Жүжигчин эр олны танил 20 эрхэмийн дуу хоолойг дуурайж, нүүрээ тэдэн шиг болгож хувиргасан нь интернет орчныг шуугиулж байна!

Орчин үеийн технологи бусдыг дуурайгч, элэглэгчид болон жүжигчдийн урлагийн авьяас чадварт урьд өмнө төсөөлж ч байгаагүйгээр тус нэмэр үзүүлэх болжээ. Үүний нэг тод жишээ бол хүмүүсийн сайн мэдэх жүжигчин Jim Meskimen бөгөөд тэрээр саяхан нэгэн сонирхолтой бичлэгийг интернетэд байршуулсан нь олон хүний хүртээл болоод байгаа юм.

Бичлэгт Meksimen, “Pity the Poor Impressionist” буюу “Хөөрхий муу элэглэгч” гэх нэртэй шүлгийг олны танил 20 эрхэмийн дуу хоолойгоор уншжээ. Мөн тэрээр “SHAM00K”-ийн тусламжтай нүүр царайгаа тэдгээр эрхмүүдтэй адилхан болгож хувиргасан нь бүр ч догь болсон байна.

Бичлэгийг бүтнээр нь эндээс үзээрэй:

 

Jim Meskimen – Элэглэгч

60 настай Meskimen, “Parks & Recreation”-д Martin Housely-ийн дүрд жүжиглэж байснаас гадна “Whose Line Is It Anyway?” телевизийн шоунд тоглож байв. Мөн “Avatar: The Last Airbender” болон “Johnny Bravo” зэрэг хүүхэлдэйн кинонуудад дуу оруулж байсан аж.

 

John Malkovich

 

Colin Firth

 

Robert Deniro

 

Tommy Lee Jones

Хэрэв та видео тоглоомын хорхойтон бол түүнийг алдартай цуврал тоглоомууд болох “Baldur’s Gate”, “Call of Duty”, “Diablo”, “Hitman”, “Kingdom Hearts”, “LEGO” болон “The Lord of the Rings”-т дуу оруулж байсныг нь мэдэх биз ээ. Жүжигчин эр хөдөлмөрч, бүтээмжтэй, бас авьяастай нэгэн юм.

 

Nick Offerman

 

George Clooney

 

Christopher Walken

 

Anthony Hopkins

 

Dr. Phil

Энэ зуунд “Deepfake” гэдэг зүйл бүр ч илүү өндөр хөгжиж байна. Шинэхэн эрдэмтэн хиймэл оюун ухаан болон “Deepfake”-ийг Израйлийн Canny AI болон бусад компаниуд зар сурталчилгаандаа жүжигчдийг оролцуулж байгаа мэтээр ашиглах болсон талаар тайлбарлажээ. Бүх апп ийм болчихвол үнэхээр гайхалтай сонсогдох нь мэдээж хэрэг. Магадгүй бидний одоо худал хуурмаг мэдээ харж байгаа нь үүнтэй холбоотой ч байж мэднэ.

 

Nicholas Cage

 

Arnold Schwarzenegger

 

Morgan Freeman

 

Bryan Cranston

 

Christoph Waltz

 

Joe Pesci

 

Jack Nicholson

 

George W. Bush

 

Sir Ian McKellen

 

Ron Howard

 

Robin Williams

Эрхэм уншигчдаа, та бүхэн Meskimen-ийн элэглэлтийн талаар юу гэж хэлмээр байна? Та ирээдүйд зөвхөн нэг л жүжигчин оролцуулж, техникийн тусламжтай бүхэл бүтэн кино хийдэг болно гэж бодож байна уу? Таны бодлоор “Deepfake” хүмүүст хэрэгтэй зүйл байж чадах уу? Хариултаа сэтгэгдэл үлдээх хэсэгт бичээрэй.