Эцэг хүн охидуудын хувьд эрчүүдийн үлгэр жишээ нь болдог. Эцэг хүн болгоны заавал мэдэж байх ёстой зүйлс

0
0
8,440

Эцэг хүн, охин үр хоёрын хоорондын харилцаа маш хүчтэй. Эцэг хүний харьцаа охиныг насанд хүрэх амьдралын замыг заадаг ажээ. Судалгаанаас харахад, эцгийн хайранд өссөн охин хүүхэд сэтгэл зүйн хувьд тогтвортой, нийгмийн идэвхтэй, өөртөө итгэлтэй болдог ажээ. Эцгүүд охидуудынхаа ирээдүйг тодорхойлоход маш их нөлөөтэй, тиймээс өхөөрдөм охидуудынхаа хүмүүжилд маш их болгоомжтой, хариуцлагатай хандах ёстой гэж судлаачид үзэж байна.

Эцэг, охины харилцаанд цаг хугацаа, хоорондын зай огт нөлөөлөхгүй гэдэгт би бат итгэлтэй байна.

Эрчүүд охидуудад нь хэрхэн харьцахын үлгэр жишээг эцэг хүн үзүүлэх ёстой

© zoeisabellakravitz / Instagram

Эхнэр, нөхрийн харилцаа охидууд ирээдүйд нөхрөөсөө ямар хүндлэл, харилцаа хүлээж авахын үлгэр жишээ болох ёстой. Эр нөхөр эхнэртэйгээ харилцахдаа өөрийнхөө охиныг хэзээ нэгэн цагт нөхөр нь яаж хайрлаасай гэж хүснэ, тэр л сэтгэлээр хайрлаж хүндэлнэ. Эр хүн сэтгэлээ илэрхийлэхээс ичиж зовох хэрэггүй, охин хүүхэд эрчүүдээс ямар хүндлэл авах ёстойгоо эцгээрээ дамжуулан мэдэх хэрэгтэй байдаг.

 

Эцэг хүн охин үрдээ бүх хайраа зориулна

© nph / Instagram

Эмэгтэй хүн болгон сэтгэлийн гүндээ аавын бяцхан охин хэвээрээ үлддэг, тиймээс эцэг хүн охиноо өөрийн хувьд бүх л бүтэн ертөнц гэдгийг нуух огт хэрэггүй. Охидуудад эцэг хүний хайр үргэлж хэрэгтэй байдаг, охин хүүхэд өөрийгөө хайрлуулж байгаагаа мэдрэх ёстой, ингэснээр тэд өөртөө итгэлтэй болж өснө. Хэн ч эцгийг нь орлож чадахгүй, тиймээс эцэг хүн өөрийнхөө үүргийг сайн ухамсарлах нь зүйн хэрэг.

 

Охидуудад өөрсдийнх нь гадаад болон дотоод гоо сайхныг нь хэлж өгөх нь чухал

© johnlegend / Instagram

Охидууд амьдралынхаа туршид өөрсдөдөө эргэлзэж явдаг. Үе тэнгийнхний нөлөөлөл, нийгмийн сүлжээ мөн гоо сайхны хүрэхийн аргагүй стандартын нөлөөнөөс болж тэд өөрсдийгөө бусадтай зүйрлэдэг, цаашлаад өөрийгөө үнэлэх үнэлэмж нь мууддаг. Эцэг хүн охидуудаа магтаж байх ёстой, тэдний гадаад болон дотоод гоо сайхныг байнга сануулж байх нь зөв. Охидуудынхаа сэтгэл зүйн эрүүл мэндийг бусдаар эвдүүлэхийг бүү хүлээн зөвшөөр.

 

Аав нь байнга хажууд нь байх нь тэдний хувьд маш чухал

© emmahemingwillis / Instagram

Охин хүүхэд том болсон ч хамаагүй тэдэнд аавынх нь хайр, дэмжлэг байнга хэрэгтэй. Мэдээж тэр өөрийнхөө алдаанаас суралцана, эцэг хүн тэднийгээ юм бүхнээс хамгаалж чадахгүй нь ойлгомжтой. Гэхдээ хүнд хэцүү үед түүнийг түшиж тулах, дэмжих, үнэ цэнэтэй зөвлөгөө өгөх хүн бэлэн байгааг тэр мэдэж байх ёстой.

 

Охиныхоо хуваалцахыг хүссэн үг болгоныг аав нь сонсох нь түүнд маш чухал

© therock / Instagram

Наснаас үл харгалзан охидууд түүнийг сонсож, ойлгоосой гэж хүсэж явдаг. Эцэг хүн охидуудынхаа асуудлыг тоохгүй орхиж огт болохгүй, өчүүхэн асуудал байсан ч хамаагүй. Дүр эсгэх ч энэ тохиолдолд тохирохгүй. Охин үл хайхарч байгааг дээд зэргээр мэдэрдэг, танд итгэх итгэлээ алдахад хүргэх аюултай шүү. Түүний хэрэгцээг тоохгүй орхиж бас огт болохгүй, түүнд боломжийнхоо хэрээр сэтгэл зүйн дэмжлэг үзүүлж байхыг хичээ.

 

 

Аз жаргалтай дурсамж – хэзээ ч мартагдахгүй бэлэг

© davidbeckham / Instagram

Ямар ч ухаалаг төхөөрөмж аавын амьд харилцаа, анхаарал халамжийг орлож чадахгүй. Цугтаа зайрмаг идэх, амралтын өдөр гэр бүлээрээ агаарт гарч зугаалах, ширээний тоглоом тоглох – энэ зүгээр нэг цаг, мөнгө үрсэн хэрэг огт биш, харин ч сэтгэлийн гүн харилцаа тогтоож байгаа хэрэг юм. Эцэг хүн охидууддаа өчүүхэн зүйл болгон өөрийн гэсэн утга учиртай, хором мөч бүхэн онцгой гэдгийг ойлгуулах үүрэгтэй хүн.

 

Эцэг хүн охидуудад төрөл бүрийн зүйлд сургаж чадна

© elsapatakyconfidential / Instagram

Эцэг хүн охиныхоо асуулт болгонд хариулт өгөх цагийг өөрийн шахуу хуваариас заавал гаргаж байх ёстой, ингэснээр түүний сониуч занг хөгжүүлж өгөхөд тусална. Цагийг цугтаа өнгөрүүлэх – гоожуур засах, тэр бүү хэл машины дугуй ч сольж сурч болно шүү дээ. Эрдэм мэдлэг, ур чадварыг яагаад “охидуудынх” болон “охидуудынх биш” гэж хуваах ёстой гэж?

 

Охидууд ааваасаа төгс төгөлдөр эр хүнийг олж хардаг

© diddy / Instagram

Охин болгон өөрийнхөө аавыг – үлгэр жишээ эр хүн гэж бодож явдаг. Яагаад гэвэл аав нь шийдвэр гаргана, бусад хүмүүст нигүүлсэнгүй хандана, мөн дэлхий ертөнцийг хүлээн авах үлгэр жишээ нь юм. Чухам эцэг хүн л ирээдүйд сонгох нөхрийнх нь мөн чанарыг төлөвшүүлж суулгаж байдаг ажээ. Тиймээс эцэг хүн охидуудаа зөв шийдвэр гаргаж, өөрийн мөрөөдсөн амьдралаар амьдрахад нь туслах ёстой юм.

 

Эцэг хүн охин үрээ тавьж явуулах чадалтай байх ёстой

© willsmith / Instagram © willsmith / Instagram

Эцэг хүн охидоо энэ дэлхийн аюул болгоноос хамгаалахыг хичээдэг, тэр дундаа залуучуудаас ч мөн адил. Харилцаа үүсгэхэд өөрийн охиныг балчир байна гэж тэд бодно, залууг ийм нандин эрдэнэ хайрлах эрхгүй гэж эцэг хүн бодох ажээ. Эцэг хүн охидоо хянаж байх ёстой, гэхдээ нэг л өдөр төрсөн үүрээ орхин өөрийн амьдралаа эхлүүлнэ гэдгийг эцэг хүн байнга санаж явах ёстой юм.

Хамгаалахыг хүссэн ч охин алдаа гаргана, магадгүй үүнээс болоод эцэг хүний зүрх сэтгэл ч өвдөнө. Насны эцэст өөртөө итгэлтэй, хүч чадалтай, гайхалтай охин өсгөж чадсанаараа эцэг хүн өөрөөрөө бахархан суух болно.

Эцэг хүн охидуудын хувьд эрчүүдийн үлгэр жишээ мөн гэдэгтэй та санал нийлж байна уу? Та охинтой эцэг хүнд ямар зөвлөгөө өгөх вэ?

8
ГоёГоё
2
БахархмаарБахархмаар
2
ХөөрхөнХөөрхөн
0
Ха ХаХа Ха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.