Марни (Marnie) хэмээх нэртэй энэхүү эгдүүтэй бяцхан нохой саяханыг болтол Коннектикут мужийн гудамжаар ганцаараа тэнүүчилж явсан бөгөөд уг золбин нохойг сайхан сэтгэлт хүн олж авч гэртээ тэжээж эхэлжээ. Этгээд дуучин Miley Cyrus-тай тун адилхан харагдах азтай бяцхан нохой маань одоо MTV телевизийн найруулагч Ширли Браха-гийн гэрт амьдарч байгаа ба Instagram дээр аль хэдийн 142 мянга давсан дагагчидтай болж маш их алдартай болсон байна.
Түүнийг анх олоход 14 шүд нь унаж байхгүй болсон, өмхий үнэртсэн, нэг нүд нь хараагүй, үс ноосондоо баригдсан үхэхээс наагуур аймшигтай байдалтай байсан байна. Сайхан сэтгэлт хүмүүсийн буянаар амьдралтай дахин золгосон өдгөө 12 настай бяцхан амьтан маань тахиа, цэцэгт байцаа, Грек тараг, тарвас, яс идэх дуртай ба удаан алхах, унтах мөн дуртай гэнэ.
Хэл нь амнаасаа үргэлж цухуйх энэхүү өвөрмөц онцлог нь бусдын хайрыг татахад хүргэсэн бөгөөд харамсалтай нь энэ онцлог нь түүнийг орон гэргүй тэнүүчилж байхдаа өвчилсөн өвчнөөс болсон байна. Мөн түүнийг олоход түүний нэг нүд хараагүй болсон байсан ба сайхан сэтгэлт хүмүүсийн ачаар эмчилгээ хийлгэсний эцэст түүний хараа эргэж сэргэсэн байна.
Харамсалтай
Гоё
Ха Ха
Хөөрхөн
Гайхмаар
Бахархмаар
Тэнэглэл
Буруу
