Байр, орон сууцны зохион байгуулалтын талаарх бидний хэвшмэл ойлголтыг эвдэх япон байрнуудын 12 онцлог

Fg2 / wikipedia

Япон – бидний мэдэх амьдралын соёлоос тэс өөр соёлтой улс. Хүмүүс нь тэр болгон ваннтай усанд орохгүй, шкафаа таазандаа өөрөөр тогтооно, бас усаа ч өөр аргаар буцалгадаг юм байна. Японы байрны онцлогоос та бүхэндээ танилцуулахаар бэлдлээ. Зарим нэг нь үнэхээр гайхмаар, зарим нь ч бүр аймаар ч юм шиг санагдана.

1. Япончуудын ихэнх нь орон дээр биш газар гудсан дээр унтдаг

Ихэнх япончууд тусгай аргаар бэлдсэн гудсан дээр унтдаг – хулс, буудайгаар хийсэн зузаан гудас. Шөнөдөө гудсаа шууд шалан дээр дэлгэж унтаад өглөө нь шкафанд хураана. Ингэснээр өрөөний орон зайг хэмнэж байна гэж үздэг. Японы ихэнх байрнууд жижиг талбайтай учраас ор эсвэл буйдан тавих зай тэр болгон байдаггүй. Зарим нэг зочид буудлууд ч ор тавилгүй гудас дэвссэн байх ажээ.

2. Зарим нэг хүмүүс “хулсан эхнэр”-тэй эсвэл онцгой дэртэй унтдаг

Хүн шиг хэмжээтэй хулсан дэр буюу “хулсан эхнэр” зүүн өмнөд Азид өргөн хэрэглэгддэг. Хулсаар хийсэн уг эдлэлийг дэр болгон ашигладаг, бидний хэрэглэдэг ердийн дэр нь халуун уур амьсгалтай газар чийг татдаг тул тохиромжгүй ажээ. Гэхдээ сүүлийн үед “хулсан эхнэр”-ийн оронд тусгай дэр гараад байгаа гэнэ – дакимакура.

Дакимакура – хүний биеийн өндөртэй адилхан аниме-ийн дүрийн зурагтай дэр юм байна. Голцуу хүүхэд болон өсвөр насныхан дурлаж хэрэглэдэг (бидний хувьд чихмэл зөөлөн тоглоомыг хүүхдүүд өвөртөлж унтах дуртай байдаг).

3. Япончуудад үүдний хэсэг гэж байхгүй, харин гэнкан гэж бий

Гэнкан – үүдний хэсэг, япончууд энд шууд гадны гутлаа тайлдаг. Коридорыг үндсэн өрөөнөөс тусгаарладаг аж. Намхан довжоо нь гаднаас орж ирсэн тоос шороог шууд гэрийн шалан дээр унахаас хамгаалдаг.

4. Японд өндгөө тусгай тэгш өнцөгт хэлбэртэй хайруулын тавганд шардаг

Японд хуйлсан омлет идэх дуртай. Гэхдээ омлетоо бидний хэрэглэдэг дугуй хайруулын тавганд шардаггүй харин тусгай тэгш өнцөгт хайруулын тавганд болгоно. Ингэснээр омлетоо хуйлахад жигд болно. Энэ хайруулын тавгийг макиякинабэ эсвэл тамагоякики гэж нэрлэнэ.

5. Ихэнх гал тогоонд нууц хэсэг байдаг

Японы ихэнх гал тогоонд хүнсний бүтээгдэхүүн, шил, аяга таваг хадгалах тусгай хайрцаг байдаг. Хайрцгийг шаланд суурилуулсан байх ажээ.

6. Угаалгын машин нь зөвхөн угаахгүй мөн хатаадаг

Японд хатаагчтай угаалгын машиныг илүү түгээмэл хэрэглэгддэг. Гэхдээ гадныхан энэ нь тийм ч тохиромжтой биш гэж үздэг байна: хатаах горим дээр тавьсан ч гэсэн хувцас нь ямар нэгэн хэмжээгээр чийгтэй л гарч ирнэ.

Энэ асуудлыг шийдэх бас нэгэн арга – угаалгын машиндаа сэнс ажиллуулах.

7. Жорлонгийн ус цуглуулах саван дээр жижигхэн угаалтуур, гоожуур байрладаг

Маш энгийн механизм: гоожуураа нээгээд угаалтуур дээрээ гараа угаахад ус нь жорлонгийн ус цуглуулах саванд цугларна. Ингээд усны хэрэглээг хэмнэх ажээ.

8. Японы угаалгын өрөө биднийхээс өөр. Ванндаа ч гоожуур байхгүй

Японд ваннтай усанд орох соёл биднийхээс тэс өөр. Эхлээд шүршүүрт орж биеэ сайн угаана, харин дараа нь ваннтай усандаа хэвтэж болно. Хэрвээ шинэ сантехниктэй бол орчин үеийн тусгай дэлгэцтэй, энд ямар ч гоожуур эргүүлж усаа тохируулах шаардлага гарахгүй бөгөөд дэлгэцийг асаагаад л өөрт тохиромжтой хэмээ хийнэ. Ус нь бидний мэдэх усны хоолойноос гарч ирдэг.

Энэ л цахилгаан системийн тусламжтайгаар ашигласан усаа угаалгын машин руугаа эсвэл гал тогооныхоо тосгуур руу шилжүүлнэ. Япончууд ваннтай усанд орохоосоо өмнө шүршүүрт биеэ угаасан тул ваннтай усаа дахин ашиглах боломжтой гэж үздэг.

9. Зарим нэг япончууд шкафаа таазнаас тогтоодог

Таазаа цоолохгүй, тогтоогч нь өөрөө цавуутай: тогтоогчны нэг талыг шкафанд наагаад, нөгөө талыг нь ханандаа наана. Мөн шаландаа наадаг (жишээ нь хөргөгч) – хөдөлгөөнтэй тавилгыг тогтоох зориулалттай. Цавуутай тогтоогч ашиглах шалтгаан: газар хөдлөлтийн үед тавилга дээрээс унаж ирэхээс хамгаалдаг байна.

10. Японы гал тогоонд шууд ашиглах шарах шүүгээ байдаггүй

Бидний мэдэх уламжлалт шарах шүүгээ япон айл болгонд байдаггүй. Япончууд шарах шүүгээний оронд богино долгионы зуух ашигладаг, уг цахилгаан хэрэгсэлд хүнд хэрэгцээтэй бүх л горимууд байх ажээ. Гал тогооны зуухны доод хэсэгт ихэнхдээ загас бэлдэх зориулалттай зуух суурилуулсан байдаг.

11. Ус буцалгагчны оронд халуунаа барьдаг ус буцалгагч хэрэглэдэг

Японы олон гал тогоонд халуунаа барьдаг ус буцалгагч байгааг харж болно. Цай, кофены ус бас бэлэн гоймон болгоход шууд хэрэглэх боломжтой. Жижиг ус буцалгагчнаас давуу талуудтай: буцалсан усны хэм халуудаад байдаг бол хэмээ багасгаж тохируулах боломжтой.

12. Япон айл болгонд өргөн хэрэглэгддэг бас нэгэн зүйл – чийг авдаг бодис

Япон маш чийглэг уур амьсгалтай газар, зуны цагаар мөөгөнцөртэй эрчимтэй тэмцэхээс өөр аргагүй. Агааржуулалтыг сайн хийхээс гадна чийг сорж авдаг бодис ашигладаг. Уг бодисыг битүү шкаф эсвэл системийн хамгаалалтад тараан тавьдаг байна. Уг бодисыг орон нутгийн эмийн сан эсвэл ахуйн барааны дэлгүүрээс худалдан авах боломжтой.

Та япон байранд очиж үзмээр байна уу? Бас эдгээр зүйлүүдээс алийг нь гэртээ туршиж үзмээр санагдав?

19

Гайхмаар

4

Буруу

2

Ха Ха

2

Бахархмаар

2

Гоё

1

Хөөрхөн

1

Харамсалтай

1

Тэнэглэл

Баярлалаа!