Францын хойд хэсэгт байрлах Лувьед нэгэн гоёмсог байшин бий. Маш этгээд сонин байдлаар чимсэн – хагарсан аяга, тавагны хэлтэрхийгээр. Яагаад ч юм идчихмээр харагдаад байдаг гэж Artsy-д бичжээ. Энэ санааг эхнэр, нөхөр Вассер нар гаргажээ. Тэд стандарт байшинтай байхыг үнэхээр хүсээгүй юм.
Роберт Вассер 1908 онд төрсөн, жирийн нэг ажилтан байсан бөгөөд хангалуун амьдралаар амьдраагүй нэгэн. Мозаик чимэглэлийг 42 наснаасаа эхлэн сонирхсон гэдэг. Энэ үед л Роберт анх удаа гал тогоондоо мозаик ашиглаж үзжээ. Хагарсан аяга, тавагны хэлтэрхийг цементээр тогтоож угаалтуураа чимсэн байна.
Энэ цагаас хойш архитектурын бүтээл нь эхэлжээ.
Сүүлчийн 50 жилийн турш Вассер гэрээ чимсэн байна
Түүний хийсэн зүйл үнэхээр аугаа, нохойны үүрээ хүртэл анхаарлын гадуур орхиогүй байна
Гэр бүлийн хоёр барилгын материалд хагархай аяга, таваг ашигладаг…
… өнгө өнгийн шил, төрөл бүрийн дун, шавар ваарны хэлтэрхий
Барилгын материал цуглуулахад ярилцаж тохиролцсон хог цуглуулдаг хүмүүс, найз нөхөд, танилууд тэгээд хөршүүд нь тусалдаг.
Ямар нэгэн зүйл хагалсан уу – аваад ир. Олсон уу – бас л аваад ир. Тиймээс энэ байшин орчин тойрны гар бие оролцсон хөдөлмөрийн үр дүн юм.
Энэ хашааны явган хүний зам нь хүртэл солонгорон харагдах хэлтэрхийгээс бүрдэнэ. Цэцэрлэг, ширээ, шат зэргийг ингэж хийхэд маш их ажил орсон нь мэдээж
Эдгээр урлагийн бүтээлийг тод өнгийн цэцэг чимж бүр л өнгө нэмнэ. Гудамж руу харах хашаа нь хүртэл нийтлэг загвартаа тохирч сэтгэл санаа сэргээх ажээ.
Гэр дотор үлгэр үргэлжилсээр л… Хананд ганц ч хивс байхгүй, ханын цаас ч алга. Квадрат метр болгон – урлагийн бүтээл.
2002 онд Роберт Вассер өөд болсон ч түүний урлагийн бүтээл анхаарлын төвд байсаар л байна. Одоо Робертын хүү Клод энэ сайхан байшинг арчлах болжээ. Хүү эцэг, эхээсээ өвлөсөн байшинг мини-музей болгон үзэхийг ирсэн хүн болгонд сонирхуулж байна.
Гэрт хагархай аяга, таваг байлгаж болохгүй л гэцгээдэг. Харин Роберт Васер үгүй гэдгийг баталж чадлаа. Харин ч эсрэгээрээ хагархай аяга, тавагны хэлтэрхийгээр гэрээ ийм сайхан чимж болохыг баталжээ.