Жавар тасхийсэн хүйтэн өвлийн хамгийн гайхалтай зүйл нь хөвсгөр зөөлөн, цав цагаахан цасан ширхэг байдаг. Бүүдгэр тэнгэрээс будран орох үй түмэн цасан ширхгүүд нэг л мэдэхэд орчныг цав цагаан өнгөөр будаж орхидог. Газар дэлхийг бүрхсэн цагаан цасан дээр гутлынхаа мөрөөр зураг зуран үлдээж үзээгүй хүн гэж энэ хорвоод үгүй. Цасан дээр гишгэн мөрөө үлдээж, зураг зурах дуртай нэгэн хүний маш гайхамшигтай бүтээлүүдээр үзэгч та бүхний мэлмий юуг мялааж, сэтгэл юуг баясгаж байгаадаа баяртай байна. Энэ бол цасан дээр гайхамшгийг урлагч Саймон Бек юм.Оксфордын их сургуулийг инженерийн шинжлэх ухааны чиглэлээр дүүргэсэн энэ эрхэм хөндий талыг хучсан хөвсгөр цагаан цасыг ер бусын том урлагийн бүтээлээ туурвих талбар болгон ашигладаг. Хөл бөмбөгийн гурван талбайг нийлүүлсэн хэмжээний нэг бүтээлээ бүтээхийн тулд цасан дээр дор хаяж 5-9 цаг уйгагүйгээр, маш нарийн нямбай алхаж, нарийн ээдрээтэй хээ дүрсийг үүсгэдэг Саймон Бек 2004 оны Зул сараар анхныхаа бүтээлийн шанг татсанаас хойш өнөөг хүртэл цасан дээрх бүтээлээ улам төгөлдөржүүлэн туурвисаар байгаа юм. Үнэхээр гайхширмаар, заримыг нь өндрөөс харахад 3D дүрслэлтэй харагдах энэхүү бүтээлээ туурвихаар Бек цасны гутал өмсөн Францын Савое нуурыг зорьдог бөгөөд цэвэрхэн цагаан цасаар хучигдсан томоохон хэмжээний цэлгэр талбай бүхэн түүний уран бүтээлийн талбар болдог байна. Хэр удаан хугацаанд “амьд” байх нь цаг агаарын байдлаас хамаардаг энэхүү агуу, гайхамшигтай геометрийн дүрсүүдийг бүтээгч хэлэхдээ “Энэ бүхнийг хийх болсон гол шалтгаан нь хөлнийхөө асуудлын улмаас би хол газар алхаж чаддаггүй, тиймээс цасан гадаргуу дээр алхах нь миний хувьд дасгал хөдөлгөөн хийх хамгийн өвчин зовиур багатай арга зам байсан явдал юм. Эцэст нь үүнийхээ зургийг авах шалтгаан бий болсон учир би илүү сайн гэрэл зургийн аппарат авах хэрэгтэй юм байна гэж бодох болсон юм.” хэмээсэн байна.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
avp_0227
2012/11/23 at 20:55
nice2
sbtsatsa
2012/11/23 at 21:42
gaihaltai boljee
Suiton
2012/11/24 at 01:04
wow
Lighting_ghost
2012/11/24 at 02:39
89
uniQu3
2012/11/24 at 21:22
үнэхээр гайхалтай!
SoL0
2012/11/25 at 17:27
gaihaltai
Зочин
2012/11/26 at 14:36
uneheer gaihaltai yumaa
jerry-man
2012/11/26 at 21:07
uneher gaihaltai *** ve ene chin
Зочин
2012/11/28 at 00:08
уншаад үзээрэй
http://ali-post.blogspot.com/2011/12/blog-post_11.html
Зочин
2012/11/29 at 00:47
awyastai yumaa gaihaltai