“Таны мэдлэгт дусал нэмэр – 1”

Yүнд:

Wimax

– Зөөврийн байдлаар ашиглана.
– Дунд зэргийн овортой төхөөрөмжийг хамрах хүрээн дотроо зөөж хэрэглэнэ.
– Төхөөрөмж нь 220 вольтоор ажилладаг
– Компьютертээ сүлжээний утсаар залган интернэтэд холбогдно.
– Хурдны хувьд 3G интернэтээс хавьгүй илүү. Ажил дээрээ гэртээ гэх мэтээр зөөж хэрэглэхэд тохиромжтой.
– Төхөөрөмжийн үнэ дундажаас дээгүүр.

3G

– Хөдөлгөөнт байдлаар ашиглана
– Тогонд залгах шаардлагагүй.
– Төхөөрөмжийн овор хэмжээ бага.
– Хурдны хувьд Wimax-г гүйцэхгүй.
– Утсаараа интернэтэд холбогддог, бага хэмжээний мэдээлэлтэй харьцдаг хэрэглэгчдэд тохиромжтой. Бага хэмжээнийх гэж онцолж буй учир нь хэрэглээний лимит юм. Ямар хэмжээтэй мэдээлэл авснаас тань шалтгаалж төлбөр тооцдог.
-Төхөөрөмжийн үнэ дундаж.

4G Mobile Wimax

– Хөдөлгөөнт байдлаар ашиглана.
– Тогонд залгах шаардлагагүй.
– Төхөөрөмжийн овор хэмжээ бага.
– Утасгүй холболт дотроо хамгийн өндөр хурдтай нь бөгөөд цоо шинэ технологи юм.
– Хэрэглээний лимит байхгүй.
– Wimax болон 3G-гийн бүх давуу талуудыг өөртөө агуулсан технологи.
– Хөдөлж буй тээврийн хэрэгсэл дотроос ч өндөр хурдаар холбогдох боломжтой.
– Төхөөрөмжийн үнэ дундажаас доогуур.

Эдгээр утасгүй холболтууд нь бүгд хамрах хүрээн дотроо хаанаас ч интернэтэд холбогдох боломжтой байдаг нь орчин үеийн хэрэгцээ шаардлагад бүрэн нийцдэг. Гагцхүү хэрэглэгч та тус бүрийнх нь онцлог шинжүүдийг үнэн бодитоор мэдсэн байх шаардлагатай бөгөөд өөрт тохирсноо зөв сонгож авах нь хамгийн чухал юм. Шинэ зуунд интернэт төдийгүй харилцаа холбооны бүхий л салбарууд утасгүй бөгөөд өндөр хурдны хэлбэрт шилжиж байна. Энэ нь эргээд хэрэглэгч бидний ая тухыг дээд зэргээр хангаж, цаг зав, мөнгө санхүүг маш ихээр хэмнэх чухал ач холбогдолтой шилжилт юм.

Энэхүү харьцуулалтын агуулга нь тухайн компаний зар сурталчилгаа бус бодит хэрэглэгчдээс нь авсан мэдээлэл дээр үндэслэгдсэн болно.

Ингээд бид интернэт холболтын төрлүүдийн талаар хамгийн үнэн зөв, товч тодорхой ойлголттой боллоо. Харин эдгээр үйлчилгээг үзүүлэгч компаниуд бодит байдал дээр хэрхэн зөв арга барилтай ажилладагаас шалтгаалж тухайн үзүүлж буй үйлчилгээнийх нь чанар янз янз байх нь бий. Ер нь бол интернэтийг тухайн компани бас нэг томоохон компаниас бөөнөөр нь худалдаж аваад хэрэглэгчиддээ гэрээнд заасан хурдаар нь тэгшхэн хуваарилж өгдөг. Yүнийг Dedicated интернэт гэдэг. Гэтэл шударгаар хувааж өгөлгүй давхар давхар олон хүнд зарчихдаг компани бас байдаг. Танд 512kbps хурдаар интернэт өгнө гэчихээд 2-5 хүний дунд хуваагаад өгчих нь бий. Харин үүнийг Shared интернэт гэж нэрлэдэг. Тэгээд үйлчилгээндээ бодит бус хямд үнэ тогтоон хэрэглэгчдийг татдаг. Туршлагатай хэрэглэгч нар энэ байдлыг аль хэдийн мэдсэн байдаг бөгөөд хямд үнэд хуурталгүй чанарыг эрхэмлэн сонголтоо хийсэн байдаг.

Эдгээрээс гадна танд үйлчлэх компани үйлчилгээний соёл сайтай, техникийн үйлчилгээ тусламж гэх мэт аливаа асуудлыг найдвартай хурдан шуурхай шийдэж өгдөг, хариуцлага хүлээх чадвартай байх нь хамгийн чухал. Энэ нь таны тухайн компаниар үйлчлүүлэх хугацаанд гарах аливаа асуудал хурдан шийдвэрлэгдэнэ гэсэн үг. Эргээд та ч бас өөрийн хийсэн сонголтондоо сэтгэл хангалуун байх чухал ач холбогдолтой.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!