Хүн ямар нэгэн нөхцөл байдалд орвол дасан зохицох ямар нэгэн арга сэдэж олдог. Энэ чадварыг хувьсан өөрчлөгдөх явцдаа олж авсан бололтой. Өөрсдийн эргэн тойронд байгаа эд зүйлийг аль болох бүрэн ашиглахыг хичээх, хүнд хэцүү байдлаас гарах гарц олох, бас амьдралаа тав тухтай болгох зорилгоор ийн хөгжжээ. Та гэрийн тохижилтондоо онцгой анхаарал хандуулж бүх зүйлийг зохион байгуулсан байж болно. Гэхдээ сошиал суваг хэрэглэгчид таны толгойд хэзээ ч орж байгаагүй аргыг хэрэглэж байгаа гэхэд барихад ч бэлэн байна.
Хүмүүсийн танилцуулж байгаа лайфхакыг үзэж суухад үнэхээр сонирхолтой байдаг юм. Тэдний уран зөгнөл, сэтгэн бодох чадварт хязгаар үгүй. Хуванцар таг, резин зэрэг ахуйн өчүүхэн зүйлс амьдралын олон асуудлыг шийднэ гэж хэн санах вэ дээ?
1. Энд тэндгүй наалдсан муурын үсийг хурдан цэвэрлэхийн тулд резинэн бээлий хэрэг болно
2. Хувцас өлгүүрээс гулгаж унаад тогтохгүй байвал өлгүүрийн мөрөнд резин ороочих
3. Алим хуваадаг зүсэгч мөөг зүсэхэд ч бас тус болдог юм байна гэдгийг сая ойлголоо
4. Нарийн боовны цаас – байгалийн гэрлийг багасгах энгийн бөгөөд хор уршиггүй арга
5. Тавилга угсрахдаа боолт, эрэг шургыг нь хоосон мөсний саванд хийчихвэл амар байдаг
6. Таны компьютерын гарны хөл нь хугарчихсан бол цаасны хавчаар аваад хийгээрэй
7. Гацуур модны гэрлэн чимэглэлийг картонон цаасанд ороох – дараа жил орооцолдсон чимэглэлтэй зууралдахгүй
8. Түрээсэлдэг байрны чинь эзэд ханаа цоолуулахгүй гэсэн үү? Хэрэв тийм бол та хөнгөн тавилга тогтоохдоо хүүхдийн хамгаалалтын түгжээ ашиглаж болно. Энэ түгжээ овоо бат бөх эд шүү
9. Хоолны савны тагийг хадгалах энгийн бөгөөд сайхан арга
10. Тавилганы хөлөнд би савхины өөдөөс наадаг болсон. Үйлдвэрийн наалтаас илүү цэвэрхэн харагддаг юм, тэгээд бас паркетан шалыг зурахаас ч хамгаална
11. Зөөврийн хардыг гулгуулахгүйн тулд резинд ороож үзээрэй
12. Сифоны тусламжтайгаар гацуур мод маань өөрөө өөрийгөө усалдаг болсон
13. Нарийн боовны цаасыг хуйлруулахгүйн тулд үзүүрүүдийг нь норгоход л болно
14. Хэрвээ таны хөнжил эсвэл бүтээлэг тэг дөрвөлжин бол аль нэг буланд нь тэмдэглэгээ хийгээрэй. Ингээд аль тал нь зөв билээ гэж хайж зовохоо болино
15. Өвөө маань багаж хэрэгслээ шургуулганыхаа аль хэсэгт байгааг гаднаас нь хараад л мэддэг
16. Нүүдэл суудлын үеэр хувцсаа хураах хамгийн амар арга
17. Таны хүүхдүүд эсвэл гэрийн тэжээвэр амьтад чинь гацуур модны чимэглэл авч хаяад байвал кабел бэхлэгчээр тогтоогоорой. Ногоон өнгөтэй ч байдаг юм шүү
18. Гэнэт тог тасарвал өрөөгөө ингээд гэрэлтүүлээрэй
19. Тоос сорогч бариад өгөх хүнгүй үед хана өрөмдөх хэрэг гарвал танд скоч, ганц хуудас цаас байхад л асуудлыг шийднэ
20. Ширээ тань ийш тийш гулгаад байвал танд картон болон хуванцар таг (жишээ нь, соусны таг) аминд орно шүү. Өнгө болон хэмжээний хувьд бараг анзаарагдахгүй дээ
21. Хоёр гар хоёулаа бохир байх үед хэрэг болно гэдгээ тооцоолоод боодолтой цааснаас хэдийг голд нь шургуулаад орхиж байгаарай
22. Урт түрийтэй гутлыг өмдний өлгүүрт хавчаад хадгалахад зай ч хэмнэнэ, гутлын хэв ч алдагдахгүй
Та ахуйн ямар лайфхак хэрэглэдэг вэ? Дээр дурдсан ямар аргыг хэрэглэж байхаар шийдэв?
Хөөрхөн
Ха Ха
Гоё
Тэнэглэл
Гайхмаар
Харамсалтай
Бахархмаар
Буруу
