Унгарын уламжлалт гуляшийг гэртээ хийцгээе!

Гуляш бол Унгарчуудын уламжлалт хоол гэдгийг хүн бүр мэднэ. Унгарт хамгийн амттай гуляшийг Будапештын төв захын эсрэг талд орших “For Sale” пабд хийдэг. Энэхүү алдарт хоолыг чанаж бэлтгэх урт хугацааны үйл ажиллагаанд ер бусын амт нь оршдог. Унгарчууд яг л Италичууд гоймондоо, Португалчууд гриллдсэн сардин загасандаа дурладгийн адилаар гуляшаа жилийн аль улирлыг үл хамааран байнга хийж иддэг байна.[sociallocker]

Орц: үхрийн мах – 500 гр,сонгино – 2 бөөрөнхий, төмс – 500 гр, амтат чинжүү – 1 ширхэг, лууван – 2 ширхэг, сармис – 2 хумс, улаан лоолийн соус – 1 цайны халбага, тунгалаг шөл эсвэл ус – 1000 мл, нунтаг чинжүү – 1 цайны халбага, хатаасан болгар халуун чинжүү – 1 ширхэг, ургамлын тос – шарах хэмжээний, гоньд – 1 чимх, давс

Бэлтгэх арга: Сонгиноо арилгаж, жижиглэн хэрчинэ. Зузаан ёроолтой саванд ургамлын тосоо хийж халаагаад сонгиноо нэмж шарна. Сонгиноо жаахан шарж байгаад хатаасан нунтаг чинжүүгээ нэмнэ.

Хольж хутгана.

Махаа 1 см хэмжээтэй дөрвөлжин хэрчиж, хайруулын тавгандаа тос хийн халаагаад махаа хийж, алтан шаргал болтол шарна.

Махаа шарсан сонгинон дээрээ хийж, хэрчсэн сармис, чимх гоньдоо нэмнэ.

Бага зэрэг ус хийгээд хутгаж, зөөлөн гал дээр 2-2,5 цаг буцалгах зуураа шаардлагатай бол ус нэмнэ.

Төмсөө цэвэрлэж, 1 см хэмжээтэй дөрвөлжин хэрчиж, махан дээрээ нэмээд галаа ихэсгэж, 5 минут чанаад давсаар амтална.

Болгар халуун чинжүү, луувангаа хэрчиж, улаан лоолийн соустайгаа хамт мах, төмсөн дээрээ хийгээд тунгалаг шөл эсвэл усаа нэмнэ.

Шөлөө буцалгаад галыг нь багасгаад 15 минут орчим таглан зөөлөн гал дээр буцалгаад гуляш бэлэн болно. Сонгодог гуляш шөлөнд банш, гноччи хэмээх жижиг тасалсан гурил нэмж болдог.

Бэлэн болсон унгар гуляш шөл

29

Ха Ха

14

Гоё

9

Бахархмаар

8

Гайхмаар

4

Тэнэглэл

3

Харамсалтай

3

Хөөрхөн

1

Буруу

Баярлалаа!