Өдөр тутмын асуудал, хөл хөдөлгөөн ихтэй газраас хол амьдрахыг илүүд үздэг хүмүүс байдаг. Ийм хүмүүсийн тоонд Америкийн иргэн Брюс Кэмпбелл орно. Энэ хүн ой дунд байрлах Боинг 727 онгоцыг өөрийн гэр болгон тохижуулж тэндээ амьдардаг ажээ.
Эвдэрсэн нарийн зам, мартагдсан тосгоны хажууханд жинхэнэ эрдэнэс нуугдана. Харин үүнийг хэн ч анзаарахгүй.
Хамгийн хурц нүдээр ч олж харж чадахааргүй өнөөх Боинг 727 чинь энэ дээ. Энд л Брюс Кемпбелл амьдрахаар шийдсэн юм.
Тэрээр дөчөөд жилийн өмнө энэхүү ойг өөрөө суулгасан бөгөөд хотоос өөрийгөө шигүү ургасан “ханан” нарсаар тусгаарладаг аж.
Энэ залуу бол бидэнд онгоцыг харуулсан Брюсийн хөрш Марк. Гол дүрийн баатрыг харалгүйгээр түүнийг бичиж байгаа нь үнэхээр сонин тохиол болж байна шүү. Үнэн хэрэгтээ Брюс байгаагийн зэрэгцээ энд байхгүй. Тэрээр 2 гэртэй: нэг нь энд Орегонд, харин нөгөө нь Японд. Ноён Кремпбеллд тэр орны соёл тун их таалагдаж байгаа учир тэндээ амьдралынхаа хагасыг өнгөрөөгөөд байгаа юм. Бид түүнтэй имэйлээр холбогдсон боловч тэрээр бидэнд өөрийн хөршөөрөө туслуулахыг хүссэн юм.
Мэргэжлийн цахилгааны инженер Брюс өөрийн ер бусын байшинг 1999 онд худалдаж авсан бөгөөд худалдан авах хэд хэдэн шалтгаан байсан юм. Тэдгээр шалтгаануудын нэг нь түүнд хуучирсан, ашиглахаа болсон онгоцуудыг өөрөөр ашиглаж болохоор байхад жижиг хэсэг болгон устгадаг нь түүнд харамсалтай байсан юм.
Ингээд тэрээр ашиглахаа больсон Боинг 727-г өөрийн гэрээ болгохоор шийджээ. Яагаад модон байшингаас илүү онгоцонд амьдрах нь дээр вэ гэж үү? Модон байшин богино настай, шоргоолжны дайралтанд өртөнө, мөн хүчтэй борооны улмаас хэлбэрээ алддаг. Эцсийн эцэст модон байшин амархан шатна шүү дээ.
Онгоцны их бие нисээгүй удсан ч байшин болгоход тохиромжтой байсан гэнэ.
Энэ онгоц Грект нисдэг байсан бөгөөд “тэтгэвэртээ гарсны” дараа АНУ руу буцаагдсан юм байна. 1998 онд Брюс онгоцыг худалдан авч өөрийн нэр дээр шилжүүлжээ. Онгоц өмнө нь ингэж харагддаг байжээ:
Хаалга нь ардаа байрласан байдаг боловч эзэн нь байхгүй учир Марк бид 2 цонхоор нь орсон юм.
Цахилгааны асуудлыг маш хялбар шийджээ: онгоцноос салгасан байсан цахилгаанд утас авчирж холбоод л болоо.
Дотор нь орцгооё. Дотоод засал нь … онгоцныхтой төстэй.
Нисгэгчийн бүхээгт гар хүрэлгүй яг өмнөхөөр нь хадгалсан байна.
Тохижилт нь 70-аад оныхтой төстэй юм. Гэвч яаж энд амьдрах вэ?
Брюс хана барьж өрөө болгон тусгарлалгүй урт том “хиаманд” бүх зүйлээ багтаажээ.
Энд ямар ч хувцасны том шүүгээ харагдаагүй, Брюс бүх хувцасаа өлгүүрт өлгөжээ. Онгоцон дотор маш цэвэрхэн, орж ирсэн зочин бүрт нэг удаагийн шаахай өгдөг гэнэ.
Хамгийн сонирхолтой хэсэг эндээс л эхэлнэ.
Өөрийн биеэр Брюстэй ярилцах боломж гараагүй нь тун харамсалтай.
Онгоцны сүүлтэй ойр хэсэг бол түүний амьдардаг хэсэг нь юм. Ор болж хураагддаг буйдан, ажлын хэсэг, нэмэлт хөнжил бүгд энд байрлана. Ноён Кемпбелл одоо 64 настай.
Энд байсан төхөөрөмжийн цуглуулга намайг гайхашруулсан юм. Хэрэв энэ бүгд цуглуулга юм бол яагаад бүгд ажиллаж байгаа юм бол? Тэдний ихэнхи нь дүүрэн цэнэгтэй байсан юм.
Тэрээр зөөврийн компьютер цуглуулдаг. Лаазалсан бүтээгдэхүүнийг ч мөн адил цуглуулдаг бололтой.
“Back to the future” киноны Эммет Брауныг санаж байна уу? Түүнийг гэрт олон төрлийн төхөөрөмжүүд холбогдсон байдгаас гадна түүнийг гэртээ байхгүй байсан ч хөгжим дуугарч байдаг. Брюсийн гэр яг адилхан: түүний гэрийн радиогоор Япон дуу явдаг, мөн олон төрлийн төхөөрөмжүүд сүлжээнд холбогдсон байдаг.
Угаалгын өрөөг тусад нь биш нэгтгэж хийжээ, энд шүршүүр, угаалгын машин, угаалтуур хамт байрласан байна.
Бие засах өрөө хийх шаардлагагүй байсан аж, учир нь онгоцонд аль хэдийн гурван бие засах өрөө байгаа шүү дээ.
Шүршүүр нь сонин харагдаж байгаа ч ажилладаг юм байна лээ шүү.
Заа, энэ гал тогооны өрөө байна. Одоогийн байдлаар Брюс 220 мянган долларыг зарцуулаад байгаа бөгөөд түүний онгоцонд шинэ тоноглол хэрэгтэй байгаа гэнэ. Гэсэн хэдий ч Брюст өөр нэгэн төсөл дээр ажиллах санаа байгаа гэнэ – энэ нь хуучин Боинг 747-г өөрийн гэр болгон тохижуулж Япон эсвэл Шинэ Зеланд-д очиж амьдарна гэж бодож байгаа аж.
GAH GAH
2015/10/22 at 19:49
XXA orond ni zvger modon dund shine house yumu tansag zeregleliin motorhome absan ni deer biz