Агаар салхинд гарч гэр бүл найз нөхөдтэйгөө зугаалах цаг ойртож байна. Та бүхэнд гуриланд ороож хийх гайхалтай амттай хачирны жоруудаас танилцуулахаар бэлдлээ.
Ногоотой хачир
Амтат чинжүү, өргөст хэмх, улаан лоолио жижиглэн хэрчинэ. 1 хумс сармис нухаад дээрээс нь ногоон навчит ногоонууд, сонгино, яншуй, базилик мөн дөрвөлжин хэрчсэн фета бяслаг хийнэ. Давслаад, ургамлын тос багахан дусаагаад бүгдийг сайтар хутгана.
Аарцтай хачир
180 г аарц, 50 г зөөхий, бяцалсан жижгэвтэр ганц сармис, нэг том улаан лооль бүгдийг сайтар холино. Яншуй, давсаар амтална.
Семга загастай хачир
Багавтар давстай 100 г семга загасыг жижиглээд бяслагтай холино. Эхлээд гурил дээрээ багахан бяслаг түрхээд дээрээс нь салатны навч, загастай бяслагаа түрхэж өөрийн хүссэн амтлагчаа цацаж орооно.
Тахианы махтай шаурма
Тахианы махаа жижиглэн хэрчээд шарна. Дээрээс нь сонгино, 2 улаан лооль, өргөст хэмх, яншуй, 2 хумс сармис хийж хутгана. Дээрээс нь төмсний чипс, 4-5 х.х цуу,1 х.х холимог перец, ургамлын тос хүсвэл цөцгийн тос хийж болно.
Гахайн мах, бяслагтай хачир
Лаваш дээрээ 100 г гахайн мах, 100 г хатуу бяслаг, шинэ өргөст хэмх, хумс сармис, грек маягийн йогурт хийж хуйлна. Ороомог бэлэн.
Буритос хачир
Тортильясын бинд 500 г жигнэсэн үхрийн мах, 2 сонгино, ½ лаазалсан эрдэнэ шиш, 1 улаан амтат чинжүү, 2-3 улаан лооль, давс, перец, 200 г чеддер бяслаг, яншуй, кинза зэргийг холиод мексик хоол зооглоорой.
Мөөгтэй хачир
200 г мөөг шараад сонгино, чанасан 3 өндөг, 50 г хатуу бяслагтай холино. Мөн 100 мл зөөхий хийвэл бүр янзтай.
Махтай хачир
300 г татсан махыг 1 ш луувантай шарна. Чанаж бэлдсэн брокколиг сонгинотой холино. Дээрээс нь 50 г хатуу бяслаг, 2 улаан лооль, салатны навч хийнэ. Мөн 1-2 хумс сармис, амтлагч ногоонууд хийж зөөхийгөөр зуурна. Давс, перецээр амтлаарай.
Халуун ногоотой тахиа, ногооны хачир
Тахианы цээж мах, 2 улаан лооль, 1 амтат чинжүү, улаан сонгино, үрж жижиглэсэн 125 г моцарелла бяслаг. 50 г салатны навч, 5 х.х оливийн тос, 2 чимх хар перец, ясгүй 10 олив, 2 чимх давс.
Яргайтай хачир
180 г яргай, 200 г бяслаг /хайлуулсан/, 1 өргөст хэм, амтлагч ногоонууд. Ороомог бэлэн.
Авокадо болон ногоотой хачир
100 г авокадог томовтор хэрчээд, шар амтат чинжүү, улаан лооль, амтлагч ногоо, брынзаг холино.
Оливтой хачир
80 г ясгүй олив, 100 г хатуу бяслаг, боодол яншуй, 1 х.х оливийн тос, 1 х.х нимбэгийн шүүс, 50 г самар, 100 г шарсан тахианы мах.
Хавчны махтай хачир
400 г махыг жижиглэн хэрчээд 150 г хатуу бяслаг, 3 өндөг, 300 г цөцгий, 3 хумс сармис өөрийн дуртай ногоонуудаа нэмж хутгана. Гуриландаа хуйлаад л боллоо.
Солонгос маягийн луувантай хачир
200 г лууван, 100 г хайлуулсан бяслаг. Ердөө л энэ.
Аарц, зөгийн балтай хачир
80 г зөгийн бал, 200 г аарц, 50 г самар холиод гуриланд орооно. Хүсвэл дээрээс нь багахан зөгийн бал асгаарай.
zaya
2016/06/03 at 11:44
sanal bolgoson joriig avlaa bayrlalaa