Миний бодлоор тэд гайхалтай – гоёмсог, аюултай, уян хатан бас үгээр илэрхийлэхийн аргагүй гоо үзэсгэлэн. Харин уншигч та юу гэж бодож байна?
Дэлхийд ойролцоогоор 2700 төрлийн могой бий гэж бүртгэгджээ. Дэлхийн хамгийн урт могой анаконда биш харин торон могой юм. Уг могой уртаараа 7,5 метр хүрч чадна. Харин хүнд могойн хувьд анаконда, бидэнд одоогийн байдлаар 100 кг орчим жинтэй анакондо бүртгэгдээд байгаа юм.
Дэлхий дээрх хортой, хамгийн том могой – хатан хааны кобра нь Өмнөд болон Зүүн Өмнөд Азид түгээмэл. Уртаараа 5,6 метр хүрч болно.
Могой 167 сая жилийн тэртээ анх дэлхий дээр үүссэн. Үүнийг палеонтологчдын хийсэн олон удаагийн олдвор батална. Зарим нэг нь бүр үлэг гүрвэлийн өндгөөр ч хооллодог байжээ.
Устаж үгүй болсон хамгийн том могойг титанобоа гэх бөгөөд 58 сая жилийн өмнө мөхжээ. Энэ аварга амьтан 13-15 метр урт байхын зэрэгцээ 800-1000 кг жинтэй байв.
Дэлхий дээр хамгийн хортой могой – тайпан Маккоя Австралид тархсан. Энэ могойн хор нь хатан хааны кобрагийнхаас даруй 180 дахин хүчтэй бөгөөд аюултай. Нэг хазалтаас гарах хор нь 100 хүн алaхаар юм.
Бүх могой араатан амьдралын хэв маягаар амьдардаг. Цагаан хоолтой ганц ч могой байхгүй. Зарим нэг нь тодорхой төрлийн хоол л иддэг – жишээ нь, африкийн өндөгний могой гэхэд л зөвхөн шувууны өндгөөр л хооллодог ажээ.