Гэртээ тав тухтай кино үзэх орчин бүрдүүлэхэд туслах зөвлөгөө

Нийтлэгч: Лука

Огноо: 2016/11/29

Total0
0

Германы Гутенбергийн их сургуулийн Сэтгэл судлалын тэнхимээс явуулсан судалгаагаар тав тухтай орчин бүрдүүлсэн нөхцөлд хүмүүс кинондоо илүү их анхаардаг болохыг тогтоожээ. Орчин үед кино үзэх гэж заавал кино театр явалгүйгээр интернэтээс эсвэл телевизийнхээ кино сангаас түрээслээд үзэх боломжтой болсон. Ингээд гэртээ ая тухтай орчинд кино үзэхэд тань туслах 10 зөвлөгөөг хүргэе.

1. Ганцаараа эсвэл олуулаа үзэх эсэхээ шийд

Кино үзэх мөчид таны сэтгэл зүй, болон анхаарал төвлөрөл ямар байгаагаа урьдчилан мэдээд ганцаараа эсвэл бусадтай хамт кино үзэх эсэхээ шийдээрэй. Ингэснээр тухайн киноноос авах мэдрэмж тань улам нэмэгдэх болно.

2. Ямар төрлийн кино үзмээр байгаагаа шийд

Магадгүй та адал явдалт, уран зөгнөлт кино үзэж “хорвоогоос тасрах”-ыг хүсэж байж болох. Эсвэл урам зориг хайрласан кино үзэж сэтгэлээ сэргээмээр байж мэднэ. Аа бүр аймшгийн кино үзэж “айдас” мэдэрмээр ч байж болно. Тухайн үеийн сэтгэл санааны байдалдаа тохируулаад үзэх киногоо сонгох нь зүйтэй.

3. Техник хэрэгслээ сайжруул

Хэрвээ танд проектор байгаа бол та “home theatre”-тай л боллоо гэсэн үг. Тавилга сэлт багатай нэг ханандаа проектороо тусгаж байгаад үзвэл ч янзтай даа. Эсвэл таазандаа тусгаж байгаад, дээшээ харж хэвтээд үзсэн ч болно. Бас жижиг спикер залгачихвал киноны дуугаралт хамаагүй сайжирна гэдгийг та юу эс андах вэ.

4. Тохь тухтай орчин бүрдүүл

Зөөлөн дэр, нөмрөх хөнжил, дулаан халат гээд тав тухтай сууж, хэвтээд кино үзэхэд хэрэгтэй бүхнээ бэлдэж ав. Кинон дундуур ахин дахин босож яваад байхгүйн тулд уух юм, амны зугаа болгох зүйлсээ ч бас хажуудаа бэлдээд тавьчихвал зүгээр. Мөн кино эхлэхийн өмнө ариун цэврийн өрөө ороод аваарай.

5. Утасныхаа дууг хаа

Кинондоо автаад, бүр “дотор нь орчихсон” үед утас дуугарвал юу нь сайхан байх билээ? Тиймээс тун чухал дуудлага хүлээгээгүй л бол утсаа унтраачихсан нь дээр. Ядаж л дууг нь хаах хэрэгтэй.

6. Гэрлээ бүдэгрүүл

Цэлийсэн гэрэлтэй үед кино үзэх тийм ч тохиромжтой биш. Тиймээс боломжтой бол гэрлээ бага зэрэг бүдэгрүүлчихвэл зүгээр. Цаанаасаа л тухтай, романтик орчин бүрдээд ирнэ.

7. Амттанаа базааж аваарай

Зүгээр ч нэг амттан биш, кино театруудад зарагддаг попкорн, кока кола, ууттай чихэр, шэйк, мөхөөлдөс зэрэг амттан базааж аваарай. Яг л кино театрт байгаа юм шиг мэдрэмж төрнө.

8. Кино эхлэхээс өмнө ярих зүйлээ ярьж ав

Хэрвээ та найз нөхөд, танилуудаа гэртээ урьж, кино үдэш зохиох гэж байгаа бол киногоо эхлэхээс өмнө ярих зүйлээ ярьж авсан нь дээр. Эс бөгөөс кинон дундуур бие биенээ сатааруулах нягууртай.

9. Завсарлага ав

Нэг өдөр хэд хэдэн кино үзэж байгаа тохиолдолд нэг киногоо дуусгаад завсарлага авч нүдээ амраа. Энэ хооронд хөнгөн зууш идэнгээ киноныхоо тухай ярилцаж болох юм. Бас ариун цэврийн өрөө ч ороод амжина шүү дээ.

Дээрх зөвлөгөөний дагуу гэртээ кино үзэх ая тухтай орчноо бүрдүүлсэн бол одоо харин Юнивишний “Бэлэгтэй кино” сангаас дуртай киногоо сонгож үзээд 20 төрлийн бэлэгний эзэн болоорой. Хүссэн киногоо үзээд бас дээр нь бэлэг авна гэдэг гайхалтай биш гэж үү?
“Бэлэгтэй кино” хөтөлбөрийн хүрээнд 4 хүнийг супер бэлэгний эзнээр тодруулж 40 инчийн Sony брэндийн Led tv бэлэглэх юм байна.