Бидний хувцас хэрэглэлийн салшгүй хэсэг бол мэдээж хэрэг дотуур хувцас. Энэ нь мөн биед эвтэй, тав тухтай, эрүүл мэндэд харшлах нөлөөгүй бас дээр нь тааламжтай сэтгэгдэл төрүүлэхүйц загвартай байх ёстой. Үүний тулд загвар зохион бүтээгчид ажилладаг. Заримдаа тэдний толгойд хамгийн хачин, жигтэй бодлууд орж ирсний дүнд хамгийн хачирхалтай дотуур хувцаснууд бүтээгддэг байна. Жишээ нь, эрчүүдийн хөхийг өргөдөг хөхний даруулга, Диснейн гүнжүүдийн дотуур хувцас гэх мэт.
Диснейн гүнжийн дотуур хувцас
Диснейн гүнжүүдэд хайртай байсан охид бүгд өсөж том болдог учир Японы жижиглэн худалдааны Bellemaison компани Диснейн гүнжүүд дотуур хувцсыг албан ёсоор бүтээсэн байна. Bell, Cinderella, Aurora, or Rapunzel-ын шүтэн бишрэгчид 38 доллар орчмын үнээр дээрх гүнжүүдийн дотуур хувцсыг худалдан авах боломжтой аж.
Өгзөг илчлэгч дотуур хувцас
Бас л Япончуудын бүтээл. Хальт харахад өгзгөн дээрээ томоос том урагдчихсан дотуур өмд өмсчихсөн юм шиг л харагдана.
Үнэнч хайрын баталгаа хөхний даруулга
Японы Ravijou компани 10 жилийнхээ ойг хэрэглэгчиддээ хайртай хүнээс нь өөр хүнд тайлагддаггүй хөхний даруулга бэлэглэж угтсан. Ухаалаг гар утасны апп-тай Bluetooth-ээр холбогддог энэ хөхний даруулганы мэдрэгчүүд нь зүрхний цохилтыг мэдэрснээр тайлагдах эсэхээ шийддэг байна.
Эрчүүдэд зориулсан хөхийг томсгож харагдуулах хөхний даруулга
Грекийн бурхад шиг биетэй болох нь амар зүйл биш. Гэхдээ Funkybod Muscle Top-д талархах хэрэгтэй болж байна. Хар, цагаан, саарал өнгөтэйгээр үйлдвэрлэгдсэн, 48 долларын үнэтэй энэ цамц эрчүүдэд биеийн тамирын заал руу явахгүйгээр булчинлаг болоход тусална.
Хийн маск бас хөхний даруулга
1986 онд Чернобылийн ослын дараа Elena Bodnar ослын хийн маск зохион бүтээсэн. 2009 онд тэрээр энэ бүтээлээрээ Нобелын нийтийн эрүүл мэндийн төлөөх шагналыг хүртсэн юм. RAD Emergency Bra /ebra/ хөхний даруулганы аяга нь цацраг идэвхт бодисын мэдрэгчтэй ба аяга тус бүр нь маск болж болно.
Санамсаргүй алдсан гэдэсний хийн таагүй үнэрийг шүүх дотуур өмд
Британий Shreddies компаний зохион бүтээсэн үнэр шүүгч бүхий дотуур хувцасны Zorflex хэмээх карбонд суурилсан материал нь дундаж хэмжээний гэдэсний хийн таагүй үнэрнээс 200 дахин хүчтэй үнэрийг ч шүүж чадна. Ямар ч үнэр гарахгүй, гэхдээ дуу чимээ намсгахгүй гэдгийг санаарай.
Хэтрүүлэн идэхийг хянадаг хөхний даруулга
Бүсгүйчүүд стрессийн улмаас хэтрүүлэн идэж байгаагаа хянаж чадахгүй байх нь элбэг. Харин дараа нь биеийнх нь хэсгүүдэд өөх болон шингэсэн хэрээс хэтэрсэн хооллолтноосоо болоод бүр ч их бухимдаж суудаг. Microsoft Research-ийнхний зан араншингийн байдал болон стрессийн улмаас хэтрүүлэн идэх явдлыг хянадаг хөхний даруулга бол үнэхээр гайхамшиг. Батерейгаар ажилладаг хөхний даруулганы зөөлөвч нь мэдрэгчүүдтэй бөгөөд энэ нь мэдээллийг ухаалаг гар утасны апп руу дамжуулна.
Жиргээчин хөхний даруулга
Tweeting Bra нь хөхний даруулга тайлагдах бүрт жиргээ илгээнэ. Netsle Fitness-ийн сурталчилгаанд зориулагдсан энэ хөхний даруулгыг OgilvyOne Athens компани бүтээсэн ба энэ нь хөхний хорт хавдрын талаарх ухварыг нэмэгдүүлэх үйл ажиллагаатай холбоотой аж.
Цэвэрлэгээний үүрэгтэй дотуур өмд
Чилийн Monarch компани зэсээр дотуур хувцас хийжээ. Зэсээр гэнээ гэж гайхаж байгаа байх. Зэс нь ‘доод хэсэг’-т бий болдог бактер, мөөгөнцрийг 99% устгадаг. Тусгайлан гаргаж авсан ариутгах нөлөөтэй зэс нь арьсанд хүрэлцэж, мөөгөнцрийг устгаж, үнэрийг эсэргүүцдэг байна.
Pokemon дотуур өмд
Зөвхөн Pokemon ч биш, Charmander, Squirtle, Pikachu, Bulbasaur ч бий. Makers Way-гийн энэ дотуур өмд үнэхээр эрэлттэй байгаа аж.
1
Хөөрхөн0
Гоё0
Ха Ха0
Гайхмаар0
Бахархмаар0
Харамсалтай0
Тэнэглэл0
Буруу
