Өмнөд Африкын хойд хэсэгт хоёр долоо хоногийн өмнө их хэмжээний хүчтэй аадар бороо орсон бөгөөд өнгөрөгч 20-ны Ням гаригт тус улсын Лимпопо Limpopo мужийн Лимпопо голын түвшин нэмэгдэж үерлэсний улмаас голын ойролцоо орших Раквена матрын фермийн эзэд үерийн аюулд өртөхөөс сэргийлж, матар хашсан байсан хашааныхаа хаалгыг нээхээс өөр аргагүйд хүрсэн байна. Лимпопо гол руу орсон хэдэн мянган матарны хагасыг нь барьж авсан ч үлдсэн хагас нь голын усанд чөлөөтэй үлдсэн гэж фермийн эзэн Зейн Лангман Zane Langman орон нутгийнханд мэдэгджээ.Зейн Лангман болон түүний хүргэн Йохан Бошоф /Johan Boshoff/ нар руу нутгийн фермерүүд утасдаж, гэрийнх нь эргэн тойронд матарнууд байгааг мэдэгдсэний ачаар хагас матарнуудаа барьж чадсан нь энэ гэнэ. Тус фермийн матарнууд нь Африктаа хамгийн том, Дэлхийн хэмжээнд томоороо хоёрт ордог том биетэй матар болох Нил матарны төрөл зүйл бөгөөд энэ төрлийн матар нь таван метр хүртэл урттай байдгаас гадна хамгийн аюултай нь хүн рүү хүртэл дайрдаг аюултай амьтан юм байна. Матарнуудын зарим нэг нь хагас өдрийн дотор фермээс 120 км-ийн алсад байх сургуулийн регбигийн талбайд хүрсэн байгаа тухай мэдээлэл ирсэн байгаа юм. Хэдийгээр матрын дайралтанд өртсөн талаар ямар нэгэн мэдээлэл ирээгүй байгаа хэдий ч амьтнаас хамгаалах мэргэжилтнүүд хүмүүсийг сонор сэрэмжтэй байж, аль болох гэрээсээ гарахгүй байхыг сануулж байгаа аж. Матарнуудыг нутгийн фермүүдэд махны чиглэлээр үржүүлдэг байсны зэрэгцээ арьсыг нь гар цүнх, бүс, гутал хийхэд ашигладаг байжээ. Фермийн эзэд болон бусад фермерүүд, нутгийн иргэд алдагдсан матарнуудыг барих ажил хийцгээж байгаа ба матрын нүд шөнийн цагаар улаанаар гэрэлтэж харагддаг учир тэднийг шөнө барих нь илүү амар байдаг гэнэ. Матар алдагдсан нь аюултай нөхцөл байдлыг үүсгээд байгаа ч азаар уг алдагдсан матарнуудын олонх нь 1-1,5 метрийн урттай жижиг матарнууд байгаа явдал юм.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
McTavish
2013/01/31 at 18:55
yun ih matar vee yoo
tmra
2013/01/31 at 19:28
matriin arisan tsunhnii buuchihjee
mastiphal25
2013/01/31 at 23:27
woah [img]http://tinyurl.com/b522yp5[/img] [img]http://tinyurl.com/a3g5kwt[/img] [img]http://tinyurl.com/axcszfx[/img] [img]http://tinyurl.com/bazwf8l[/img]
uniQu3
2013/02/02 at 01:07
hoorhii matruud
hiter_tt
2013/02/10 at 16:40
matruud orgojee :))