Бид бүгд ухаалаг гар утсанд дуртай. Гэвч бидний сэтгэлийг гонсойлгодог нэг зүйл байдаг нь батерейны цэнэг маш хурдан дуусдаг явдал байдаг. Ялангуяа хамгийн хэрэгтэй цагт гар утасны маань цэнэг дуусах шиг онцгүй зүйл үгүй. Kickstarter дээр Plan V компанит ажил явагдаж байгаа нь 9 вольтын батерейгаар ухаалаг гар утсыг цэнэглэх төхөөрөмжийн санхүүжилт цуглуулах ажил юм.
Сиднейн Flintu пүүсийн энэ бяцхан төхөөрөмж үнэхээр жижигхэн боловч ухаалаг гар утас эсвэл бусад төхөөрөмжүүдээ 9 вольтын батерейнд холбох боломжийг хэрэглэгчдэд олгох аж. Galaxy S5 утсан дээр гэхэд л 4 цаг ярианы горимд ашиглах боломжийг олгох уг төхөөрөмжийн нэг сул тал нь хэрэглэгч бас нэг батерей авч явах шаардлагатай болж байгаа нь юм. Түлхүүрийн хэмжээтэй, 7 грамм жинтэй уг төхөөрөмжийг бүтээгч компани Apple MFI сертификатыг авахаар хичээж байгаа нь iPhone гар утсанд зориулсан хувилбарыг бүтээх зорилттой нь холбоотой.
Энэ жижигхэн төхөөрөмжөөс олж авахыг хүсвэл Kickstarter дээрээс 12,80 доллараар авах боломжтой юм байна.
1.
2.
3.
4.