Францын Овернь Auvergne мужийн Ла Посте Групп шуудангийн компани жолоочгүй онгоц бүтээгч Паррот компанитай хамтран шуудангийн шинэ үйлчилгээ нэвтрүүлэх гэж байгаа тухайгаа өнгөрөгч 4-р сарын 1-ний өдрөөр мэдэгдсэн. Гэтэл ирэх 5-р сарын эхээс эхлэн өдөр тутмын хэвлэлийг жолоочгүй онгоцоор хүргэх болно гэсэн дээрх мэдэгдэл нь Инээдмийн баярын өдөрт зориулагдсан хууралт байсан байна. Ла Посте групп дээрх мэдээллийг Францаар зогсохгүй бүх Дэлхий даяар тараахад тус болсон Твиттер тэргүүтэй бүх хэвлэл мэдээллийн хэрэгслүүдэд талархлаа илэрхийлжээ.Түүнчлэн цаашид хэрэгжиж болохыг үгүйсгэх аргагүй ч одоогоор наргиан, хуурамч зүйл гэдгээрээ үлдсэн өдөр тутмын хэвлэлийг жолоочгүй нисэх хэрэгслээр айл бүрт хүргэх тухай энэхүү хууралт нь олон хүнийг инээлгэж чадсан байхаа гэдэгт итгэлтэй байгаагаа ч мөн өөрийн албан ёсны вэбсайтад бичиж үлдээсэн байна. Анхны мэдээллийн тухайд өгүүлэхэд Ла Посте групп өнгөрөгч 4-р сарын 1-ний өдөр гар утсанд зориулсан утасгүй төхөөрөмж бүтээгч Паррот компанитай хамтран Air Drone Postal нэртэй жолоочгүй нисэх хэрэгсэл бүтээсэн тухайгаа, өдөр тутмын хэвлэлийг хүргэх зорилгоор бүтээсэн тэрхүү нисэх хэрэгслээ сайн дурынхантай хамтран туршсан тухайгаа мөн ирэх 5-р сарын эх гэхэд уг төхөөрөмжийг ашиглаж эхлэх гэж байгаа талаар албан ёсны мэдээлэл цацсан байна. Энэхүү мэдээлэл бүх төрлийн мэдээллийн хэрэгслүүдээр дамжин маш хурдан тархсан ба сонирхсон хүмүүсийн тоо маш олон байжээ. Харин 4-р сарын 2-ны өдөр Ла Посте групп өөрийн албан ёсны вэбсайт дээр энэхүү мэдээлэл нь Инээдмийн баярын өдөрт зориулсан хууралт байсныг мэдэгдсэн байна.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
McTavish
2013/04/04 at 21:00
байж болох л юм тээ
uniQu3
2013/04/04 at 22:52
ммм
VkiNzZz
2013/04/04 at 23:28
хммм