Дэлхий ертөнцийг чимээгүйхэн өөрчилсөн интровертууд буюу эгэл даруухан суутнууд

Өнөөгийн нийгэм хүнийг нээлттэй, хүмүүстэй илэн далангүй харьцдаг, сэтгэлийн хөөрөлтэй байхыг хүсч байна. Харин бодолдоо автах, дуугүй байх, олны хөлөөс зугтаж байгаа хүмүүсийг – сэтгэл мэдрэлийн өвчтэйд тооцдог болжээ. Интроверси – өвчин биш, хувь хүний зан чанар, зарим тохиолдолд бурхны бэлэг болох нь ч бий. Тэдний хийсэн зүйлийг үнэлээд ч баршгүй тийм л интроверт хүмүүсийг танилцуулах гэж байна.

1. Исаак Ньютон

Физикч, математикч, механикч болон одон орон судлаач, физикийн сонгодог үүсгэгчдийн нэг. Таталцлын хууль, механикын үндсэн суурь болсон гурван хуулийг баталсан. Дифференциаль болон интегралыг боловсруулсан, өнгөний онол, орчин үеийн физикийн оптикийн үндсийг тавьсан, математик, физикийн олон олон нээлтүүдийг хийжээ.

2. Чарльз Дарвин

Натуралист, аялагч бөгөөд амьд амьтан бүхэн цаг хугацааны туршид хувьсан өөрчлөгдөж байдаг, бүгд нэг өвөг эцэгтэй гэдэг санааг гаргаж ирсэн. Түүний онолоор хувьсан өөрчлөгдөх механизм нь байгалийн шалгарал юм. Дараа нь хүйсийн шалгарал орох бөгөөд хүний үүсэл гарлын талаарх анхны судалгааг хийж байжээ.

3. Махатма Ганди

Энэтхэгийг Их Британийн дарангуйллаас чөлөөлөх хөдөлгөөний удирдагч. Түүний философи нь энхийн аргаар (сатьяграха) хөдөлгөөнд нөлөөлөх байлаа. Түүний нэрийг Энэтхэгт бурхадын нэртэй адилтган хүндэтгэн үзнэ. Үндэсний шашны лидер Махатма Ганди өөрийнхөө амьдралыг улс орон даяарх шашны ялгаварлан гадуурхах байдал, хүчирхийлэлтэй тэмцэхэд зориулжээ. Өөрөө ч үүнийхээ золиос болсон юм.

4. Альберт Эйнштэйн

Физикч-онолч, орчин үеийн онолын физикийг үндэслэгч, 1921 оны физикийн Нобелийн шагналт, олон нийтийн ажил эрхлэгч-гуманист. 20 гаруй их дээд сургуулийн хүндэт доктор, шинжлэх ухааны хэд хэдэн академийн гишүүн, физикийн 300 шинжлэх ухааны бүтээлийн зохиогч, түүх болон гүн ухааны 150 гаруй номын зохиолч, нийтлэлч гэх мэт.

5. Дейл Карнеги

Сурган хүмүүжүүлэгч, сэтгэл зүйч, зохиолч. Харилцааны онолыг үндэслэгч, сэтгэл зүйн шинжлэх ухааны онолыг практикт шилжүүлсэн, ойлголцлын болон амжилттай харилцааны үзэл баримтлалыг боловсруулжээ. Төгс болох сэтгэл зүйн сургалтын хөтөлбөр, үр дүнтэй харилцааны ур чадвар болон илтгэл тавих чадварыг боловсруулжээ.

6. Ларри Пейж

Хайлтын Google системийг хөгжүүлэгч, үндэслэгчийн нэг. 29,2 тэрбум долларын хөрөнгөөрөө дэлхийн хамгийн баян хүмүүсийн жагсаалтад багтсан.

7. Сиддхартха Гаутама (Будда)

Бурхан багш, гүн ухаантан, буддизмыг үндэслэгч. Тэвчээрийг бидэнд хайрласан, сургасан. Өөрийн хүсэл шуналтай тэмцэх арга болон амьдралын хатуу хөтүүг давж туулах ухааныг зааж өгсөн.

8. Жорж Оруэлл

Британийн зохиолч, нийтлэлч. Алдарт антиутоп роман болох “1984”–ын зохиолч. Хүйтэн дайн гэх нэр томьёог гаргаж ирсэн нь цаашид байнга хэрэглэгдэх болсон. Нийгэм, соёлын шинж чанартай шүүмжлэл олныг нийтэлснийг нь товхимол болгон хэвлэжээ. Нийт 20 боть буюу үүнд 5 роман, ёгт үлгэр, шүлгийн түүвэр, 4 боть шүүмж, бодитуудыг дэлхийн 60 гаруй хэл дээр орчуулсан байна.

9. Эл Гор

1993-2001 хооронд АНУ-ын Ерөнхий сайдаар ажиллаж байсан, байгаль орчныг хамгаалсан хувь нэмэр, цаг уурын өөрчлөлтийн асуудлыг гаргаж ирснийг нь үнэлж 2007 Нобелийн шагнал хүртээсэн.

10. Франц Кафка

20-р зууны Германы алдарт зохиолч, ихэнх зохиол нь түүнийг нас барсны дараа хэвлэгдэн гарсан. Түүний зохиол нь уншигчдад аймшиг төрүүлэм байдаг бөгөөд дэлхийн уран зохиолын шилдэгт тооцогддог.

11. Артур Шопенгауэр

Германы гүн ухаантан. Иррационализм, мизантропын алдарт сэтгэгч. Иммануил Кантын уран бүтээлийг шүтэн биширдэг байсан бөгөөд буддын шашны гүн ухааныг үнэлдэг байлаа. Гегель болон Фихтийг шүүмжилж, оршин буй дэлхийг “байж болох хамгийн муу дэлхий” хэмээсэн тул “пессимизмийн гүн ухаантан” хоч авч байжээ.

12. Уоррен Баффет

Америкийн бизнес эрхлэгч, дэлхийд томд тооцогдох хөрөнгө оруулагчийн нэг, 2015 оны 3-р сарын 1-ний байдлаар түүний хөрөнгө 72,7 тэрбум доллараар тоологдсон. Дэлхийн баячуудын нэг бөгөөд АНУ-ын 2 дугаар баян. Хүн төрөлхтний түүхэнд том буян хийж байгаа хүн юм.

8

Гайхмаар

2

Харамсалтай

1

Бахархмаар

1

Гоё

0

Ха Ха

0

Хөөрхөн

0

Тэнэглэл

0

Буруу

Баярлалаа!