Төгс логог хэрхэн зохион бүтээх вэ? Мэргэжлийн дизайнер биш, хангалттай туршлагагүй нэгний хувьд энэ бол тун хэцүү ажил. Лого бүтээх гэхтэй зэрэгцэн өнгө, үсэг бичгийн хэлбэр гэх мэт олон чухал хүчин зүйлсийн тухай бодол бидний толгойд орж ирж байгаа нь бид өдөр бүр янз бүрийн логонуудад бөмбөгдүүлж байгаатай холбоотой. Бидний олонх нь өглөө босмогцоо Starbucks-ын логотой аяганд кофе ууж, компьютерээ асаах тоолондоо Майкрософтын эсвэл Эпплийн лого харж байгаа нь биднийг шинэ төгс лого бүтээх талаар бодох зав зайгүй болгодог. Азаар Британий FastPrint хэвлэлийн компани төгс логоны загвар гаргахад таныг хөтлөх инфографикыг гаргасан байна.
Инфографикт өгүүлснээр төгс логог бий болгоход дараах зүйлсийг санаж байх учиртай гэнэ. Үүнд: энгийн байх. Германы аж үйлдвэрийн дизайнер Дитер Рамс /Dieter Rams/ хэлэхдээ “Сайн дизайн бол байж болох жижиг дизайн юм.” хэмээсэн нь энгийн байх ёстойг хамгийн энгийнээр хэлсэн оновчтой үг юм. Хоёрт, оюун санаан дахь өнгөний сэтгэлзүйг баримтлах. Энэ талаар Францын зураач Пьер Боннард /Pierre Bonnard/ дараах үгийг хэлсэн байдаг. “Өнгө нь дизайнд сайн давуу тал нэмдэггүй, тэр зүгээр л үүний хүчийг нэмэгдүүлдэг.” Төгс лого бүтээхэд анхаарах дараагийн хүчин зүйл бол оюун санаан дахь шошгыг хадгалах бөгөөд зохиолч, илтгэгч Том Асакер /Tom Asacker/ “Чиний зорилго бол зураг бүтээх биш тунхаглалыг бүтээх юм.” хэмээсэн байна. Удаах баримтлах үзэл бол оюун санаан дахь цаг хугацаагүй байдлыг хадгалах. Кантри хөгжмийн анхдагч Двайт Ёокам /Dwight Yoakam/-ын хэлснээр “Чанарт цаг хугацаа байдаггүй ба тэр нь өөрийгөө тодоор тодорхойлдог.” гэнэ. Хамгийн сүүлийн анхаарах зүйл бол оюун санаан дахь сүр жавхлант байдлыг хадгалах ба жинхэнэ агуу дизайн цаг хугацааны шалгуурт тэсэж үлддэг байна.
3
Гайхмаар3
Хөөрхөн2
Гоё1
Тэнэглэл0
Ха Ха0
Бахархмаар0
Харамсалтай0
Буруу
