Өөрийн хүсэл мөрөөдлөө дагаж, ажлаасаа гаран хадгаламжин дахь хамаг мөнгөө аваад дэлхийн улс орнуудад зочлох аялалд гарсан Mihaela Noroc гэгч гэрэл зурагчин эмэгтэйн авсан зургууд бүхий “Гоо үзэсгэлэн хаа сайгүй нуугдаж байгааг харуулсан 37 орны бүсгүйчүүд” мэдээллийг бид урьд нь та бүхэнд хүргэж байсан. Дэлхийн улс орнуудад очих түүний зорилго нь тухайн улс орон болгоны эмэгтэйчүүдийн зургийг авах. Одоо ч үргэлжилж буй түүний төсөлд хүн ам нягт суурьшсан том хотоос эхлээд хөдөөгийн жижигхэн суурингийн бүсгүйчүүдийн зураг бий.
“The Atlas of Beauty” нэртэй энэ төслийнхөө хүрээнд тэрээр саяхан Энэтхэг, Монгол, Хятад зэрэг Зүүн болон Зүүн Өмнөд Азийн орнуудаар аялжээ. Noroc-ын зургуудад загвар огтхон ч үзэгддэггүй, харин уугуул төрх, улс орны соёл, чин үнэн бөгөөд төрөлх гоо үзэсгэлэн дүрслэгдсэн байдаг. “Даяарчлалын чиг хандлага биднийг харагдах байдлын хувьд адилхан болгож байна.” гэж тэрээр тайлбарлаад “гэвч бид бүгд өөр учраас бид бүгдээрээ үзэсгэлэнтэй. Эцэст нь хэлэхэд гоо үзэсгэлэн гэдэг хэн нэгэн хүний нүдэнд хүн хэрхэн харагдаж байгаа нь л юм.” гэжээ. Atlas of Beauty бол Noroc-ын илэрхийлж буйгаар улс үндэстэн бүрд гоо үзэсгэлэнгийн тухай харилцан адилгүй ойлголт байдаг гэсэн санаа аж.
“Магадгүй 50 жилийн хугацаанд дэлхийн бүх эмэгтэйчүүд адилхан хувцаслаж, адилхан аягладаг болох байх. Би төсөл маань миний үеийн соёл, уламжлалын гэрч болон үлдэнэ гэж итгэж байна.” гэж бичсэн байна. Мөн “Төсөл маань дэлхийн бүх орон дахь гоо үзэсгэлэнг багтаахын тулд хэдэн жилээр үргэлжилнэ. Хэрвээ болвол энэхүү Atlas маань дэлхийн бүх улс оронд танигдаж, бүх эмэгтэйчүүдийг өөрөөрөө байхыг нь сэдэлжүүлэх сэдэл болгохыг хичээх болно.” гэж онцлон дурддаг байна.
Jargal Hair
2016/01/08 at 23:57
Bvgd höörhön ym bnaa goe hamartai ym
hoh tolbot
2016/01/09 at 11:56
Mongol ohiduud hoorhon ymaa ene uzeglsen goo haan nuugdaad taaraldahgvi bnaa
Зочин
2016/01/12 at 14:58
ХЯТАДУУД ХаМГИЙН МАТАР Н ЮМ БАЙНА ХАХА