Алдартай брендүүдийг дуурайлгаж хийсэн хуурамч барааг ялгаж таних энгийн 7 арга

DenisMArt / Depositphotos.com

Adidas, Louis Vuitton зэрэг алдартай брендүүдийн бүтээгдэхүүнийг хуулбарлан олшруулж зарж буй барааны нийт үнэлгээ 3 тэрбум орчим ам.доллар гэсэн тооцоо бий. Иймээс ч үнэндээ зохицсон чанартай бүтээгдэхүүний худалдан авахын тулд хуурамчаас нь ялгаж сурах шаардлага тулгарч буй билээ. Манай сайт уншигч танд алдартай брендүүдийн бүтээгдэхүүнийг хуурамчаас ялгах энгийн аргуудыг танилцуулж байна.

1. Adidas брендийн пүүз

• Сүүлийн үеийн Adidas брендийн оригинал пүүзний үдээсний нүх төмөр хүрээгүй хийгддэг бөгөөд нийт 7 нүхтэй байдаг ажээ.
• Түүнчлэн өсгий хэсэгт байрлах лого нь хазгай муруй байгаа эсэх, түүний байрлал голлосон эсэхийг шалгах нь зүйтэй.

• Логоноос гадна оригинал пүүзний өсгий хэсэг нь хавгай, тэгш хэмээр хийгдсэн байдаг бол хуурамч пүүзний өсгий хэсэг илүү тойрог хэлбэртэй хийгдсэн байдаг.
• Мөн пүүзний хэл дээрх сериал дугаар хоёр пүүз дээр зөрөх ёсгүй.

2. Chanel брендийн үнэртэй ус

• Chanel брендийн үнэртэй усыг худалдан авахдаа юуны өмнө шилийг нь ажиглах хэрэгтэй. Шилэн дээрх шошгоны бичиг нь товойсон хэвээр бичигдсэн байх ба шошгоны байрлал шилийг голлож наагдсан байдаг.
• Шилний доорх бичиглэл нь үг, үсгийн алдаагүй байх бөгөөд шилэн дээрх баркод, хайрцаг дээрх баркод хоорондоо таарч байх шаардлагатай.

3. Louis Vuitton брендийн цүнх

• Цүнх дээрх хэвлэмэл логонууд нь нэгэн хэвийн зайд байрласан байдаг ба хэрэв цүнхний булан хэсэгт лого дундуураа тасарсан бол нөгөө тал нь тасарсан хэсгээсээ үргэлжилсэн байдаг ажээ.
• Түүнчлэн оригинал Louis Vuitton брендийн цүнх дээрх LV лого нь урд хэсэгтээ зөв харж байрласан байдаг бол ар хэсэгтээ буруу харуулсан байдлаар хэвлэгдсэн байдаг.
• Түүнчлэн цүнхний цахилгаан, алтлаг өнгөөр бүрсэн төмөр хэрэглүүрүүдийг нь анхаарч авч үзэх нь зүйтэй.

4. MAC уруулын будаг

• Юуны өмнө MAC брендийн уруулын будагны хайрцаг дээр баркод болон будагны өнгийг кодоор тэмдэглэсэн байдаг.
• Оригинал MAC уруулын будагны хайрцаг дээрх сериал дугаар ихэвчлэн A, B, C үсгээр эхэлж, түүний араас 2 цифр үргэлжилж орсон байдаг ажээ.
• Уруулын будагны таг дээрх MAC брендийн лого нь таг дээр наасан бус сийлсэн мэт хийцлэлтэй байна. Түүнчлэн “A” үсгийн хоёр талд байрлах цэг нь төгс бөөрөнхий хэлбэрийг хадгалсан байдаг.
• Мөн тус брендийн уруулын будагнаас ванилын зөөлөн үнэр үнэртдэг бол хуурамч бүтээгдэхүүнүүдээс ихэвчлэн жимс, чихрийн үнэр ханхалдаг.

5. The Cartier Love бугуйвч

• The Cartier брендийн үнэт эдлэлүүд ихэвчлэн шошго дээрээ Au 750, 18k Gold, Pt 950 гэх мэтчилэн хийсэн металын орц найрлагыг тамгалсан байдаг.
• Оригинал бугуйвч ойролцоогоор 30-38 гр жинтэй байдаг ажээ.
• Түүнчлэн худалдан авах гэж буй бугуйвч дээрх сериал дугаарыг харьцуулан ажиглах хэрэгтэй. The Cartier брендийн бугуйвч хоёр талдаа сериал дугаар тэмдэглэгдсэн байдаг аж.

6. Crocs

• Crocs брендийн сандаль дээр Duke нэртэй дого хэвлэгдсэн байдаг. Тус логог сайтар ажиглавал хоёр нүдтэй, нуруун дээрээ 6 сэрвээтэй, 2 гартай, нэг гарандаа 3 хуруутай матар харагддаг.
• Түүнчлэн сандалийн улны төв хэсэгт Crocs лого байрласан байдаг.

7. Levi’s жинсэн өмд

• Levi’s жийнсэн өмдний шошго дээр загварын дугаар, бүсэлхийний хэмжээ, урт зэргийг хар өнгөөр тэмдэглэсэн байдаг.
• Ар хэсгийн шошго нь хэт бараан бус, хэт цайвар бус өнгийн арьсан материалаар хийгдсэн байдаг.
• Түүнчлэн үг, үсгийн ямар нэгэн алдаа байгаа эсэхийг шалгах нь зүйтэй.

90

Гоё

24

Гайхмаар

21

Хөөрхөн

21

Бахархмаар

19

Буруу

10

Тэнэглэл

10

Харамсалтай

10

Ха Ха

Баярлалаа!