Бидэнд тохиолддог хамгийн таагүй зүйлсийн нэг бол хувийн бүхий л бичиг баримт, бэлэн мөнгө, банкны болон бусад картууд бүхий хэтэвчээ хаяж гээгдүүлэх явдал билээ. Энэхүү асуудлыг шийдсэн ухаалаг хэтэвчийг Woolet Co нэртэй шинэхэн компани бүтээжээ. Woolet хэмээн нэрлэгдсэн энэхүү ухаалаг хэтэвч нь нимгэн бөгөөд загварлаг, түүнээс гадна ухаалаг Bluetooth технологийг агуулсан байна.
Хэрвээ Woolet хэтэвчний эзэмшигч хэтэвчээ гээгдүүлэх юм бол хэрэглэгчийн ухаалаг гар утас/ухаалаг бугуйн цаганд сануулга мессэж очих аж. Бор илэг эсвэл хар арьсан энэхүү хэтэвч ердөө 9,9 мм-ийн зузаантай. Bluetooth-тэй нэгдсэн апп нь хэрэглэгчид дохио илгээгдэж байгаа зайг тодорхойлох боломжийг олгох юм.
6-25 метрийн хүрээнд дохио өгч ажиллах Woolet-д суугдмал зай тодорхойлогч нь 0,4 м-ийн нарийвчлалтайгаар ажиллах учир хэтэвчээ яг хаана гээснийг тань тодорхой хэлж өгөх болно. 4 картны оролттой Woolet хэтэвчинд хамгийн том ID карт ч багтана.
Түүнчлэн яаралтай нөхцөлд хэрэглэх мөнгөө хадгалах нууц халаастай. Уг хэтэвчний бас нэгэн гайхалтай тал нь хэрэглэгчийн биеийн халуун эсвэл хөдөлгөөнөөс өөрийгөө цэнэглэх батерейтай байх явдал ажээ. Гэхдээ энэ нь хараахан бүрэн хийгдээгүй байгаа юм. Kickstarter дээр компанит ажил явуулж байгаа энэ ухаалаг хэтэвч 2015 оны 4 эсвэл 5-р сард эхний захиалагчиддаа хүрч эхлэх болов уу хэмээгдэж байгаа юм байна.
Г. Ууганбаяр
2015/03/31 at 18:37
bluethoottei taavchig garuul heleerei :”))
Ө. Өлзийбадрах
2015/03/31 at 21:54
Г. Ууганбаяр Ясан чи таавчигаа алдаад байдаг юмуу вхахахахаха
bayraa
2015/03/31 at 22:26
tawchagaa oldogui yumuu
sdad
2015/04/01 at 00:11
shaaa
Зочин
2015/04/01 at 13:01
oimsondoo bluetooth suulguulmaar bna