30 наснаас хойш бидний амьдралд гарах аймшигт өөрчлөлтүүд

Нийтлэгч: Лука

Огноо: 2016/07/25

Total162
162

Та 30 нас хүрсэн үү? Баяр хүргэе. Өнөөдрөөс эхлэн таны амьдрал эрс өөрчлөгдөнө – сайн тал руугаа биш нь харамсалтай. Ойрын хэдэн жилд та яаж өөрчлөгдөхийг урьдчилан мэдэж байвал зохилтой, илүү хөнгөн хүлээж авах болно.

Шарталт таны хувьд ертөнцийн төгсгөл мэт санагдана

20-тойдоо та шөнөжингөө найз нартайгаа наргисан мөртлөө маргааш нь юу ч болоогүй юм шиг л цоглог байдаг байлаа, харин одоо өөрчлөгдөж байгаагаа бага багаар мэдрэх болно. Залуу байхдаа өглөө ганц шил рашаан уугаад л сэргэдэг байсан цаг ард өнгөрчээ. Уухаасаа өмнө урьдчилан аспирин, цай, ус, утсаа бэлдээрэй. Үе тэнгийнхэн чинь маргааш өдөржингөө л бие муу байна гэж утас цохицгооно биз.

Таны дасал болсон бүх зүйл хуучирсан мэт санагдана

30 даваад ирэхээр таны амьдралдаа хэрэглэдэг байсан аливаа зүйлс хуучирч хоцрогдсоныг ухаарах болно. Тоглоом тоглодог хүчтэй том компьютер? Ойлгооч дээ, өнөөгийн залуучууд лэптоп ашиглаж байна. Секс-бомб Памела Андерсон? Тэр эмгэн үү гэх биз. Домогт Pink Floyd – удахгүй тэдний дууг ахмадын бааранд тоглуулна. Цаг үеэсээ хоцрохгүйн тулд үеэл дүүгээсээ тусламж хүсэх цаг ирж дээ.

Витамин таны салшгүй нэг хэсэг болно

Хуучин та хоолны дэглэм сахидаг байж билээ. Сайхан бие галбиртай байхын тулд цөөхөн хэдэн ногоон навч, жимсхэн идээд л цоглог алхдаг цаг саяхан мэт. Харин 30 наснаас хойш бол эмч нар танд өөрийг зөвлөнө – бие организмаа нэмэлт тэжээлээр дэмжих цаг иржээ. Та эмчийн хэлснийг хүлээн зөвшөөрөх хэдий ч өдөр болгон шаардлагатай витамин уух нь танд хөгширч байгааг улам л сануулаад байгаа мэт сэтгэгдэл төрүүлнэ.

Та гэнэт л чөлөөт цаг ихтэй болно

Орой ажлаасаа тарж гэртээ ирээд та дуусашгүй чөлөөт цагтай болсон мэт санагдана. Урьд өмнө нь бааранд цуглаж чөлөөт цагаа өнгөрөөдөг байсан нас нэгт найзууд гэр бүлийнхээ хүрээнд цагийг өнгөрөөхийг эрхэмлэх болжээ. Энэ нь нэг бодлын аймшгийн мэт, ажлаас хойш хөдлөх үнэн дургүй нь хүрч, ер нь бол зурагтынхаа удирдлагад арайхийж л хүрч байгаа хүмүүс болон хувирч байгаагийн эхлэл.

Та цуврал кино үзэх дуртай болно

Залуу байхдаа та цуврал киноны нэг ангийг ч үзэж дуусгаж чаддаггүй байлаа. Харин одоо дэлгэцээсээ ч салж чадахгүй болжээ.

Та өөрөө хүүхэдгүй ч гэлээ таны амьдралын хэв маягийг хүүхэд ямар нэгэн байдлаар эвдэх болно

Найзын тань төрсөн өдөр, оюутан насаа дурсах цугларалт – хэн нэгнийхээ гэрт цуглаад залуу насаа дурсах нь сайхан. Явах гэхээр хүүхдүүдээ яах билээ гэсэн асуудал гарч ирнэ. Эмээг гуйхаас өөр аргагүйд хүрнэ дээ, хүүхдүүдэд ч энэ зугаатай байх болно. Хэрвээ танайд зочид ирж байгаа бол та гал тогоонд хоол хийж байх хооронд хэдэн “зэрлэгүүд” чимээгүй таны зочны өрөөг сүйдэлж байж болно. Ашгүй, саад болохгүй бол дураараа болцгоог гээд нүдээ аниад байж болно, гэхдээ дараа нь танд маш их ажил удсаныг ухаарах цаг ирнэ дээ. Тэгэхээр хүүхдүүдээ эзгүй орхих нь дэндүү үнэтэй тусахыг та ойлгож хөдөлж чадахаа болих нь тэр.

Хоолоо сойхоос өөр аргагүй

Залуу байхад хэрчим мах, зүсэм бялууг нүдээ аниад л хэтрүүлэн иддэг байлаа: хэдэн өдөр оройн хоолгүй явахад эргээд л жиндээ орчихно. Харин одоо хаанаасаа ч юм бүү мэд илүү кг, см болгон таны сэтгэлийг зовоох болж. 40 дөхөөд ирэхээр эмэгтэйчүүд нь илүү жинд санаа алдаж, эрчүүд нь толины өмнө зогсож гүзээгээ татах болж дээ. Идэх хоолныхоо хэмжээг багасгахаас өөр аргагүй.

Танд бусдын санаа бодол чухал биш болно

Залуу байхад танд хандаж хэлсэн үг болгоныг та хүлээж авдаг байлаа: таныг буруутгасан үг таны сэтгэлийг зовооно. Харин одоо бусдын хэлсэн үг танд огтхон ч хамаагүй санагдах болжээ. Хэрвээ та зөвөөр сэтгэж, аливаа зүйлийг эрүүлээр тунгаан боддог бол энэ өөрчлөлт нь сайн тал руугаа юм. Эс бөгөөс таныг биеэ тоосон бүдүүлэг хүнд тооцох болно шүү.

Эргэн тойрон таны дургүйг хүргэсэн залуучууд байх болно

Бид өөрсдийгөө залуу гэж бодсоор – ажил дээрээ ч, спорт клубт ч, найз нөхөддөө ч… Харин залуучууд гэдэг чинь огт өөр болохыг та ухаарах болно, та ахмадуудын эгнээд оржээ. Эхлээд та өөрийгөө хөгширч байгааг хүлээн зөвшөөрөхгүй, харин удалгүй аав, ээж шигээ “Бидний үед …” гээд л эхэлнэ дээ.

Таны бие организм нэг л биш

Залуу байхдаа та хуруугаа дуугаргахыг хүсдэг байлаа, даанч чадахгүй. Харин одоо хуруу тань бараг л өөрөө дугараад байгаа биз? Бороо орохоор бага байхдаа хугалсан хөл нь янгинана, хүндхэн зүйл өргөхөөр нуруугаар хатгана. Бас дээрээс нь өдөр тутам уух витаминаа мартаж болохгүй-тус болж юуны магад.

Биеийн тамираар хичээллэхэд хүнд болжээ

Цахилгаан шат эвдэрсэн үед та дээшээ долоон давхар руу төвөггүй гүйгээд гарчихдаг байлаа. Харин одоо цахилгаан шат хэзээ ажилд орохыг тэсвэртэй нь аргагүй хүлээж чадна. Нийтийн унаанд чихэлдэж байхаар түгжрэлтэйг нь мэдсээр байж машинаар явна. Спорт зааланд хичээллэхдээ ч өөртөө ачаалал өгөх нь багасчээ. Хамаагүй ээ, хамгийн гол нь спортоор хичээллэхээ орхиж болохгүй.

Буурал үс, за яахав дээ

Та Жорж Клунитай адилхан болохыг хүсэж ганц хоёр үсээ цагаанаар будуулахыг хүсдэг байв уу? Харин одоо хүссэн хүсээгүй буурал үс цухуйж та хэнд ч мэдэгдэлгүйгээр зулгаасаар л. Эмэгтэйчүүд энэ өөрчлөлтийг бүр хүндээр тусгаж авах бөгөөд дэлхийн сүйрэлтэй дүйцэхүйц зүйл болно. Аз болж үсний будаг гэж аврал байна.

Анхны үрчлээс гарна

Таны арьс байгалиасаа цэвэрхэн хэдий ч 30 даваад ирэхээр нүдний доогуур өөрчлөлтүүд мэдэгдэж эхэлнэ. 30 настай эмэгтэйчүүдийн гоо энгэсгийн тавиур дээр үрчлээний тос гэгч бүтээгдэхүүн шинээр нэмэгдэх нь тэр. Үрчлээ болгон таны элээсэн оймсны тоог илтгэх болжээ.

Та төлөвлөж эхэлнэ

Таныг залуу байхад ээж тань тэмдэглэлийн дэвтэр бэлэглэж, тэр нь тоосонд дарагдан хэвтэж байдаг байв уу? Харин одоо та өөртөө тэмдэглэлийн дэвтэр худалдаж авч юм л бол юм сараачиж суудаг болжээ.

Таны амьдрал сайжирна

Таны амьдрал тогтож илүү тайван болсон байхыг та ухаарна. Хувийн амьдрал тань тогтворжиж сэтгэл зовох зүйлгүй болжээ. Өөрийн хэрэгцээг хангах цалинтай, эсвэл авсан хэдийгээ хэрхэн зарцуулахаа ч мэддэг болсон цаг. Ахуйн асуудлыг хэрхэн амархан шийдвэрлэхээ мэдэж, гарын хэдэн сайхан хоолтой болжээ. Өөрийн гэсэн орох оронтой байгаа цагт амьдралдаа сэтгэл хангалуун гэр бүлийнхээ гишүүдээр хүрээлүүлэн сууна.