Хөрөг зургуудаараа нэрд гарсан Америкийн гэрэл зурагчин Марк Селижер /Mark Seliger/ 1959 ондТехасын Амарилло хотод төрсөн бөгөөд 1964 оныг хүртэл төрөлх хотдоо эцэг эх, хоёр ах, эмэгтэй дүүгийнхээ хамт амьдарчээ. Хаустон руу гэр бүлээрээ нүүсний дараа ах Фрэнк нь түүнд Диана хэмээх гэрэл зургийн аппаратаа өгнө хэмээн амласан нь Маркыг гэрэл зургийн урлагт шимтэхэд нь нөлөөлсөн. Хаустоны Визуал Арт, Гүйцэтгэлийн ахлах сургуульд элсэн орж дүүргэсэн Марк 1984 онд Нью Йоркд нүүж ирснийхээ дараа буюу 1987 оноос Роллинг Стоунд ажиллах болсон байна. GQ, Vanity Fair зэрэг алдартай сэтгүүлүүдийн нүүр хуудсанд тавигдах хэдэн арван зураг авснаас гадна бусад сэтгүүлүүдийн хуудаснаа хэвлэгдэх хэдэн зуун зураг авч байсан тэрээр хэд хэдэн номоо хэвлүүлсний зэрэгцээ хамтлагуудын цомгийн хавтасны зураг ч авчээ. Богино хэмжээний кинонууд найруулах ажил ч хийж байсан энтертайнмент ертөнцийн маш олон алдартнуудын хөрөг зургийг авч байсан байна.
Марк Селижерийн дуранд буусан алдартнуудын дүр төрх
0
0
0
0
0
0
0
0