Компаниудын лого, эмблем нь ямар нэгэн далд утга учир хадгалж илэрхийлж байдаг болов уу? Тийм ээ, компаниудын лого нь тухайн компаний үйл ажиллагаатай холбоотой илэрхийллийг агуулж байдаг. Тэгвэл та бидний сайн мэдэх Амазон /Amazon/, Адидас /Adidas/, Эппл /Apple/, Мерседес-Бенз /Mercedes-Benz/, Юнилевер /Unilever/ зэрэг компаниудын лого ямар утга учир хадгалж байдгийг мэдээллийг дэлгэрэнгүйгээс хүлээн авч үзнэ үү.
amazon.com гэсэн үгний a үсэгнээс z үсэг хүртэлх сум нь нэг талаар a-ээс z хүртэлх бүхнийг гэсэн утгыг хадгалдагийн дээр нөгөө талаар хэрэглэгчийн нүүр царайнд инээмсэглэл тодруулна гэсэн утгыг илэрхийлдэг байна.
Адидас брэндийн гурван судал нь өгсүүр уулын дүрслэл юм.
Боди Уисдом /Body Wisdom/ өндөр зэрэглэлийн сувиллын газрын логон дахь шар шувууны нүд нь ухаалаг байдлыг илэрхийлдэг ба лого бүхэлдээ тайвшруулах иллэгийг хийдэг гараар дамжих ухаалаг байдлын илэрхийлэл юм байна.
Цахилгааны залгуур шиг харагдах энэ лого бол ED буюу Elettro Domestici компаний лого. Гэр ахуйн хэрэгсэл гэсэн утга бүхий үгийн товчлол болох дээрх хоёр үсгийг илэрхийлэхдээ сөрөг орон зайг ашигласан нь цагаан хэсгийг харахад ED үсэг шиг, хар хэсгийг харахад залгуур шиг харагдах аж.
Эппл компаний логоны алим нь библийн сударт гардаг Мэдлэгийн модны үр жимсийг илэрхийлдэгийн дээр хазсан байдгийн учир нь byte/bite /хазах/ гэдэг үгийн наадмын утгыг хадгалжээ.
Мерседес-Бензийн логоны гурван талт од нь газар, тэнгэр, ус /далай/-нд ноёрхоно гэсэн утгыг илэрхийлдэг.
Онлайн хоол захиалгын үйлчилгээний компаний логоны сэрээ нь @ тэмдэгтийг илэрхийлдэг.
Федерал Экпресс /FedEx/ компаний логонд нууц сум нь хурд болоод нарийн тодорхой байдал мөн компаний байрлалыг илэрхийлдэг.
Баскин Роббинс компаний хуучин логонд байсан 31 гэсэн тоо шинэ логонд ягаан өнгөтэйгээр гарч ирсэн. 31 гэсэн тоо нь амтат зайрмагны 31 өөр амтыг илэрхийлсэн тоо юм.
Европын хамгийн том жижиглэн худалдааны компаниудын нэг Каррефур компаний логоны хоёр тийш чиглэсэн сумны дундах сөрөг орон зайд компаний эхний үсэг болох С үсэг бий.
Хурдны мэдрэмжийг төрүүлэх энэ логоны дунд мөн л 1-ийн тоог багтаажээ.
Америкийн NBC телевизийн логонд дүрслэгдсэн тогосны 6 өнгийн сүүл нь тус телевизийн салбаруудын илэрхийлэл бөгөөд үзмэн ягаан өнгөн дээрх тогосны толгой нь тогос наашаа харж байгааг харуулж байгаа юм.
Сони Вайо /Sony Vaio/ брэндийн Vaio гэсэн үгний V, A үсэгнүүд нь үндсэн аналог дохиог, сүүлийн үсгүүд болох I, O үсэгнүүд нь дижитал дохио болох 1, 0 тоог илэрхийлдэг.
Швейцарийн алдарт Тоблерон компани нь тус улсын Берн хотод байдаг ба Берн хотыг Баавгайнуудын хот гэж нэрлэдгээс Тоблероны логонд баавгай дүрслэгдсэн байдаг байна.
Хоол хүнс, ундаа ус, цэвэрлэгээ болон хувийн арчилгааны бүтээгдэхүүн үйлдвэрлэдэг Юнилевер компани логондоо олон төрлийн бүтээгдэхүүн үйлдвэрлэдэг гэдгээ харуулсан. Жишээ нь: зүрх нь хайр, анхаарал халамж, эрүүл мэндийг илэрхийлдэг бол шувуу нь эрх чөлөөт байдлын илэрхийлэл болдог. Ерөнхийдөө өдөр тутмын ажлаас ангижрах гэсэн утга аж.
1972 онд IBM компаний алдарт логог бүтээсэн Паул Рэнд /Paul Rand/ 1981 онд тус компаний логог өөр маягаар бүтээсэн нь нүд /eye/, зөгий /bee/, М үсэг байв.
SUN Microsystems-ийн лого нь тэгш хэм болоод эмх цэгцийн төгс жишээ. Зөрүүлдэн харуулсан u, n үсэгнүүд нь нийлээд s үсэг болж, sun гэсэн үг бүрдэнэ.
Cluenatic хэмээх эвлүүлдэг тоглоомын нэрний clue гэсэн 4 үсэг нь төөрдөг байшин хэлбэрээр өрөгдсөн. Түүнчлэн matic гэдэг үгтэй нь хамт холоос харахад түлхүүр хэлбэртэй харагддаг.
14
Бахархмаар6
Гоё3
Харамсалтай3
Буруу3
Ха Ха1
Тэнэглэл1
Гайхмаар1
Хөөрхөн
