Төмсөөр хийх амттай хоолны 6 жор

1

Гэр бүл эсвэл ирсэн зочдоо баярлуулахын тулд заавал их мөнгө зарах хэрэггүй. Төмс – жилийн дөрвөн улиралд байж л байна, тэгээд ч боломжийн үнэтэй. Ямар ч ширээг чимэх, төмсөөр хийсэн хоолны жоруудыг танд бэлдлээ.

Төмсөн “сарнай”

Төмсөөр хийх амттай хоолны 6 жор 6

Орц:

  • Төмс – 6 ш /4 хүнд/
  • Үрсэн хатуу бяслаг – 50 г
  • Хатаасан талхны үйрмэг – 50 г
  • Ургамлын тос 2 х.х, мөн түрхэх багахан тос
  • Давс, хар перец

Хийх арга:

  • Төмсөө арилгаж цэвэрлээд маш нимгэн зүснэ. Хутгаар эсвэл тусгай зүсэгчээр зүсэж болно.
  • Хэрчсэн төмсөө саванд хийж дээрээс нь хатаасан талхны үйрмэг, тос, давс болон перецээ цацна. Сайтар холиорой.
  • Маффины хэвээ тослоно. 6 хэв байхад болно.
  • Хэрчиж амталсан төмсөө хэвэндээ сарнай хэлбэртэйгээр хийнэ. Голоос нь эхэлсэн нь дээр шүү. Эхний голд хийж байгаа төмсөө хуйлаад цэцэгний гол болгоно. Бусдыг нь тойруулаад өрнө.
  • Төмсөн “сарнай” дээрээ бяслагаа цацна.
  • Урьдчилан 180 хэм хүртэл халаасан шарах шүүгээнд шаргал өнгөтэй болтол буюу ойролцоогоор 40 минут шарна.

Швед маягаар шарсан төмс

Төмсөөр хийх амттай хоолны 6 жор 1

Орц:

  • Том төмс – 4 ш /4 хүнийхээр/
  • Бекон эсвэл гахайн утсан мах – 100 г
  • Цөцгийн тос – 50 г
  • Сармис – 1 хумс
  • Давс, нунтаг хар перец, анхилуун амтлагч ногоонууд

Хийх арга:

  • Төмсний хальсыг авалгүйгээр шороог нь сайн угааж таслалгүй тусгай зүсэгчээр үргэлжлүүлэн зүснэ. Эсвэл нэхмэлийн зүү төмсөндөө шургуулаад хутгаар нэхмэлийн зүү хүртэл зүссэний дараа зүүгээ сугалаад авна.
  • Цөцгийн тосоо халааж жижиглэн сармис, давс, перец, анхилуун үнэрт амтлагч ногоонуудаа хийж хутгана.
  • Тохирох саванд төмсөө хийгээд тостой холимгоо үе болгонд түрхэж амтлахыг хичээнэ. Хүнсний багс тохиромжтой байдаг юм.
  • 200 хэм хүртэл халаасан шарах шүүгээнд 40 минут орчим шарсны дараа гарган ирж бэлдсэн беконоо хийж дахин 30 минут болгоно.

Төмсөн “пицца”

Төмсөөр хийх амттай хоолны 6 жор 2

Орц:

  • Том төмс – 2 ш /4 хүнийх/
  • Үрсэн бяслаг – 100 г
  • Гахайн мах эсвэл хиам – 100 г
  • Улаан лооль
  • Ургамлын тос
  • Давс, перец

Хийх арга:

  • Төмсөө цэвэрлэж угаагаад үрүүлээр эсвэл маш нимгэн савх хэлбэртэй зүснэ.
  • Наалддаггүй гадаргуутай хайруулын тавганд тосоо халааж төмсөө жигд тарааж таглаад 10 минут орчим жигнэнэ.
  • Төмсөө гаргаад хэвэнд хийж дээрээс нь хиам эсвэл гахайн махаа цацаад цагираг хэлбэрээр хэрчсэн улаан лоолио тарааж тавина. Эсвэл өөрийн дуртай ямар ч амтлагч хийж болно: мөөг, сонгино …
  • Бяслагаа цацаад 190 хэмд бяслаг бүрэн хайлтал шарна. Ойролцоогоор 10 минут орчим болно.

Төмс, бяслагтай “кекс”

Төмсөөр хийх амттай хоолны 6 жор 3

Орц:

  • Төмс – 0,5 кг /4 хүнийхээр/
  • Хагас хатуу бяслаг /Эдам, Гауда зэрэг/ – 300 г
  • Цөцгийн тос – 50 г
  • Хатсан талхны үйрмэг
  • Давс, перец

Хийх арга:

  • Төмсөө цэвэрлээд хагас см зузаантайгаар хэрчинэ, мөн адил хэмжээгээр бяслагаа хэрчиж бэлдэнэ.
  • Давстай усанд төмсөө 20 минут орчим чанаад шүүж авч хуурай цаасан дээр тавьж усыг нь шингээж авна.
  • Кексийн хэвний ёроолыг тослоод хатаасан талхны үйрмэгээ цацна.
  • Төмс, бяслагаа үелж тавихдаа үе болгоныг давс, перецээр багахан амтална. Эхний болон сүүлийн үе төмс байхаар тавина.
  • Үлдэгдэл цөцгийн тосоо хайлуулж “кекс” дээрээ асгаарай.
  • Шарах шүүгээнд 190 хэмд 30 минут болгоно. Гаргаж ирээд 10 минут хөргөсний дараа хэвнээс авна.

Төмсний вафли

Төмсөөр хийх амттай хоолны 6 жор 4

Орц:

  • Вафли хийгч
  • Төмс – 0,5 кг /4 хүнийхээр/
  • Сүү – 1 стакан
  • Өндөг – 2 ш
  • Ургамлын тос – 4 х.х
  • Гурил – 1 стакан
  • Хөөлгөгч – 1 ц.х
  • Давс, перец, хатаасан амтлагч ногоонууд

Хийх арга:

  • Төмсөө цэвэрлэж хэрчээд усанд чанаж болгоно. Хөрөхөөс нь өмнө нухаарай.
  • Төмсөн дээрээ тос, бүлээн сүү, өндгөө хийж хутгана. Аль болох хурдан хутгахыг хичээ.
  • Гурилаа шигшээд дээрээс нь хөөлгөгчөө хийж холино. Гурилаа сүүтэй төмс дээр нэмж зуураад давс, перец болон бусад амтлагчуудаар амтлана. Сайн зуураарай.
  • Вафли хийгчдээ хийж болгоно.

Төмсний “бялуу”

Төмсөөр хийх амттай хоолны 6 жор 5

Орц:

  • Төмс – 2 кг /8 хүнийхээр/
  • Цөцгийн тос – 20 г
  • Ургамлын тос – 3 х.х
  • Давс, перец, анхилуун үнэрт ногоонууд

Хийх арга:

  • Төмсөө арилгаад цагираг хэлбэрээр нимгэн хэрчинэ.
  • Төмсөө саванд хийж дээрээс нь ургамлын тос, давс, перец болон ногоонуудаа хийнэ. Бүгдийг сайтар холино.
  • “Бялуу”-ныхаа хэвийг тосолж бэлдэнэ.
  • Зураг дээр үзүүлсэн шиг төмсөө хажуулдуулж өрнө. Дугуй саванд бол илүү гоёмсог харагдах болно шүү.
  • 200 хэм хүртэл халаасан шарах шүүгээнд 1 цаг 20 минут орчим болгоно. Төмс бүхэлдээ болсон байх ёстой бөгөөд төмсний дээд хэсэг буюу “бялуу”-ны дээд хэсэг шаргал өнгөтэй болох ёстой. Төмс болохгүй дээрээсээ түлэгдэх гээд байвал фольгагаар битүүлж болно.
17
ТэнэглэлТэнэглэл
9
ГоёГоё
6
БахархмаарБахархмаар
5
ГайхмаарГайхмаар
4
БурууБуруу
3
ХарамсалтайХарамсалтай
3
ХөөрхөнХөөрхөн
2
Ха ХаХа Ха
Баярлалаа!

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй. Required fields are marked *