Колумбид нэгэн нохой өөртөө дэлгүүрээс жигнэмэг худалдаж авч сурчээ, гэхдээ тэр мөнгөний оронд навчаар тооцоогоо хийдэг. Негро (Хар) хочтой нохой Монтерейн техникийн их сургуулийн хотхонд амьдраад 5 жил болж байгаа юм. Тэр оюутны кафегаар байнга л орж гарч байдаг, тэр болгондоо оютнуудад эрхэлж жигнэмэг олж иддэг байжээ.
Негро нэг удаа амандаа навч зууж кафед ирснийхээ дараа орон нутгийн од болсон юм. Тэр жигнэмэг худалдаж авахаар ирсэн нь тэр
“Тэр кафед байнга л ирдэг юм, тэгээд хүүхдүүд мөнгө өгч оронд нь ямар нэгэн идэх юм аваад байгааг анзаарч л дээ. Тийм учраас л нэг өдөр гэнэт амандаа навч зуугаад ороод ирж байгаа нь тэр. Сүүлээ савчуулаад оронд нь жигнэмэг өг гэж байгааг нь бид шууд л ойлгосон” гэж сургуулийн кафены худалдагч Анхела Гарсиа Берналь ярьжээ.
Тэр цагаас хойш нохой кафед өдөр болгон ирж жигнэмэг “худалдаж авдаг” болсон байна.
Кассчин бүсгүй түүний ногоон “мөнгийг” авч жүжиглээд бүр сурчээ. Нэгэнт төлбөрөө төлсөн хүнд хүссэн зүйлийг нь өгөлгүй яах вэ дээ.
Гэхдээ кафе дахь ажилтнууд нохойн эрүүл мэндэд сөрөг нөлөөгүй хоол хүнсээр үйлчлэхийг хичээдэг ажээ. Тэд худалдан авалтанд нь мөн хязгаар тогтоосон байна. Энэ нь “навчин валютын инфляц, Негрогийн бэлхүүс бүдүүрэхээс сэргийлж” байгаа хэрэг.
Та урьд нь ийм ухаантай нохойны тухай сонсож байсан уу?
Гоё
Хөөрхөн
Гайхмаар
Бахархмаар
Ха Ха
Харамсалтай
Тэнэглэл
Буруу
