Таван жилийн өмнө нэг зэрэг 4 хүүхэдтэй болсон Беларус гэр бүл

Мария, Владимир Лукашевич нарын гэр өдөр яг л хүүхдийн цэцэрлэг шиг шуугиантай байдаг. Адилхан өндөртэй 2 охин, 2 хүү өрөөнөөс өрөөний хооронд хашхиралдан гүйлдэж,  бие биедээ тоглоомоо үзүүлж харуулан ам уралдан хүүхдийн шүлэг уншина. Тэднийд зочилсон сэтгүүлч, гэрэл зурагчин хоёрыг хараад тэд “Ямар цөөхөн зочид вэ?” гэж дургүйцэнгүй хэлжээ. Учир нь аав ээжээсээ гадна эмээтэйгээ амьдардаг 4 ихрийнд Мария, Владимир нарын найз нөхөд, хамаатан саднууд нь үргэлж зочлон байнга олон хүнтэй байдгаас тэр. Беларусын Ошмянь хотод 5 өрөө байранд амьдардаг энэ гэр бүл 4 ихэр хүүхэдтэй болсон эхний саруудын дараа тэднийд эмч нар, сэтгүүлчид байнга ирдэг байжээ. Яагаад гэвэл Беларусьт 4 ихэр хүүхэд төрөх нь ховор тохиолдол. [tweetable]Өнгөрсөн жил гэхэд л улсын хэмжээнд ердөө ганцхан 4 ихэр төрсөн.[/tweetable] Буйдан дээр эгнэн суусан 4 ихрийн хамгийн том нь Кирилл. Удаах нь Вадим, түүний дараах нь Карина, хамгийн бага нь Ира. Хөвгүүд хоорондоо адилгүй бол охид нүд, үсний өнгөнөөс бусад нь яг адилхан. Амсхийх завгүй боловч аз жаргалтай амьдралыг аав ээждээ авчирсан 4 ихрүүд эрүүл саруул өсөн торниж байна.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!