Одоо үед бараг хүн бүр л өөрсдийн селфи зургийг утасныхаа камераар авдаг болсон цаг. Тэгвэл үүнтэй зэрэгцээд селфи зургаа авах дуртай хүмүүст зориулсан тусгай гэрэл зургийн аппарат хүртэл гарсан байна.
Photokina 2014 үзэсгэлэнгийн үеэр танилцуулсан Canon брэндийн энэхүү аппарат нь 2.8 инчийн хэмжээтэй дэлгэцтэй бөгөөд дэлгэцээ 180 градус эргүүлэх боломжтой, мэдрэгчтэй дэлгэцтэй, хэлбэрийн хувьд жижиг дөрвөлжин хэлбэртэй юм байна.
Wi-Fi холболт хийх боломжтой уг аппарат маань 12-мегапикселийн дурантай бөгөөд хамгийн чухал зүйл болох зураг авах товч нь дурангийн гадуурх тойрог бүрхүүл юм. Энэ нь селфичдэд зургаа төвөггүй дарах онцгой нөхцлийг бүрдүүлж өгч чадсан байна. АНУ-д шинэ жилийн баярын үеэр худаалагдаж эхлэх Canon PowerShot N2 аппарат 300$-ын үнэтэй байх ажээ.