ТОП 5 МУЗЕЙ МОНГОЛ ХYН БYРТ YНЭ ТӨЛБӨРГYЙ

Хүн төрөлхтөн анх үүсэж, агуйд амьдарч, ан гөрөө хийн галыг олж нээж явсан тэр цагаасаа л өөрийн оюун ухаан, авъяас чадвараар соёл, урлагийн үнэт өвийг бүтээн туурвисаар иржээ. Тэр бүү хэл хүний соёл иргэншлээс ч эрт галбын үеийн ховор нандин өв, үзмэрүүд Монгол оронд минь дүүрэн бий. Энэ үнэт өв дурсгалыг хадгалж хамгаалан ирээдүй хойч үедээ өвлүүлэн үлдээдэг ариун газар бол музей юм.
Байгалийн түүхийн музейд байдаг Тарбозавр тэргүүтэй амьтад, Чойжин ламын музейн Улаан Жамсрангаар тэргүүлсэн бурхад, Богд Жавзундамба хаан, Дондогдулам хатан, Өндөр гэгээн Занабазарын урласан зураг, дарь эхүүд энэ 6 дугаар сарын 03-аас 07-ныг дуустал 5 өдрийн турш амилж та бүхнийг гэр бүл, үр хүүхдүүдтэйгээ хүрэлцэн ирэхийг урьж байна. Эдгээр өдрүүдэд дээрх ТОП 5 музей Монгол хүн бүрт үнэ төлбөргүй үйлчилнэ.
Харин ийм гайхамшигийг үзэж сонирхох боломжийг ЮНИТЕЛ ГРУПП олгож байгаа юм. Тус групп нь таван жилийнхээ ойн хүрээнд Монголын үндэсний музей, Байгалийн түүхийн музей, Богд хааны ордон музей, Занабазарын нэрэмжит дүрслэх урлагийг музей, Чойжин ламын сүм музейд санхүүгийн туслалцаа үзүүлж хамтран ажиллаж байна. Музейнүүдийн хэрэгцээ шаардлагнаас хамаарч электрон тайлбарлагч, компьютер тоног төхөөрөмж, музейн үзмэрийн бүрэн хэмжээний танилцуулга бүхий альбом зэргийг ЮНИТЕЛ шийдвэрлэж өгч байгаа бөгөөд энэхүү хамтын ажиллагааны гэрээнд гарын үсэг зурах ёслол өнөөдөр боллоо.Гэрээнд ЮНИТЕЛ группийн Ерөнхий захирал Б.Билигүүн, Засгийн газрын хэрэгжүүлэгч агентлаг Соёл, урлагийн хорооны дарга Б.Лхагвасүрэн болон аянд хамрагдаж буй 5 музейн захирлууд гарын үсэг зурлаа.