Гар утсан дээрх зурааснуудыг багасгах 8 нууц арга

Зураас гэдэг зүйл хуучны утаснуудын хувьд сүр бадруулаад байхаар том асуудал байгаагүй. Харин улам бүр хэмжээ нь томорч байгаа ухаалаг гар утасны эринд гар утсан дээр зурааснууд үүсэх вий гэсэн болгоомжлол байнгын зүйл болжээ. Хэрвээ гар утасны чинь дэлгэц нэгэнтээ зураастсан бол дэлгэц солиулах эсвэл шинэ гар утас авахаа түр азнаарай. Энд бид гэрийн нөхцөлд, маш энгийн аргаар [tweetable]гар утсан дээр үүссэн зурааснуудыг багасгах, арилгах аргууды[/tweetable]г бичсэн байгаа. Гар утас хэрэглэгчдийн хувьд тун ч хэрэгтэй нийтлэл болсон гэдэгт эргэлзэхгүй байна.

1. Металл өнгөлөгч Brasso, мөнгөн эдлэл өнгөлөгч Silvo эсвэл бусад өнгөлөгчүүд

Өнгөлөгчнөөсөө жижиг аяганд бага зэргийг хийгээд зөөлөн даавуу дүрж, тэрхүү даавуугаараа зурааснуудыг үр. Ингэхдээ тойрог хэлбэрийн хөдөлгөөнөөр үрэх ёстой шүү. Дараа нь цэвэр даавуугаар илүүдэл өнгөлөгчийг арчиж арилгана.

2. Өндөг ба калийн цөр /potassium aluminum sulfate/

Өндөгний цагаан уураг болон калийн цөр ашиглан гар утсан дээрх зурааснуудыг арилгах боломжтой. Үүний тулд микрофибер даавуу, 1 ширхэг өндөг, тугалган цаас, калийн цөр бэлтгэнэ. Саванд өндөгний цагаанаа хийж, дээрээс нь 1 цайны халбага калийн цөр хийж, 65 хэм хүртэл халаана. Энэхүү холимгондоо даавуугаа дүрээд тугалган цаасан дээрээ тавьж, 150 хэм хүртэл халаасан шарах шүүгээнд тугалган цаастай нь хамт хийгээд даавуу хатах хүртэл байлгана. Даавуугаа гаргаж аваад хүйтэн усанд хагас минут орчим зайлаад дахин өндөгтэй холимгонд дүрж, шарах шүүгээнд хийж, усаар зайлах дээрх үйлдлээ нийт 3 удаа давтана. Дараа нь 2 хоногийн турш даавуугаа хатаасны дараа зурааснуудыг арчаад үзээрэй.

3. Ургамлын тос

Үл мэдэгдэм зурааснуудыг ургамлын тосоор арчих нь сайн.

4. Хүнсний сод

Аяганд ус болон уснаасаа хоёр дахин их хэмжээтэй хүнсний сод хийж зуурмаг бэлтгэнэ. Уг холимгондоо зөөлөн даавуу дүрээд зурааснуудыг тойрог хөдөлгөөнөөр зөөлөн үрнэ. Дараа нь бага зэрэг чийглэсэн зөөлөн даавуугаар арчиж цэвэрлэнэ.

5. Нялх хүүхдийн цацлага

Хүнсний содыг хэрэглэсэнтэй адил аргаар хэрэглэнэ.

6. Зүлгүүр эсвэл дриллэн өнгөлгөө

Хэрвээ [tweetable]гар утасны чинь ар тал зураастсан бол зүлгүүр эсвэл дриллэн өнгөлгөө ашиглаад үз[/tweetable]. Гэхдээ маш болгоомжтой байх хэрэгтэй. Зүлгүүрээ хамгийн нарийн ширхэгтэй, зөөлөн цаастайг сонгоорой.

7. Машины зураас сэв арилгагч крем

[tweetable]Ухаалаг гар утсан дээрх сэв зураасыг машины сэв арилгагч кремээр арчиж арилгаж болно[/tweetable].

8. Шүдний оо

Юуны түрүүнд шүдний оо чинь гелэн хэлбэрийн оо биш байх ёстой. Цэвэр зөөлөн даавуу эсвэл хөвөнд бага зэрэг оо түрхээд зөөлөн тойрог хөдөлгөөнөөр зурааснуудыг үрж арилгана.

4

Бахархмаар

1

Тэнэглэл

1

Хөөрхөн

1

Ха Ха

0

Гоё

0

Гайхмаар

0

Харамсалтай

0

Буруу

Баярлалаа!