгаа нүд
Шаардагдах программ хангамжийг мэдэх байдал
Туршлага
Ялгарах онцлог

Бүтэн хагас долоо хоногт би Skype-аар дамжин 35 ярилцлага хийж 3 хүн сонгож авсан ба нэг нь эргэж хариу өгөөгүй учир ерөнхий захиралтай зөвлөлдөөд үлдсэн хоёр хүнтэй уулзах цагаа тохирон бусад хүмүүст татгалзсан хариу өгсөн юм.

Ингэж би хэрэгтэй хүнээ, 342 хүсэлтээс 35 хүн сонгож ярилцаад олсон ба энэ бүхэнд 2 долоо хоног зарсан юм. Ингэж хурдан амжуулахад тодорхой систем бүхий үйл ажиллагаа, уян хатан сэтгэх, сул, чөлөөт цаг байхгүй учир олдож байгаа боломжийг бүрэн дүүрэн, чанартай ашиглах гэсэн оролдлого маань тус болсон юм.

3-р түүх. Бүтэн өдрийн турш болсон ярилцлага

Боловсон хүчин-оффис менежер хослон хийх хүн хөлслөн авсан тухай түүх юм. Компанийн гүйцэтгэх ажлын хэмжээ их биш учир энэ хоёр ажлыг нэг хүн хийх нь тохиромжтой байлаа.

Би ямар шаардлага тавьж байгаа болон гүйцэтгэх үүргийнх нь тухай бичээд нийгмийн сүлжээ болон ажлын байрны онлайн үйлчилгээнд зараа тавьсан юм. Сонирхсон, өөрийнхөө тухай CV явуулсан хүмүүсийн материалыг үзээд би манай оффист ирж бүтэн өдөр ажиллан өөрийгөө харуулахыг урилаа. Мэдээж хэрэг хөлс төлөх ба нэг өдрийн хагас цалин гэж тохирсон юм.

Энэ аргад хэд хэдэн давуу тал байсан нь:

Ярилцлага маань бодит ажлын орчинд, нөхцөлд болно.
Хүн ажлын эхний өдөр бүх зүйлээ дайчилдаг.
Чухам юу хийх ёстойгоо шууд ойлгодог.
Ажлын хамт олон маань хэнтэй ажиллахаа өөрсдөө шийдэх боломжтой.

Би элдэв ярилцлагад цаг алдалгүй, ажлын өдрийн тал хөлсөөр, ажлын цаг алдах аюулгүйгээр энэ бүхнийг бүтээсэн ба ажил горилогчид маань хий гэсэн бүх л зүйлийг хийж, хоёр долоо хоногийн доторх хийх ёстой байсан бүх л зүйлээ хийлээ.

Туршилт маань амжилттай болж, бүгд л сэтгэл хангалуун байсан ба хүрч ирэн зүтгэл гаргасан, гаргаагүй бүгд л хийсэн ажлынхаа төлөө хөлс авч байв. Энэ хооронд ажил үргэлж буцалж ундарч байсан ч бид бүхнийг амжуулсан билээ. Ажлынхан маань ч хэнийг сонгож авах боломжтой болсондоо дуртай байв.

Шинэ ажилтан маань бидний шаардлагыг бүрэн биелүүлэх хүн байсан ба өндөр цалин, хариуцлагатай ажил, ажлын олон бэрхшээлийг бие даан шийдвэрлэх зэрэг олон зүйлийг өндөр хэмжээнд гүйцэтгэж байлаа. Компани ажилтан сонгох гэж нэг хүнд хагас цаг биш бүтэн ажлын өдрийн цаг зарахаар аз туршиж чадсаны маань шагнал энэ билээ.

Нэг тогтсон аргыг бүх л компани, бүх ажлын байр дээр хэрэглэж болохгүй нь ойлгомжтой. Ажлын байр, байгууллага болгон өөрийн гэсэн онцлогтой учир ажилтан сонгож авахдаа маш хянуур, бүх л эрсдэлийг тооцож, зөв туршилтын хугацаа гаргах хэрэгтэй. Хамгийн гол нь туршилтаас айлгүй, хариуцлагыг нь хүлээхэд бэлэн байх юм. Зөвхөн ингэж байж л аливаа зүйлийг чанартай хийх билээ.