Урт наслахыг хүсэгчдэд зориулсан жор

Нарт хорвоод хүн болон мэндлээд гэнэн томоогүй хүүхэд нас, сурч боловсорч, ажиллаж хөдөлмөрлөх идэр залуу насыг туулаад эцэс сүүлд нь үр хүүхэд, ач зээгээ тойруулан хүний амьдралын жаргалыг эдэлж сууна гэдэг гайхалтай. Ийнхүү урт удаан насалж, аз жаргалтай амьдрахын эх үндэс нь эрүүл бие, саруул ухаан. өнөөгийн нийгэмд хүнийг уурлуулж бухимдуулах, стрессдүүлэх зүйлс үй түмээрээ байна. Гэхдээ тэр бүхний зоргоор уурлан бухимдаж, стрессдэх нь таны урт удаан, аз жаргалтай амьдралаас хумсалсан хэрэг.Тэгвэл урт удаан насалж, гэрэлт орчлонгийн сайн сайхныг мэдэрч явахын тулд яавал зохилтой вэ? Энэ асуултын хариуг та доороос олж уншаарай.

Нар бол амьдралын эх булаг. Наргүйгээр дэлхий ертөнц мөнхийн харанхуй, хүйтэн цэвдгийн эх нутаг байх байсан. Нар өөд нүүрээ харуулаад инээмсэглэ. Нар танд төөнөсөн халуун цацрагаараа дамжуулан баяр жаргал, эерэг энергийг харамгүй өгөх болно.

 

Найз нөхөдтэйгээ гадагшаа гарч, аяга кофе уунгаа чин сэтгэлээсээ ярилц. өөрийн гэсэн хоббитой бай. Хоббигоороо нэгдсэн найзуудтай бол. Найз нөхөд гэдэг бол хамгийн сайн зүйлсийн нэг юм шүү.

 

Спортоор хичээллэ! Хөдөлгөөн бол амьд биеийн зайлшгүй хэрэгцээ. Хэрвээ та гэрийн буг нэгэн бөгөөд идэх юм авахын тулд л хөргөгч рүүгээ өндийдөг нэгэн бол нэг их удалгүй таны булчин шөрмөс хатангиршиж, бодисын солилцоо тань муудах болно. Ингэснээр та 40 настай мөртлөө яг л 60-тай юм шиг харагдана. Мэдээж хэрэг та үүнийг хүсэхгүй л байгаа биз дээ, тиймээс залхуурлаа таягдан хаяад яг одоо спортоор хичээллэж эхлээрэй.

 

Сүүлийн жилүүдэд хүмүүс бидний үзэсгэлэнт өлгий болсон дэлхий ертөнц дээр үүсээд байгаа дэлхийн дулаарлын тухай ярилцаж байна. Мэдээж хэрэг энэ нь томоохон аюул. Гэхдээ өөрсдийнхөө биед юу байгааг эхлээд харцгаая. өвөл нууранд богинохон хугацаагаар сэлээд авах зүрх зоригтой байх нь биеийг тань илүү хүчирхэг болгоно. өөрөөр хэлбэл залуу байхаасаа эхлээд эрүүл мэндээ хамгаалж эхэл.

 

Мэдрэхүйнүүдээ эцэж цуцалтгүйгээр ашиглаж сур. Таны мэдрэхүйнүүд таныг байгальтай холбож өгдөг зүйл. өөрийн мэдрэхүйнүүддээ үргэлж талархаж бай.

 

Ус бол яг л нар шиг та бидний амьдралын үндэс. Ус бидний эргэн тойронд оршдогийн адилаар бидний биед ч бас оршдог. Хүн өдөрт хангалттай хэмжээний шингэнийг ус уух замаар авч байх шаардлагатай. үүнтэй зэрэгцүүлээд усанд орох, усанд сэлэх, усаар тоглох эсвэл зүгээр л усыг хараад түүнийг сонсоод суух нь танд амьдралын аз жаргалыг мэдрүүлнэ.

 

[/b][/size][/center]Газар дэлхий бидэнд маш олон хэрэгтэй зүйлийг өгдөг. Түүний нэг нь шавар. Эмчилгээний шавран дээр өнхрөх, сэлэх нь бидний бие организмд гайхалтай ашиг тусыг өгч, гайхалтай амралтыг өгдөг. Та газраас бүрэн дүүрэн эрч хүч, идэвх, өөдрөг сэтгэлгээ, эерэг энергийг авна.

 

Зөвхөн органик хүнс хэрэглэ. Байгальд ургасан өвс ургамал, үр тариагаар хоолло. Нөөшилсөн бүтээгдэхүүнийг март. Эрүүл байхын тулд эрүүл хооллох хэрэгтэй.

 

Амьтдыг хайрла, тэд ч таныг хайрлана. Та тэднийг хайрласны хэрээр тэд таныг илүү их хайраар хайрлах болно. Та тэднийг ойлгосноор тэд ч таныг илүүтэйгээр ойлгох болно. Тэд яг л хүүхэд шиг энгийн, чин үнэнч хүмүүст дуртай байдаг.

 

Таны биеийн эрүүл ахуй бүхэлдээ цэвэрхэн байхаас эхтэй бус. Зарим бичил биетнүүд нь таны эрүүл мэнд, таны биеийн хамгаалагч байдаг. Тиймээс бүгдийг нь бус биед хортойг нь устга.

 

Тамхи бүү тат, тамхитай орчинд бүү бай. Нүүр тань үрчлээтэж, гарын хуруу болон шүд тань шарлахаас гадна уушиг тань харлана. Хавдар, астма, үргүйтлийн үндэс бол тамхи. Тиймээс хэрвээ та тамхи татдаг бол яг одоо түүнийгээ хая.

 

Хайранд итгэ. Жинхэнэ хайр авдагггүй өгдөг. Хайр бол амьдралын утга учир болон оршин тогтнохуй.

 

Бидний бие организм янз бүрийн замаар хорыг боловсруулж байдаг учир бидний бие хороор дүүрэн байдаг. Хорноос биеэ ангижруулах арга бол эрүүл байх. үүний тулд зөв хооллолт, зохистой амралт, зүй бус хэрэглээгүй, зөв амьдрах хэрэгтэй.

 

Инээд бол эм. Хэн илүү их инээж байна тэр илүү урт насална. өдөрт дор хаяж нэг удаа нулимсаа гартал чин сэтгэлээсээ инээж хөхөр. Энэ бол урт удаан амьдралын жор. Жигшин зэвүүцэж, үзэн ядах, уурлаж бухимдах гэдгийг ор тас мартаад инээмсэглэ. Зүгээр л инээмсэглэ. Та бусад руу инээмсэглэхэд тэд ч бас тань руу инээмсэглэнэ.