Монгол цаатнуудын ахуй амьдрал

Баримтат кино бүтээгч, гэрэл зурагчин Hamid Sardar-Afkhami нь Азийн хэл соёлын чиглэлээр Харвардын их сургуулийн докторын зэрэг хамгаалсан нэгэн. Тэрээр өөрийгөө эх дэлхийтэй харилцах сүнслэг харилцаагаа хадгалж үлдсэн ч мөхөж сөнөхөд хүрээд байгаа соёлуудын түүхийг өгүүлэхэд зориулж яваа нэгэн юм.

Непальд амьдарч, 10 гаруй жилийн турш Түвд болон Гималайг судлах ажил хийсэн энэ эрхэм Монгол улс руу аялж, нүүдэлчин ард түмний амьдралын өвөрмөц хэлбэрийг баримтжуулахаар шийджээ. Монголын хамгийн сүүлчийн цаатан иргэд болох Духачуудын аж амьдралыг судлахаар ирсэн Hamid Sardar-Afkhami энэхүү алдагдаж буй соёлын зургийг аваад зогсохгүй The Reindeer People нэртэй кино бүтээсэн байна.

Асар хурдан үгүй болж байгаа Духа овгийн ердөө 200-400 хүнээс бүрдсэн 44 орчим гэр бүл үлдээд байгаа бөгөөд 1970-аад онд цаа бугын тоо толгой 2000 орчим байсан бол өдгөө энэ тоо 600 орчим хүртэл буураад байгаа ажээ. Монгол цаатнуудын тухай өгүүлсэн Sardar-ын кино Banff Mountain Film Festival наадмаас Уулын соёл дахь шилдэг кино гэсэн шүүгчдийн шагналыг хүртсэн байна.

10

Гайхмаар

4

Гоё

1

Бахархмаар

1

Хөөрхөн

1

Ха Ха

0

Харамсалтай

0

Тэнэглэл

0

Буруу

Баярлалаа!