Зөвхөн Японд л байдаг дотор арзайлгам 10 хортон шавьж (болжморын хэмжээтэй зөгий, 4 см том нисдэг жоом… Иийий!)

Японд хайр татам өхөөрдөм зүйлд зориулсан тусгай үг хэрэглэдэг – “кавай”. Энэ үг орчин үеийн Японд их өргөн ашиглагдах болжээ. Гэхдээ соёлжсон хотоос гараад Японы зэрлэг байгальд энэ үг мартагдаж эхэлнэ. Бие арзайлгам хортон шавьжийг хараад “кавай” гэх үү? Хатан зоригтнууд л хэлэх байх даа.

Японы аварга том зөгийг “судзумэбати” гэнэ, орчуулбал “болжмор зөгий” хэмээн бууна. Яагаад? Яагаад гэвэл болжморын хэмжээтэй адилхан болохоор. Энэ төрлийн зөгий муу нэртэй – хатгуур нь маш том тул хүчтэй хатгана бас мэдрэлд нөлөөлөх хор ялгаруулдаг. Золиосоо онилоод олон километр дагаж мөрддөг. Жилд 40 орчим хүний амь насанд хүрдэг гэсэн статистик тоо бий – Японд үүнээс илүү аюултай амьтан, хортон шавьж байхгүй ажээ.

Японы “өмхий хорхой” нь араатны төрөл хэмээгддэг – том биетэй амьтан даа. Угтаа бол дан жимсээр хооллодог, жимсний шүүсийг сорно, хазахгүй – ер аюулгүй гэмээр. Гэхдээ түүнд хүрч болохгүй, өөрийгөө хамгаалах механизм нь яагаад “өмхий” гэж нэрлүүлэх болсныг шууд илтгэнэ.

“Денки муси” – японы “цахилгаан авгалдай”. Харахад өхөөрдмөөр, харин биед нь хүрвэл цахилгаанд цохиулав уу гэлтэй мэдрэмж төрнө. Авгалдай нь цахилгаан ялгаруулахгүй л дээ, гэхдээ түүний ялгаруулж буй химийн бодис нь ийм мэдрэмжийг төрүүлдэг байна.

Жоом. Энэ жижиг хорхой шиг дотор арзагануулмаар шавьж ховор доо. Байзаарай, “жижиг” гэнэ ээ? Японы жоом бол аварга том – уртаараа 4 хүртэл см, тэгээд дээр нь бас нисдэг гэж байгаа. Хэрвээ та нисэж байгаа япон жоомонд мөргүүлсэн бол энэ талаар мартаж чадахгүй удаан явах болно.

Японы уулын өт. Өт – нэг их сайхан амьтан биш, гэхдээ аз болж усанд л амьдардаг болохоор бас тайвширч болно, тийм ээ? Харин японы уулын өт бол үгүй шүү. Тэд модонд авирч золиос руугаа дээрээс нь үсэрдэг. Хачигны арга барилтай өт – аймшигтай зохицолдлогоо.

Ялаа баригч өт – Японы айлуудад маш ихээр тархаж үржсэн амьтан. Гаднах байдал нь аймшигтай харагдах хэдий ч үнэндээ гэмгүй амьтан юм. Тэд хүн хазахгүй, харин таагүй хортон шавьжнуудаас чинь салгаж өгнө. Харамсалтай нь Японд байгаа цорын ганц олон хөлт өт биш юм даа.

Аварга том биетэй, олон хөлтэй энэ өтийг Японд “мукаде” гэдэг – 38 хүртэл сантиметрийн урттай аймшигтай амьтан. Мукаде – японы үлгэр домогт хорон муу санааг илэрхийлдэг. Аймшигтай харагдахаас гадна хүчтэй үйлчлэх хор ялгаруулдаг – хазуулсан хүн бөөлжих, амьсгал боогдох зэрэг зовиураар яаралтай түргэн тусламжид ханддаг ажээ.

Японы ангууч аалз – хоргүй, үнэндээ хүнийг нэг их сонирхож тоохгүй. Үүгээр энэ аалзны давуу тал дуусна. Аалз 30 хүртэл сантиметр том болж золиос руугаа гэнэт үсэрч дайрна. Энэ амьд аймшиг хүнийг шүлсэндээ бүрэн ороох чадалтай.

Йоро аалз нь хортой төрөлд орно – манай дэлхийн том биетэй аалзнуудын нэг. Ямар хэмжээтэй гэж үү? Үүрэндээ жижгэвтэр биетэй шувуу барьж авчрахаар. Тэгээд бас хортой – могойн хорноос дутахааргүй. Эрэгтэй хүнийг үүрэндээ урхидан оруулаад дараа нь иддэг Йорогумо аалзан-гоо үзэсгэлэнт бүсгүйн тухай домог хүртэл байдаг ажээ.

Царцаа хаа сайгүй л байдаг, гэхдээ Японы царцаа амьтны аймгийн хамгийн гол төлөөлөл нь болжээ. Түүний гаргах дуу чимээ японы кино бүтээлүүд дээр дуугардаг, утга уран зохиол дээр ч бас дүрслэгдэн бичигджээ. Хүнд гэм хоргүй, дуу чимээ ихтэй, харахад л жаахан эвгүй.

82

Гайхмаар

24

Тэнэглэл

15

Харамсалтай

11

Хөөрхөн

8

Бахархмаар

4

Ха Ха

3

Буруу

3

Гоё

Баярлалаа!