Зөвлөлтийн автомашин томоохон дуудлага худалдаагаар орж байгаа анхны тохиолдол энэ байх гэж бодож байна. 3 дугаар сарын дундуур Парист явагдах Аrtcurial дуудлага худалдааны үеэр 1967 оны ЗИЛ-114 загварын лимузиныг худалдан борлуулах гэж байна.
ЗИЛ-114 – 1967 онд үйлдвэрлэгдэж байсан тансаг зэрэглэлийн лимузин юм. Уг машиныг шинээр зохион бүтээсэн гэх бөгөөд өмнөх загварын хөдөлгүүрийг нь л сайжруулан ашиглажээ.
Гурван эгнээ суудалтай. Урд суудлыг цэвэр арьсаар, арын суудал – цайвар өнгийн цэмбэ болон велюр (үслэг цэмбэ)–ээр бүржээ. Машины тоноглолыг зохих ёсоор дээд түвшинд гүйцэтгэн хийсэн: гурван халаагуур, агааржуулагч, атермаль шил, бүх цонхнуудын шилийг цахилгаанаар хааж, буулгана.
Машины хамар доор 300 морины xүчтэй V8 7.0 литрийн хөдөлгүүр бий. Машины анхны загвар нь 2 шатлалт “автомат”-тай байсан бол 1975 оноос машинд 3 шатлалтай “автомат” суурилуулах болжээ. Дээд хурд цагт 190 км.
Энэ загварын суурин дээр ЗИЛ-117 суудлын болон ЗИЛ-114А эмнэлгийн машин үйлдвэрлэж байжээ.
1978 оноос эхлэн уг загварыг үйлдвэрлэхээ болсон бөгөөд энэ хугацаанд нийт 113 ширхэг машин үйлдвэрлэсэн байна.
Уг хувь нь Монгол Улсын ерөнхийлөгчийн албаны унаа байсан гэдэг. Дуудлага худалдаанд оролцох уг машины одоогийн эзэн нь Улс орнуудын удирдагчдын автомашины музейн (Musée des Voitures des Chef d’Etat) үүсгэн байгуулагчаас худалдаж авч байжээ.
Машины кузов (тэвш) хайхрамжгүй хадгалалтын улмаас гэмтсэн, харин бүхээг нь маш цэвэрхэнээрээ хадгалагдаж чадсан байна. 2005 онд “автомат” нь эвдэрснээс хойш огт хөдлөөгүй. Тиймээс дуудлага худалдаагаар уг машиныг худалдаж авах хүн сэргээн засахад багагүй хөрөнгө зарцуулахаас өөр аргагүй бололтой.
Дуудлага худалдаа 3 дугаар сарын 18-ны өдөр Парист явагдана. Ойролцоогоор 40,000 – 60,000 евро орчмоор зарагдах байх гэсэн урьдчилсан таамаг гараад байна.
Харамсалтай
Тэнэглэл
Гоё
Ха Ха
Хөөрхөн
Гайхмаар
Бахархмаар
Буруу
