
Цаг хугацааг ч үл тоомсорлон хүмүүний зүрх сэтгэлийг байлдан дагуулсан хэвээрээ байдаг олон гайхалтай бүтээлүүд хүн төрөлхтний соёлын түүхийн чимэг болон гялалзсаар байна. Кино урлаг бол хүн төрөлхтний соёлын түүхийн агуу том хэсэг бөгөөд оюун санаа хийгээд техник технологийн үй олон гайхамшгуудыг уран сайхны аргаар сэтгэл зүрхэнд шингэтэл дүрслэн харуулсан гайхамшигтай дэлгэцийн бүтээлүүд эртнээс эдүгээг хүртэл бүтээгдсээр байна. Агуу зүйлийг бүтээнэ гэдэг амар хялбар ажил биш байдаг. Асар их хөдөлмөр зүтгэл, авьяас чадвар, хөрөнгө мөнгийг шаарддаг ба тэр бүхний эцэст бүх цаг үеийн гэж хэлэгдэх хэмжээний дэлгэцийн шилдэг бүтээлүүд бий болдог. Хүний сэтгэлийн утсыг хөндөж, нэрийг нь сонсоход л бүхий л үйл явдлууд нь ээлж дараалан оюун бодолд ургах олон гайхамшигтай дэлгэцийн бүтээлүүд байдаг. Тэдгээртэй холбогдсон түүх дурсамж ч төгсөшгүй үргэлжилдэг. Тэгвэл тэрхүү түүх дурсамжуудаас бид зөвхөн уг кинонуудыг бүтээх явцад гэрэл зургийн хальснаа бууж үлдсэн сонин, дурсамжтай агшнуудыг түүвэрлэн та бүхэндээ сонирхуулж байна. Тухлан болгооно уу.

































