2014 онд олдсон 20 шинэ төрөл зүйлийн амьтад

Эрдэмтэд манай дэлхий дээр өнөөг хүртэл нээгдэж танигдаагүй хэдэн мянган өвөрмөц төрөл зүйлийн амьтад байдаг гэж хэлдэг. Өчүүхэн жижиг эмгэн хумснаас эхлээд элбэнхтэй адил үсэрхэг хөхтөн амьтан хүртэл амьтны ертөнц доторх үнэхээр гайхширмаар нээлтүүд 2014 онд хийгджээ. Энд бид та бүхний хувьд урьд өмнө сонсож байгаагүй хамгийн содон гэж хэлж болох 20 шинэ төрөл зүйлийг танилцуулж байна.

1. Навчин сүүлт хонин гүрвэл – Saltuarius Eximius

Энэ дотор арзайлгам төрхтэй гүрвэл Австралийн алс умардад орших чийглэг ойд амьдардаг. Навчтай адил харагдах түүний сүүл нь модны иш эсвэл хаг хөвдтэй нийлж, сайн өнгөлөн далдлалт болдог.

2. Мөсөн яргуйжин – Edwardsiella Andrillae

Антарктикын тэнгист мөсөн доор амьдардаг яргуйжингийн шинэ төрлийг шинэ робот туршиж байсан геологичдын баг санамсаргүйгээр олж илрүүлжээ. Тус багийнхан тэдгээрийг мөснөөс уруугаа харан ургаж байгааг олж харсан байна.

3. Модны олингуито

Элбэнхийн төрлийн хөхтөн амьтан болох энэ үсэрхэг амьтан бол 35 жилийн хугацаанд Баруун тал бөмбөрцөгт олдсон анхны махан идэшт сүүн тэжээлтэн юм.

4. Араг ясан сам хорхой – Liropus Minusculus

Хэдхэн миллиметрийн урттай энэ бяцхан сам хорхой Калифорний эргээс холгүй орших Санта Каталина арал дээрх тэнгисийн агуйнуудад амьдардаг.

5. Нэвт гэрэлтэж харагддаг эмгэн хумс – Zospeum Tholussum

Хорватын агуйд амьдрах энэ жижигхэн эмгэн хумсний пигмент 0 бөгөөд нүдгүй.

6. Амёб хэлбэрийн нэг эст махбодь – Spiculosiphon Oceana

Хачирхалтай, ганц эст организм

7. Хотын алтан нуруут мэлхий – Hylarana urbis

Суурин газар амьдардаг энэ хоёр нутагтан Шриланк болон Энэтхэгт нээгдсэн 7 төрлийн шинэ алтан нуруут мэлхийн нэг нь юм. Энэ мэлхий нь хүн ам ихээр суурьшсан орчин дахь усан сан, цөөрмүүдэд л амьдардаг байна.

8. Tinkerbell Fairyfly – Tinkerbella Nana

1400 орчим төрөл зүйлийн гэр бүлийн нэгэн гишүүн болох энэ бяцхан ялаа Peter Pan-ы найзын нэрээр нэрлэгджээ.

9. Изабелын саки – Isabel’s Saki

Ердөө тавхан зүйл нь танигдсан Саки сармагчны төрөл зүйл болох энэ амьтан одоогоор 16 тоо толгой бүртгэгджээ.

10. Dendrogramma Enigmatical

Мөөгтэй адил энэ бодгаль шинжлэх ухааны хувьд жинхэнэ гэнэтийн бэлэг байсан. Анх 1986 онд Австралийн гүн тэнгист олдсон энэ бодгалийг биологичид энэ жил л ангилж, нэрлэжээ.

11. Шувууны баас аалз – Calaenea

Шувууны сангасны хэсэг шиг харагдах энэ аалз Энэтхэг барын дархан цаазат газраас олжээ.

12. Нэр өгөгдөөгүй байгаа Ноолууран бөмбөлөг

1985 онд Папау Шинэ Гвинейд олдсон энэ амьтан одоогоор нэргүй байгаа аж.

13. Шөнийн хонин гүрвэл – Paroedura Hordiesi

Мадагаскарын умард дахь Францын хуучин бэхлэлтэнд амьдардаг энэ шөнийн амьдралтай гүрвэл аль хэдийнээ мөхөх аюулд орсон амьтан гэгдэж байна. Сүүлээ хүртэл 4 орчим инч урттай энэ гүрвэл наалддаг сарвуугаараа хэрэмний хананд наалдан явдаг.

14. Туркийн хулд загас – Salmo Kottelati

Яргай загасны төрлийн энэ загас бусад 200 гаруй төрөл зүйлээсээ том амаараа ялгагддаг. Энэ загас Туркийн Анталя хотын хүйтэн, тунгалаг усанд амьдардаг байна.

15. Од харцтай сам хорхой – Mysidopsis Zsilaveczi

Өмнөд Африкын усанд амьдардаг энэ сам хорхой өөрийгөө том, үзэсгэлэнтэй, гаатай чихэр шиг нүдээрээ араатнуудаас өөрийгөө хамгаалдаг.

16. Bryde-ийн халим

Флоридагийн усан доорх хавцлаас олдсон энэ халим цоо шинэ зүйл ч байж магадгүй, эсвэл дэд төрөл зүйл ч байж болох юм. Хэрвээ бүрэн шинэ зүйл гэдэг нь батлагдвал дэлхий дээрх устах аюулд хамгийн ихээр ороод байгаа төрөл зүйл болох аж. Энэ халим ердөө 50-хан тоо толгой бий.

17. Araguaian Boto River далайн гахай – Inia Araguaiaensis

Бразилын төв дэх Araguaia голын сав газарт олдсон голын далайн хав нь мөн л устах аюулд ороод байгаа амьтан юм.

18. Атлантын эргийн ирвэс мэлхий – Rana Kauffeldi

Энэхүү хоёр нутагтан Коннектикатаас Умард Каролина хүртэл эрэгт амьдардаг ч Staten арал дээр л олджээ.

19. Үсэрдэг аалз – Stenaelurillus

Энэтхэг барын дархан газарт олдсон энэ аалз солонгорсон хөх сахалтай. Энэ сахал нь хосынхоо анхаарлыг татахад тусалдаг байна.

20. Anzu Wyliei

Өмнөд болон Умард Дакотад олдсон араг яснаас энэхүү шинэ төрлийн үлэг гүрвэлийг нээсэн. Өндөр, залаатай толгойтой энэ өдөт үлэг гүрвэл буг чөтгөрийн бурхны нэрээр Anzu хэмээн нэрлэгджээ.

3

Гайхмаар

1

Тэнэглэл

1

Ха Ха

0

Гоё

0

Хөөрхөн

0

Бахархмаар

0

Харамсалтай

0

Буруу

Баярлалаа!