Танай гэрт бясаа үүрлэсэн болохыг илтгэх 5 шинж тэмдэг. Гудас, тавилга, хувцас бас өөрийнхөө биеийг ч сайтар шалгахад гэмгүй!

Illustrated by Igor Polushin

Хэдийгээр бясаа ямар нэгэн халдварт өвчнийг тараахгүй боловч, уур бухимдал төрүүлэх болон эрүүл мэндийн зарим нэг асуудал үүсгэх эрсдэлтэй байдаг. Бие организмын хариу үйлдэл буюу тууралт эсвэл харшлаас авахуулаад, сэтгэлзүйн нөлөөлөл болох сэтгэл зовнил, стресс болон нойргүйдэлд хүргэнэ – эдгээр учир шалтгаануудыг танай гэрийн урилгагүй зочин бясаа бий болгодог.

Бид та бүхэнд бясаа үүрлэхээс урьдчилан сэргийлэх, бясааны халдлагыг олж мэдэхэд туслах зорилгоор энэхүү мэдээллийг хүргэхээр бэлтгэлээ. Танай гэрт бясаа байгааг илтгэх зарим шинж тэмдгүүдийг хүргэж байна!

1. Загатнуулсан улаан толбонууд

Хэрэв танд арьсны цочрол илрэх эсвэл таны нүүр, гар, хөл, цээж эсвэл нуруунд загатнуулсан улаан толбонууд байвал, энэ бясааны шинж тэмдэг юм. Эдгээр нь бясаа хазсаныг илтгэх ба удалгүй үрэвсэж, маажсанаас болж цус гарах болон халдвар авах эрсдэлийг бий болгодог.

Та бясаа болон бусад төрлийн шавьж байгааг мэдвэл, хазалтын хэвийг сайтар анзаарч хараарай. Ихэвчлэн бөөгнөрсөн, шулуун эгнээ, болон зиг-заг хэлбэрийн зураас үүссэн байна. Хэдий тийм боловч зарим хүмүүс бясааны хазалтанд хариу үйлдэл үзүүлдэггүй учраас, улаан толбо үүсэх эсвэл загатнаж байгаа мэдрэмж төрөхгүй байх боломжтой.

2. Цус эсвэл зэвэрсэн-өнгөтэй толбонууд

Ор эсвэл хувцсан дээр улаан өнгийн толбонууд байгааг шалгах хэрэгтэй. Хэрэв танай гэрт бясаа байвал энд тэнд цусны толбо үүссэн байдаг. Мөн та зэвэрсэн-өнгөтэй толбонууд олж харж болно. Эдгээр нь бясааны ялгадас юм.

Ор дэвсгэрийн даавуу, хүрэх боломжгүй газрууд болох гудас, хайрцагны булан, бас жаазны хүрээ зэргээс олж харах боломжтой. Мөн та хана болон модон тавилганы хүрээг шалгаж, бясааны ялгадас байгаа эсэхийг шалгаж үзээрэй.

3. Хөгцний үнэр

Бясаанд феромон ялгаруулдаг үнэрний булчирхай байдаг ба хэрэв танай гэрт хэт их бясаа байгаа бол, энэ үнэр хүчтэй бас тааламжгүй үнэртэнэ. Иймд хэрэв танай гэрийн өрөөнөөс хуучирсан хувцас эсвэл хугацаа нь дууссан хоолны үнэр гарч байвал, яах аргагүй бясааны халдлагад өртсөнийг илтгэнэ.

4. Бясааны гуужсан арьс

Бясаанууд томрох үедээ арьсаа гуужуулдаг учир бүдэгхэн өнгөтэй шавж шиг хэлбэртэй хальснуудыг та олж харж болно. Ор дэвсгэрийн даавуу, гудасны завсар, сандал, бас буйдан, хөшигний завсрыг шалгаж үзээрэй. Түүнчлэн шүүгээ болон хувцсыг давхар шалгах хэрэгтэй.

5. Тавилга дээрх цагаан толбонууд

Хэрэв та гэрийнхээ тавилганаас цагаан толбонууд олж харвал, эдгээр нь бясааны өндөг эсвэл өндөгний хальс байх боломжтой. Будааны үр шиг хэлбэртэй байх ба тунгалаг эсвэл цагаан өнгөтэйгээс гадна заримдаа гэрэлтэж харагддаг.

Нүдэнд ил харагдана. Гэхдээ та чийдэн эсвэл томруулдаг шилээр харах юм бол өндөгнүүд нь гудас болон тавилганы завсар байгааг илүү сайн анзаарч харна.

Та урьд өмнө бясаанаас салах гэж оролдож үзэж байсан уу? Та бясааг хэрхэн анзаарч байсан бэ? Мэдлэг туршлагаасаа хуваалцаарай.

49

Гайхмаар

14

Тэнэглэл

10

Буруу

9

Гоё

7

Харамсалтай

3

Хөөрхөн

2

Бахархмаар

1

Ха Ха

Баярлалаа!