Хэдхэн хоногийн өмнө Холливудын хамгийн их шуугиан тарьдаг гэрэл зурагчин Терри Ричардсоны карьерийн 20 жилийн ой болж өнгөрсөн юм. Тэрээр алдартнуудыг уурлуулсан зураг авч алдартай болсон аж. Түүний зураг авалтанд Жаред Лето, Майли Сайрус, Маколей Калкин, Рианна, Леди Гага болон өөр бусад арван одод оржээ. Бид та бүхэнд гэрэл зурагчны хамгийн гайхалтай бүтээлүүдээс сонгон хүргэж байна. Эдгээр оддыг ийм байхыг та урьд өмнө нь харж байгаагүй биз ээ.
Леди Гага
Камерын өмнө чөлөөтэй байхыг хэн хамгийн сайн хийж чадах билээ. Мэдээж хэрэг Стефани Жерманотта буюу Леди Гага юм. Ширүүн шаргал үст маань Терригийн хамгийн ичгүүргүй модель гэнэ шүү.
2011 онд зурагчин Леди Гагатай хамтран “Lady Gaga x Terry Richardson” гэх зурагт номыг бүтээжээ. Үүнд нийт 400 зураг багтсан ба бүгд хар цагаан өнгөтэй юм. Терри тэдгээр зургийг авахад нийт 10 сар зарцуулжээ. Дуучин маань өөрөө энэ альбомоо ямар ч “фильтргүй” гэжээ.
Жаред Лето
“Thirty Seconds to Mars” хамтлагийн ахлагчийн шүтэн бишрэгчдийг баярлуулах тэсэрмээр зургийн цуврал гаргахын тулд 10 сар зарцуулах шаардлага гараагүй юм.
Ингэхэд зурагчин, хөгжимчин хоёр маань хуучны найзууд байсан юм. Жаред Лето өмнө нь Терриг Hurricane дууныхаа клипэнд тоглуулж байжээ.
Маколей Калкин
“Гэртээ ганцаараа” киноны од Территэй мөн л адил хуучны найзууд ажээ. Маколей түүнтэй өсвөр наснаасаа эхлэн найзалжээ. Хамтран ажиллаж байхдаа Маколей олон төрлийн галзуу зургуудаа авахуулж байсан байна. Харин зурагчин “муу-хүү” стилийн өчнөөн зурагтай болжээ.
Жонни Ноксвилл
“Jackass” цувралыг бүтээгч Жонни Ноксвилл Терригийн хэд хэдэн зурган дээр гарчээ. Зурагчинтай таарах бүрдээ Жонни биеийн янз бүрийн хэсгээ ичилгүйгээр ил гаргаж “Холливудын биш” мэтээр далжиганадаг байжээ.
Линдси Лохан
Папарацциуд Линдси Лоханыг ганц ч удаа эвгүй байдалд байхад нь барьж авч байгаагүй юм. Ийм зүйл тохиолдмогц тэрээр цагдаа дуудаж, зодолдож, хараалын үгс урсгадаг байжээ. Харин Терри Ричардсонд мэргэжил нэгт хүмүүсээс ялгаатай нь илүү давуу эрх байжээ – тэрээр Холливудын танхай охины “ичгүүргүй” байдалтай зураг авахуулахыг ятгаж чаджээ.
Майли Сайрус
Дараагийн од бол “Ханна Монтана” цувралын од, дуучин Майли Сайрус юм. Терригийн зураг авалтан дээр дуучин маань нүцгэлээд зогсохгүй “акробат” номеруудаа гайхуулсан аж.
Николас Кейж
Терригийн зураг авалтан дээр Николас Кейж нүцгэн зураг авахуулахаас татгалзсан юм. Гэвч тэрээр далжиганахгүй байхыг хичээсэн ч чадалгүй, ямар нэг гангстерыг үзүүлэх гэж хичээж байжээ.
Надежда Толоконникова
Түрүү жилийн зун Терри Ричардсон өөрийн зургийн санд Орос бүсгүйн зургийг нэмжээ. Энэ бүсгүй бол Pussy Riot хамтлагийн гишүүн юм. Надежда Толоконникова Аврагч Христийн сүмд явуулсан хөтөлбөрийн тусламжтайгаар алдартай болсон ажээ. Мөн зураг авалтанд Надежда Толоконниковагийн нөхөр Петр Верзилов орсон юм.
Эцэст нь энэхүү том нүдний шилтэй, Майли Сайрус чих рүү нь хэлээ оруулах гэж байгааг анзаарахгүй байгаа мэт жүжиглэх залуу чинь зурагчин Терри шүү дээ.
Tuul Chimeddamba
2016/01/08 at 20:55
Ene neg hachin duuchin ingej bhaar porno od boluul taarsiin hun yaj ingej oor boldog bna