Хэн ч гунигтай эсвэл ууртай царайнд дуртай биш. Ямаанууд ч бас дургүй. Саяхан хийсэн судалгаагаар ямаанууд бидний бодож байгаагаас ч илүү ухаантай ба хүний нүүрний хувирлыг ойлгох чадвартай болохыг олж тогтоосон байна. Тэд инээмсэглэж буй нэгнээс авахуулаад аз жаргалгүй царай гаргаж байгаа хүнийг хүртэл таних чадвартай ажээ.
Манай хамт олонд энэ судалгаа сонирхолтой санагдсан учир, та бүхэнтэйгээ хуваалцахаар шийдсэн юм.
Амьтад хүний нүүрний хувирлыг таньж мэддэг эсэхийг эрдэмтэд судалсаар ирсэн ба Лондоны Их сургуулийн Куйн Мэри дэх судлаачид саяхан үүнийг үнэний ортой болохыг нь олжээ. Тэд ямаануудад хэд хэдэн зураг үзүүлсэн байна – аз жаргалтай хүний царай болон ууртай хүний нүүрний хувирал. Бүх ямаанууд аз жаргалтай царайг татаж гаргасан ба судлаачид үүнд гайхширч хоцорчээ.
Ойлгомжтойгоор тайлбарлавал, дандаа инээмсэглэж байх хангалттай учир шалтгаантай хүнд ямаанууд илүү тааламжтай ханддаг ажээ. “Royal Society Open Science” сэтгүүл дээр нийтлэгдсэн судалгаанд ямаанууд хүний нүүрний хувирлыг тодорхойлох, ойлгох чадвартай талаар бичигдсэн байна. Туршилтын явцад ямаануудыг сул тавьж, аз жаргалтай царай гаргасан фото зургуудыг өхөөрдөм хошуугаараа очиж, заах эсэхийг нь ажиглажээ.
Гэхдээ тэд зөвхөн баруун талд байрлуулсан аз жаргалтай царай гаргасан фото зурганд ийм үйлдэл гаргасан ажээ. Харин эсрэгээр нь буюу зүүн талд фото зургуудыг тавихад тэд хошуугаараа хүрэхгүй байв. Үүний учир шалтгаан нь ямаанууд тархиныхаа зөвхөн нэг талыг ашиглаж, мэдээллийг боловсруулдаг байна.
Мэдээж хэрэг зөвхөн ямаанууд хүний нүүрний хувирлыг ойлгодог амьтад биш юм. 2015 онд хийгдсэн өөр нэгэн судалгаагаар нохойнууд бас хүний нүүрний хувирлыг тодорхойлох чадвартайг баталж байжээ. Туршилтаар ууртай болон аз жаргалтай царай гаргасан фото зургуудыг үзүүлэхэд, тэд аз жаргалтайд нь илүү их татагдсан байна. Амьтад инээмсэглэх үед чинь таныг илүү өхөөрдөм гэж хардаг болохыг үргэлж санаж яваарай!
Та ямаа маллаж (тэжээж) үзсэн үү? Та амьтад хүний нүүрний хувирал болон сэтгэл хөдлөлийг ойлгодог гэдэгтэй санал нийлэх үү?
Хөөрхөн
Ха Ха
Гайхмаар
Бахархмаар
Гоё
Харамсалтай
Тэнэглэл
Буруу
