Энэ онд бидний үзэх киноны сонголт арвин байх бололтой: хүүхэлдэйн киноны үргэлжлэл ангиудаас авахуулаад ихээхэн хүлээлт үүсгээд буй кинонууд ар араасаа цуварсаар л байна.
Kung Fu Panda 3
Хэзээ: 1-р сарын 28-наас
По өөрийн төрсөн эцгээ олсноос хойш тэд төрсөн тосгон руугаа явцгаадаг. Гэвч түүнийг тайван амьдрал тэнд ч бас угтсангүй. Кай хэмээх хорон муу санаат Хятадын бүх кун-фу мастеруудыг устгана. По-гийн өмнө шийдвэрлэх том зүйл бий: тосгоны бүх ахан дүүсээ кун-фу пандагийн эгнээнд элсүүлэх ажил.
Deadpool
Хэзээ: 2-р сарын 11-нээс
Зэр зэвсэг үйлдвэрлэдэг Х хэмээх нэгэн газар хорт хавдартай Уэйд Уилсонд туршилтын туулай болох санал тавина. Уилсон итгэмээргүй хүчтэй болж өвчнөөсөө ангижрахаас гадна, хамгийн гол нь өөрийн хувь тавиланг өөрчлөх чадалтай болжээ. Гэсэн хэдий ч түүний биед маш аймшигтай өөрчлөлтүүд гарна: эд эс нь байнга өөрчлөгдөж оюун санааны хувьд улам л тогтворгүй болно.
The Divergent Series: Allegiant
Хэзээ: 3-р сарын 10-наас
Трис, Фор хоёр хотыг орхин явж ханын цаана гарч чаджээ. Тэд аюул нүүрлэсэн тулааны халуун цэг дээр очно. Тэдний хувьд үнэн мөнийг хурдан олж хэнд итгэж, хэний талд байлдахаа шийдэх сонголт тулгарчээ.
The Jungle Book
Хэзээ: 4-р сарын 7-ноос
“Карибийн тэнгисийн дээрэмчид” киноны бүтээгчдээс бас нэгэн бэлэг барьж байна. Адал явдлаар дүүрэн уг бүтээл: өнчин хүү ширэнгэн ойд ганцаараа чоно, баавгай, хар ирвэсний дунд амьдарна.
Captain America: Civil War
Хэзээ: 5-р сарын 5-наас
Засгийн газар хүн болгоныг удирдаж хүмүүсээр засгийн газрын төлөө юу ч хийлгэж чаддаг болжээ. Стив Рожерс энэхүү шинэ дэглэмийн эсрэг босох бол Тони Старк эсрэгээр хуулийг дагана. Энэ саналын зөрчилдөөн нэгэн багийн харилцаанд ан цав суулгаж иргэний дайн гарахад нөлөөлөх болов уу.
Now You See Me 2
Хэзээ: 6-р сарын 9-нөөс
Дэлхийн шилдэг илбэчид дахин нэгджээ. Тэдний илбэ ч улам сайжрахаас гадна өмнөх дайснаас илүү хүчтэй дайсан гарч ирсэн байна. Илбэчдийн нэр хүндийг унагаах ажиллагаа хаанаас ч юм явагдаж байгааг мэдэн тэд нэр хүндээ алдахгүйн тулд дайсантайгаа тэмцэнэ.
Independence Day: Resurgence
Хэзээ: 6-р сарын 23-наас
Харь гаригийн технологийг ашиглан манай гаригийнхан дэлхийгээ хамгаалах шинэ программтай болж чаджээ. Харамсалтай нь цэнхэр бөмбөлгийг хамгаалах төгс программ гэж байхгүй бололтой, ялангуяа харь гаригийн дэвшилтэт зэвсгээс зөвхөн баатарлаг хүмүүсийн эр зориг л аварч чадна.
Ice Age: Collision Course
Хэзээ: 7-р сарын 14-нөөс
Скрэт задгай сансарт орхигдож тэндээ амьдрахаас өөр аргагүйд хүрнэ. Дэлхийд аюул нүүрлэхэд Сид, Мэни, Диего нар орон гэрээ орхин явахаас өөр аргагүй болжээ. Тэд шинэ газар нээж дасахаас өөр аргагүй болно.
The Secret Life of Pets
Хэзээ: 8-р сарын 18-наас
Дюк нэртэй шинэ гэрийн тэжээвэр амьтантай боллоо хэмээн Макс хочит терьер эзэндээ багахан гомдоно. Амьтдын хооронд өрсөлдөөн явагдсаар л, харин тэднийг нийтийн нэгэн дайсан нэгтгэж орхижээ – Цасхан хочит туулай. Цасхан хаягдмал амьтдын арми бий болгож аз жаргалтай гэрийн амьтад болон тэдний эздээс өшөө авах дайн эхлүүлнэ.
Fantastic Beasts and Where to Find Them
Хэзээ: 10-р сарын 17-ноос
“Нэгэн жаалхүүгийн амьд үлдсэн” түүх дууслаа гэж гонсойсон хүмүүс багагүй байсан болов уу, харин Жоан Роулин бас нэгэн бэлэг бэлджээ. Шинэ ид шидэд умбах энэ түүх зохиолч Ньютоны адал явдлаар дүүрэн. Энэ үйл явдал 70 жилийн өмнө болох бөгөөд Харри Поттер түүний номыг хичээл дээрээ уншина.
Ц. Нармандах
2016/01/29 at 14:53
hamgiin gol kino alga bnshd batman v superman dawn of justice
Зочин
2016/01/29 at 15:55
warcraft alga suicide squad alga..
hb
2016/01/30 at 00:33
The incredibles 2 ntr?
admin
2016/01/30 at 15:08
ter warcraft,batmanVsuperman,suicide league etr chin het fantastic huhdudru chigelsen sn kino productioniih bish bolhor neg ih sur duulian garahgui bgmaa