Хүүхэд яагаад унтахын өмнө ус уухыг хүсдэг вэ? Үүний шалтгааныг тайлбарлая…

Хэрвээ та хүүхэдтэй бол тэд таниас олон юм гуйдаг нь мэдээж. Ихэнх тохиолдолд хүүхэд ус уухыг гуйдаг ба тэдний ам цангаснаас тэр гэж үздэг. Олон эцэг эхчүүд үүнийг сонсоод уурладаг ба хүүхдийн энэ хүсэлтэнд хэзээ ч татгалзаж болохгүй бодит шалтгаан байдаг билээ.

Энэ удаа хүүхэд яагаад унтахын өмнө ус уухыг хүсдэг, тэр нь ямар учиртайг тайлбарлая.

Хүүхдээ халамжлах нь

Хүүхдээ оронд нь хэвтүүлж, үлгэр уншиж өгөөд явах гэтэл ус өгөөч гэж хүснэ. Цангаж дээ гэж та бодоод ус авчиртал ганцхан балгасан төдий болоод л орхино. Хүүхдийн энэ ус уух хүсэлт нь юу хэлж байна вэ?

Зарим эцэг эхчүүд хүүхдүүд ингэж анхаарлын төвд байх эсвэл сүр хүчээ үзүүлж байгаа хэрэг гэж боддог. Гэтэл хүүхдүүд ийм нарийн зүйл хийж, урагшаа хол харан бодож чадахгүй. Тэгэхээр хүүхдүүд ийм аргаар таны тэвчээрийг шалгаж байгаа гэдэг нь худал байх нь.

Мөн ийм аргаар эцэг эхчүүдээ өөртэйгээ удаан цуг байлгах гэдэг таамаг бас бий. Гэтэл ус балгахад хэдий хэрийн хугацаа орох билээ? Таамаг бутран унах нь энэ.

Энэ энгийн боловч, цагаа олоогүй хүсэлт нь бидний бодож байгаагаас арай өөр утга учиртай бололтой. Хүүхдийн хувьд эцэг эх нь ямар ч нөхцөлд хажууд байх нь их чухал байдаг. Тэд хэрвээ шөнө ямар нэг юм болбол эцэг эх нь хажууд байна гэдгийг мэдэж, итгэлтэй болохыг хүсдэг байна. Аюулгүй байх хүсэл гэдэг бол хүний энгийн, ойлгомжтой хүсэл билээ.

Тиймээс энэ хүсэл нь ямар нэг тэвчээрийн тухай биш харин хайр халамжтай холбоотой юм. Хүүхэд чамд найдаж болно гэдгээ мэдэхийг хүсэх ба үүндээ итгэлтэй байх нь чухал юм.

Хүнд өдрийн дараа хүүхдээ хурдан унтуулмаар байвч тэдний үл ялих хүсэлтүүд уур уцаар хүргэж болох нь ойлгомжтой. Гэхдээ та ухаантай, халамжтай эцэг эхийн хувьд тэвчээр гарган энэ хүсэлтийг нь биелүүлэх хэрэгтэй. Хүүхдээ ойлгох хэрэгтэй ба энэ нь цаашдын ойр дотно харилцааны тань түлхүүр болох билээ.

Хүүхдэдээ бүү уурла. Тэр таны тэвчээрийг шалгах юм уу ямар нэг зальтай үйл ажиллагаа явуулж байгаа хэрэг биш юм. Ердөө л шалтаг. Энэ хүсэлтийн цаана сэтгэл зүйн тусламж хүссэн хүсэлт нуугдаж байдаг байна. Жаахан уян зөөлөн байж, тэврэн, эелдэг сайхан үг хэл. Хайраа илэрхийлсэн багахан үг хэлэхэд таниас их хүч чадал, цаг шаардахгүй бөгөөд хүүхдэд тэр нь ямар их хэрэгтэйг харуулах болно. Хайр болон харилцан ойлголцол тантай цуг байг.

52

Гоё

11

Бахархмаар

7

Гайхмаар

7

Ха Ха

6

Тэнэглэл

3

Хөөрхөн

2

Буруу

2

Харамсалтай

Баярлалаа!