Охиндоо хүүхэд насны мартагдашгүй дурсамж үлдээхийн тулд 100+ даашинз урлаж өгсөн гайхалтай мундаг аав

Xu Ruiqin / weibo, Xu Ruiqin / weibo

Сю Руйчин хэмээх нэгэн хятад эр бяцхан охиндоо зориулж 100 гаруй даашинз урлажээ. Түүний урласан даашинз нэг бүр нь хүүхэлдэйн киноны дүрүүдийн өмсгөл мэт ер бусын харагддаг. Түүний даашинз оёх болсон шалтгаан нь ердөө л охиндоо хүүхэд насны гайхалтай дурсамжийг бүтээж өгөхийг хүсч байсантай нь холбоотой гэжээ.

Тэдний энэ түүх хямдхан нэгэн даавуунаас эхэлжээ.

Сю Руйкин нутгийнхаа даавууны захаар алхах дуртай бөгөөд нэгэн удаа хямд үнэтэй нэхмэл хээтэй даавуу худалдаж авснаар тэдний энэхүү түүх эхэлжээ. Зун цаг байсан тул охин Шиши нь хувцсаа олон дахин солих хэрэгтэй болдог байж. Тиймээс тэр охиндоо зориулж энгийн хувцсыг өөрийн гараар урлаж үзэж байжээ.

Тэр үеэс хойш даавууны захаар гарах бүртээ хямд даавуу авч, оёдолчинд өгч оёулдаг болжээ.

Харин нэгэн удаа оёдолчин хотоос явж, эзгүй байсан тул ​​Сюй Рүйчин ээжээсээ оёдлын машин авч өөрөө даашинз оёж эхэлжээ. Тэрээр өдгөө энгийн даашинз өдөрт нэгийг, нарийн хийцтэй даашинз хоёр долоо хоногт нэгийг хийдэг болсон байна.

Даашинзны санаагаа өдөр тутамд тохиолдох бүхнээс сэдэвлэн авдаг.

Эхэн үедээ түүний хийж буй оёдол төдийлөн сайн болохгүй байсан боловч даашинз урлаж буй тухай хэд хэдэн бичлэг цахим орчинд нийтэлсний дараа олон хүмүүс санал, сэтгэгдэл болон зөвлөмжүүдээ түүнд өгчээ. Даашинз урлалаа сайжруулахын хэрээр Сю Руйкин өөрийн бүтээлийнхээ санааг интернет, спорт зэрэг олон зүйлсээс олж авдаг ажээ. Тэрээр мөн охиныхоо хэрэгцээ болон өөрт буй даавууны төрлөөс хамаарч даашинзны загвараа гаргадаг байна.

Тэдэнд бусдаас ялгарах онцгой зүйл байхгүй ч, бусдаас илүү туршлагатай.

Түүний урласан даашинзнууд ер бусын харагдах боловч бяцхан охин Шиши нь дэлгүүр гарах, гэр бүлийн уулзалтанд очих, сургуульд явах зэрэг өдөр тутмын ажилдаа үргэлж өмсдөг ажээ. Мөн эцэг, охин хоёр өмсөх даашинзаа сонгох гэж чамгүй хөгжилдөөд амждаг гэнэ шүү.

Эдгээр даашинзуудыг тэрээр зөвхөн охиндоо л зориулан урладаг.

Одоогийн байдлаар Сю Руйкин зөвхөн охиндоо зориулж даашинз оёдог бөгөөд тэрээр урласан даашинзуудаа зарах бодолгүй байгаа хэмээжээ. Тэрбээр бусад хүмүүст зориулж оёхоор болсон тохиолдолд анхаарах, сурч мэдэх зүйлс олон буйг мөн дурьджээ. Эдгээр даашинзыг оёх нь түүнд ажлын стрессээ тайлахад тусалдаг бөгөөд тэрээр үүнээс аль болох их таашаал авахыг хүсдэг хэмээжээ. Хэзээ нэгэн өдөр эмзэг бүлгийн хүүхдүүдэд тэрээр даашинзаараа тусламжийн гараа сунгахыг ч үгүйсгэхгүй биз ээ.

Мөрөөдөл

Сю Руйкинд охиноо өсч томрохоос өмнө хүүхэд насны гайхалтай дурсамж бүтээж өгөх цор ганц мөрөөдөлдөө хөтлөгдөн яваагаа ч дурьджээ. Мөн тэрээр боломжтой бол өөрийн гэсэн брэндтэй болохыг хүсч буйгаа илэрхийлээд, уг брэндээрээ дамжуулан сайн үйлс хийхийг хүсдэг хэмээжээ.

Ийнхүү уншигч танд түүний урласан даашинзнуудын зургаас хүргэж байна.

Та хүүхдэдээ хувцас оёж өгч байсан уу? Хэрэв тийм бол сэтгэгдэл хэсэгт бидэнтэй хуваалцаарай.

21

Гоё

7

Гайхмаар

6

Бахархмаар

4

Тэнэглэл

3

Ха Ха

2

Хөөрхөн

1

Буруу

0

Харамсалтай

Баярлалаа!