Brad Pitt, Angelina Jolie нар “Mr. & Mrs. Smith”-ийн дүрд тоглож байхдаа нэгэндээ дурлаж, аз жаргалтай гэр бүлийг бий болгож байсантай ижил түүхүүд Penélope Cruz, Tom Cruise болон Julia Roberts зэрэг олон одуудад бий. Манай сайт уншигч танд кинонд дүр бүтээж байхдаа жинхэнэ дурлалтайгаа учирсан оддын түүхийг толилуулж байна.
Mr. & Mrs. Smith – Brad Pitt болон Angelina Jolie
Жүжигчин Brad Pitt Jennifer Aniston-оос салаад 5 жил өнгөрсний дараа Angelina Jolie-той кино зураг авалтын үеэр танилцаж, хайр сэтгэлийн холбоотой болж байжээ. Гэвч хожим 2016 онд тэд 12 жилийн харилцаагаа дуусгавар болгож салсан билээ. Тэд 3 хүүхдийн эцэг эх болж, мөн 3 хүүхдийг үрчилж аваад байсан юм.
Days of Thunder – Tom Cruise болон Nicole Kidman
1989 онд Days of Thunder киноны зураг авалтын үеэр танилцсан мөчөөсөө хойш тэдний дурлал 11 жил үргэлжилж, энэ хооронд 2 хүүхдийг үрчилж авчээ. Харамсалтай нь 2001 онд тэд салсан юм. Nicole Kidman өдгөө Keith Urban-тай аз жаргалтай амьдарч байна.
Vicky Cristina Barcelona – Penélope Cruz болон Javier Bardem
1992 онд кино зураг авалтад хамтдаа оролцож байх үедээ тэд анх танилцсан бөгөөд 2008 онд Vicky Cristina Barcelona кинонд ахин хамтдаа тоглосноор хайр сэтгэлийн холбоотой болжээ. Улмаар 2010 онд тэд гэрлэж, 2 хүүхэдтэй болоод буй.
Daredevil – Jennifer Garner болон Ben Affleck
Тэд 2002 онд Daredevil кинонд тоглож байх үедээ нэгэндээ сэтгэл алдарчээ. Тухайн үед Jennifer Garner Scott Foley-той гэр бүл болсон байсан бол Ben Affleck Jennifer Lopez-оос салаад байсан юм. Тэд хожим гэрлэж 10 хамт хамтдаа амьдрахдаа 3 хүүхэдтэй болсон ч 2017 онд салсан юм.
Cleopatra – Elizabeth Taylor болон Richard Burton
1962 онд Итали улсад Cleopatra киноны зураг авалт явагдаж байх үед тэд нэгэндээ хайр сэтгэлтэй болсон түүхтэй. Тухайн үед тэд хоёул өөр өөрсдийн гэсэн гэр бүлтэй байсан боловч нэгэндээ тэмүүлсээр 1964 онд гэрлэжээ. Гэсэн ч 11 жилийн дараа тэд салсан юм. Хожим тэд ахин гэр бүл болсон ч тэдний харилцаа удалгүй бүрмөсөн дууссан байна.
Black Swan – Natalie Portman болон Benjamin Millepied
2010 онд Black Swan киноны зураг авалтын үеэр тэд анх танилцаж байсан бөгөөд түүний нөхөр Benjamin Millepied тус кинонд дүр бүтээгээгүй ч кино багийн бүрэлдэхүүнд багтаж, бүжигчин, зураглаач хийж байжээ. Улмаар тэд тухайн жилдээ сүй тавьж, 2012 онд гэр бүл болсон юм. Өдгөө тэд 2 хүүхдийн эцэг эх болоод байна.
The Place Beyond the Pines – Eva Mendes болон Ryan Gosling
The Place Beyond the Pines киноны гол дүрд 2011 онд тоглож байх үедээ тэд нэгэндээ сэтгэл алдарсан юм. Тэд гэр бүлийн харилцаагаа олон нийтээс нууцалдаг бөгөөд 2 хүүтэй гэсэн мэдээлэл бий.
Green Lantern – Ryan Reynolds болон Blake Lively
2010 онд тэд Green Lantern кинонд хамтдаа тоглосон бөгөөд 2011 оноос болзож, 2012 онд гэрлэсэн юм. Өдгөө тэд 3 хүүхдийн хамт аз жаргалтай амьдарч байна.
I Know What You Did Last Summer – Sarah Michelle Gellar болон Freddie Prinze Jr.
1997 онд кино зураг авалтын үеэр тэд анх танилцаж байсан бөгөөд өдгөө тэд гэр бүл болоод аль хэдийн 18 жил өнгөрчээ. Тэд 2 хүүхэдтэй.
Step Up – Channing Tatum болон Jenna Dewan
Кино дэлгэцийн хосуудын хайр сэтгэлийн харилцаа амьдрал дээр ч өрнөсөн бөгөөд 2009 онд гэр бүл болж, 2013 онд хүүхэдтэй болсон боловч 2018 онд гэрлэлтээ цуцлуулсан юм.
Evening – Claire Danes болон Hugh Dancy
Тэд 2007 онд Evening киноны зураг авалтын үеэр анх танилцсан юм. Үүнээс хойш 2 жилийн дараа тэд гэр бүл болж, өдгөө 2 хүүхдийн хамт аз жаргалтай амьдарч байна.
The Light Between Oceans – Michael Fassbender болон Alicia Vikander
2014 онд Австрали, Шинэ Зеланд улсуудад хамтдаа The Light Between Oceans кинонд тоглосон тэд нэгэндээ сэтгэл алдарч, 2017 онд гэр бүл болсон юм.
The Mexican – Julia Roberts болон Danny Moder
2000 онд The Mexican киноны зураг авалт явагдаж байх үед тэд нэгэндээ дурласан бөгөөд 2002 онд тэд гэр бүл болсон юм. Өдгөө тэд 3 хүүхдийн хамт амьдарч байна.
Бонус: Телевизийн цувралд хамтдаа дүр бүтээж нэгэндээ сэтгэл алдарсан алдартнууд
Soulmates – Tom Hanks болон Rita Wilson
Хамгийн үлгэр жишээч Холливудын хос гэвэл яах аргагүй тэднийг нэрлэх хэрэгтэй болох биз ээ. Тэд 1981 онд анх дэлгэцнээ гарсан Soulmates цувралын зураг авалтаар танилцаж, нэгэндээ дурласан түүхтэй. Улмаар 1988 онд тэд гэрлэж, одоо ч гэсэн бусдын хүндэтгэл хүлээсэн сайхан хос хэвээр байгаа билээ.
Game of Thrones – Kit Harington болон Rose Leslie
Тэд 2011 онд танилцсан бөгөөд тухайн үед Game of Thrones цувралд Ygritte болон Jon Snow-ын дүрд хамтдаа тоглож байсныг уншигч та андахгүй мэдэх биз ээ. Тэд 2018 онд гэр бүл болсон бөгөөд энэ жил анхныхаа хүүхдийг хүлээн авна гэдгээ мэдэгдээд буй юм.
Orange Is the New Black – Samira Wiley болон Lauren Morelli
Orange Is the New Black цувралын зохиолыг бичсэн Lauren Morelli болон түүнд тоглосон жүжигчин Samira Wiley нар 2017 онд гэр бүл болжээ.
Buffy, the Vampire Slayer – Alyson Hannigan болон Alexis Denisof
1999 онд тэд Buffy, the Vampire Slayer цувралд хамтдаа тоглох үедээ танилцсан бөгөөд 2003 онд гэр бүл болсон юм. Өдгөө тэд 2 хүүхдийн хамт аз жаргалтай амьдарч байна.
Та өөрийн хайрттайгаа хаана танилцсан бэ? Дээрх алдартнуудын хайрыг түүхийг та мэддэг байсан уу?