Эдгээр дур булаан бүсгүйчүүдгүйгээр Риогийн олимп уйтгартай, нүд хужирлах зүйлгүй байх байсан биз. Гоо үзэсгэлэнт бүсгүйчүүд олимпийн алтан медалийн эзэн болж байснаас гадна дэлхийн өнцөг булан бүрт олон олон залуугийн зүрх сэтгэлийг шархлуулж чадсан бизээ.
15. Хоуп Соло
Америкийн хөлбөмбөгийн шигшээ багийн хаалгач. 2008 болон 2012 оны олимпийн аварга, 2015 оны дэлхийн аварга. Тэрээр маш үзэсгэлэнтэй, тэсэрсэн зан ааштай бүсгүй ажээ.
14. Наташа Хастингс
АНУ-ын хөнгөн атлетикийн тамирчин, тэрээр 400 метрийн зайд гүйдэг. 2008 оны олимпийн аварга, 2007, 2009 болон 2011 оны дэлхийн аварга.
13. Эллен Хуг
Эллен Хуг хоёр ч удаа олимпийн алтан медалийг энгэртээ зүүсэн зүлэгний хоккейчин. Тэрээр Голланд улсыг төлөөлөх бөгөөд царай төрх нь нялх хүүхдийг санагдуулам ч маш дур булаам бүсгүй ажээ.
12. Федерика Пеллегрини
Дунд зайны чөлөөт сэлэлтээр мэргэшсэн италийн үзэсгэлэнт бүсгүй. 400 метрийн чөлөөт сэлэлтийн рекордыг 4 минут болгосон анхны эмэгтэй. 2008 оны олимпийн аварга, 4 удаагийн дэлхийн аварга, тэрээр сэлэхээс гадна дуу хөгжим, загвар, шивээс сонирхогч. Сайн санааны үйлсэд гар бие оролцдог: өөрийн хуучин эд зүйлсээ eBay дээр зарж олсон мөнгөө сайн үйлсэд зориулдаг ажээ.
11. Кэссиди Кук
Загварын амьдралд өөрийгөө зориулж байгаа ба усанд үсрэлтээр хичээллэж эхэлсэн. Риогийн олимпод өөрийгөө хэн болохоо таниулж чаджээ.
10. Елена Делле Донн
26 настай мэргэжлийн сагсчин бүсгүй “Чикаго Скай” сагсан бөмбөгийн үндэсний холбооны эмэгтэйчүүдийн багт тоглодог. Түүний төрсөн эгч төрөлхийн хэлгүй, дүлий, аутизмтэй тул тахир дутуу хүмүүсийг дэмжих тал дээр маш их хамтран ажилладаг. 2014 онд Тусгай Олимпиадын элч төлөөлөгч болсон түүний зүс царай зүс үзэсгэлэнтэйгээс гадна сайхан сэтгэлтэй нэгэн ажээ.
9. Мишель Женнеке
“Инээмтгий гүйгч” хочтой австралийн тамирчин бүсгүй 2012 онд тэмцээн эхлэхээс өмнөх бие халаалтаар бүжиглэсэн этгээд бүжиг нь олон түмнийг баясгаж байлаа.
8. Эмбер Хилл
Буудлагын тамирчин бүсгүй Их Британи улсыг төлөөлнө. 15 настайдаа олимпийн алтан медаль хүртэж тухайн төрлийн хамгийн залуу медальтнаар тодорч байжээ.
7. Лерин Франко
Парагвайн жад шидэлтийн тамирчин бүсгүй бас загвар өмсдөг. Өмнөд Америкийн хөнгөн атлетикийн аварга шалгаруулах тэмцээний 2 удаагийн медальт. Тухайн төрлөөр Парагвайн рекордыг тэрээр тогтоожээ – 57м 77 см.
6. Маргарита Мамун
Оросын уран сайхны гимнастикч бүсгүй дэлхийн 7 удаагийн аварга. Риогийн олимпод өөрийн хүч чадал, гоо сайхнаараа гайхагдаж байна.
5. Юлия Ефимова
Оросын усанд сэлэлтийн тамирчин бүсгүй 2012 оны олимпийн хүрэл медаль хүртэж байсан бол энэ жил мөнгөн медаль Олимпоос хүртжээ. Усанд сэлэлтийн олон улсын холбоо түүнийг 2016 оны Риогийн олимпод оролцох эрхийг цуцалсан байсан хэдий ч тамирчин бүсгүй Спортын арбитрт нэхэмжлэл гарган заргаа авч чаджээ. Түүний хичээл зүтгэл, гоо сайхан уулыг ч орвонгоор нь эргүүлж чадна гэдгийн тод жишээ юм.
4. Дарья Клишина
Оросын тамирчныг мөн л Олимпод оролцуулахыг хүсээгүй юм, тэрээр Спортын арбитрт гомдол гаргаж олимпод оролцох эрхээ сэргээлгэж чаджээ. Тэрээр хөнгөн атлетикийн төрөлд оролцсон цорын ганц оросын тамирчин юм. Энэ удаад гоц гойд амжилт гаргаж чадаагүй ч гэлээ ирээдүйд томчуудтай өрсөлдөхүйц хэмээн үнэлэгдэж байгаа ажээ.
3. Шелина Задорски
Канадын баг тамирчдыг төлөөлөн Олимпийн наадамд хөлбөмбөгийн тэмцээнд оролцсон бүсгүй. Бага байхаасаа л спорт сонирхож олон жил гар бөмбөг, сагсан бөмбөг тоглож эцэс сүүлд нь хөл бөмбөг тоглож амжилт гаргажээ. 23 настай сэтгэл зүйч нэгэн бүсгүй байна.
2. Жаклин Карвальо
Бразилийн гар бөмбөгийн багийн довтлогч, Бээжингийн болон Лондонгийн олимпийн аварга, 2006 болон 2010 оны дэлхийн аварга шалгаруулах тэмцээний мөнгөн медальт.
1. Алекс Морган
Америкийн хөлбөмбөгийн “Орландо Прайд” баг болон АНУ-ын шигшээ багийн довтлогч бүсгүй 2012 оны олимпийн аварга, 2015 оны дэлхийн аварга. 2012 онд АНУ-ын шилдэг хөлбөмбөгчнөөр шалгарч байсан бөгөөд FIFA-гийн шилдэг эмэгтэй хөлбөмбөгчнөөр нэр дэвшиж байжээ.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
монголоо
2016/08/23 at 14:47
Ази бүсгүйчүүд яасым бэ???