Зурхайн ордууд хайр дурлалын харилцааны юунаас хамгийн их айж эмээдэг вэ? Намайг бүр яг үнэн хэлсэн байна шүү!

Дурлах, хайрлах үедээ бид бүхэн зарим нэгэн зүйлээс айж эмээдэг. Бид хамтрагчдаа өөрт тохирох эсэхэд эргэлзэх эсвэл түүний хүлээлтэд хүрч чадахгүй байх вий гэхээс айдаг. Мэдрэмжээ нээлттэй байдлаар илэрхийлэхээс татгалзаж, санаа зовж шаналдаг. Бид хайртай хүнээсээ холдох вий гэхээс айдаг эсвэл нөгөө талаасаа хэтэрхий дотно болчих вий ч гэж эмээдэг…

Тэгвэл зурхайн ордууд хайр дурлалын харилцааны юунаас нь хамгийн их айж эмээдэг вэ?

Хонь

Эдгээр хүмүүс шударга, гүн гүнзгий болон ямар нэгэн нөхцөлгүйгээр хайрлахад суралцсан байдаг. Ийм учраас магадгүй энэ нь Хонинууд харилцаа дуусгавар болсон ч гэсэн, хамтрагчаа мартаж чадахгүй байдгийн илрэл байж мэдэх юм.

Үхэр

Эдгээр хүмүүс үнэхээр хүчирхэг (бие болон ёс суртахууны хувьд) ба барагтаа л бол юунаас ч айдаггүй. Хэрэв Үхэр үнэхээр чин сэтгэлээсээ дурласан бол, тэр өдөр бүрийг хамтрагчтайгаа цуг онцгой байдлаар өнгөрүүлнэ. Энэ ордод тулгардаг цорын ганц бэрхшээл бол хайртай хүнээсээ хол байх явдал юм.

Ихэр

Та эдгээр хүмүүсийг ямар ч учир шалтгаангүйгээр амлалт өгөхөөс айдаг гэвэл итгэх үү? Юу гэхээр, энэ зурхайн ордынхон маш нийтэч учир зөвхөн ганц хүнд анхаарлаа хандуулахыг хүсдэггүй. Энэ зурхайн ордын хамгийн том айдас бол хайр дурлалын харилцаанд хамтрагчдаа үнэнч хэвээрээ байх явдал байдаг. Хэрэв тэд үүнийг хүлээн зөвшөөрч чадвал, бие биедээ галзууртлаа дурлана.

Мэлхий

Эдгээр хүмүүс амьдралд нь чухал өөрчлөлтүүд тохиолдоход, хайр дурлалын харилцааг бүтээхэд хүндрэлтэй болж ирдэг. Тэдэнд бүх зүйл төлөвлөгөөний дагуу байх нь таалагддаг. Ийм учраас Мэлхийнүүд өөрчлөлтөөс айдаг, хэдийгээр тэрхүү өөрчлөлт амьдралд нь хэрэг болох байсан ч гэсэн.

Арслан

Ихэнх хүмүүс энэ зурхайн ордыг аминч үзэлтэй болон бардам зантай гэж боддог. Гэхдээ Арслан хайрлаж, дурлах үедээ хамтрагчийнхаа төлөө боломжтой бүх зүйлийг хийх гэж хичээдэг. Тэдний айдаг цор ганц зүйл бол шаардлагад нь үл нийцэх хамтрагч юм.

Охин

Эдгээр хүмүүс хайр дурлалын харилцаагаа төгс байна гэж мөрөөддөг. Энэ нь тэдний айдас болж хувирдаг. Охины ордынхон хамтрагч нь төгс бишээс болж, сэтгэлд нь нийцэхгүй байх вий гэхээс айдаг.

Жинлүүр

Энэ зурхайн ордынхон үргэлж олон найзтай байдаг. Ийм учраас тэд хайр дурлалын харилцаанаас болж, хамгийн ойр дотнын найзуудаа алдах вий гэж айж эмээдэг байна.

Хилэнц

Энэ зурхайн ордынхон хамтрагчаа өөрийнх нь нүдэнд өвөрмөц харагдаасай гэж хүсдэг. Ийм учраас Хилэнцүүд хамтрагчаа хүлээлтэнд нь хүрэхгүй байх вий гэхээс айдаг.

Нум

Эдгээр хүмүүс бусдын хяналтанд байх туйлын дургүй. Тэдэнд яг агаар шиг хувийн орон зай, эрх чөлөө хэрэгтэй. Түүнчлэн тэд хайр дурлалын харилцаанаас болж, эрх чөлөөгөө алдах вий гэж айдаг байна.

Матар

Энэ хүмүүс төрөлхийн байгалиас заяасан өвөрмөц шинж чанарыг агуулсан байдаг. Тэдний төгс төгөлдөр болохын төлөөх хүсэл эрмэлзэл бодит амьдрал дээр биелэхэд үнэхээр хэцүү. Мөн Матрууд гоё, сайхан үг хэлэхдээ маруухан хүмүүс учир, хамтрагч нь үүнээс болоод гомдох вий гэж айдаг.

Хумх

Эдгээр хүмүүс үргэлж хайр дурлалын харилцаанд хамтрагчийнхаа гаргаж буй сэтгэлийг чамладаг. Тийм учраас Хумхууд өөрийг нь ойлгож, хайрлах хүн энэ хорвоо дээр байх болов уу гэж бодож эмээдэг.

Загас

Энэ зурхайн ордынхон өөртөө хор хөнөөл учруулахгүйн тулд, бүхий л амьдралынхаа туршид ганцаараа байхыг эрхэмлэнэ. Тэдний хамгийн их айдаг зүйл бол догшин, ширүүн, өөрийг нь хайрладаггүй хамтрагчид сэтгэл алдрах вий гэсэн бодол юм.

Таны харж байгаачлан хүн бүр хайр дурлалын харилцаанд тав тухгүй байх үе байдаг. Тэгэхээр магадгүй айдастаа автахаас илүү, хамтрагчтайгаа юу болохгүй байна, юу болж байна гэдэг талаар ний нуугүй ярилцах хэрэгтэй болов уу.

28

Гоё

5

Буруу

4

Ха Ха

3

Харамсалтай

3

Бахархмаар

2

Тэнэглэл

2

Гайхмаар

1

Хөөрхөн

Баярлалаа!