Сахиусан тэнгэр үү эсвэл буг чөтгөр үү? Эмэгтэй зурхайн ордууд нас нэмэгдэхийн хэрээр хэрхэн өөрчлөгддөг вэ?

Нийтлэгч: Chika

Огноо: 2019/07/19

Total1,123
1,123

Хэдийгээр бид хүний хувийн зан чанар залуу байх үед нь тодорхой болдог гэдэгт итгэдэг боловч, насанд хүрэгчдийн амьдралын туршид зан чанар нилээн их өөрчлөгддөг байна. Зарим хүмүүс эр зоригтой болдог бол, зарим нь эсрэгээрээ. Тиймээс одон орон судлаачдын үзэж буйгаар, эмэгтэй та нас ахих үедээ бусдын дуртай эсвэл дургүй нэгэн болох эсэхийг ямар зурхайн ордод төрснөөс хамааран мэдэх боломжтой гэнэ.

Хонь

Эрч хүчтэй бас идэвхтэй Хонинууд нийгмийн ямар ч давхаргад ажиллаж, амьдарч байсан бай хамаагүй, тэтгэвэртээ гарсан ч гэлээ, тэднийг юу ч зогсоож чадахгүй. Тэд амьдралынхаа үлдсэн цаг, хором бүрд хөдөлмөрлөсөөр байх болно. Хонинуудын зан чанар нас ахих үед нь тэр чигээрээ хадгалагдаж үлддэг бөгөөд зөвхөн амбицлаг зан чанар нь илүү хөгжсөн байдаг.

Үхэр

Нас ахих тусам зөрүүд болон өөртөө тав тухтай байдлаар бусдыг хайрладаг Үхрүүд илүү өндөр шаардлагатай, бага зэрэг яршигтай зан чанартай болдог. Захиран тушаах хандлагатай болох бөгөөд гэр бүлийнхээ ноён оргил нь өөрийгөө гэж бодно: тэд заана, шударга ёсыг сахиулах буюу бүх зүйл тэдний хяналтанд байх ёстой гэж үзнэ.

Ихэр

Тэд нас ахих үедээ өхөөрдөм бас идэвхтэй эмэгтэйчүүд болох бөгөөд зугаа цэнгэлд үгүй гэж хэлж чадахгүй. Нөгөө талаасаа тэд буулт хийхийг илүүд үздэг болохоос гадна өөрт нь амар амгаланг авчирдаг хоббитой болж, аль болох урт наслахын тулд шаардлагатай бүх арга хэмжээг авна.

Мэлхий

Мэлхийнүүд нас ахихын хэрээр, тэд ихэнхдээ хуримтлал үүсгэхийг аль болох хичээнэ: тэдэнд туршлага бий, санхүүгийн найдвартай харилцааг эрхэмлэнэ, дүрэм журмыг зөрчилгүй амьдрахыг чухалчилна. Тэд хадгалсан эд хөрөнгөө бусадтай тийм ч амар хуваалцахыг хүсэхгүй. Мэлхийнүүдийн энэ хатуу чанга үзэл бодлыг ач зээ нар нь үгүй хийж чадна: Мэлхийнүүд ач зээ нарынхаа төлөө юуг ч хийхээс буцахгүй.

Арслан

Хүүхэд байхаасаа Арслангууд бусдын анхаарлын төвд байхыг бүхнээс илүү үздэг. Тэгэхээр жил өнгөрөх тусам, тэдний бусдын хувьд өөрийгөө чухал гэж бодуулах эмзэгхэн сэтгэл нь улам хүчтэй болно. Арслангууд сүсэг бишрэл болон итгэл үнэмшлийг шаардаж, хүслийг нь биелүүлсэн хүмүүст өгөөмөр загнана.

Охин

Магадгүй бусдыг хамгийн их шүүмжилсэн тоогоороо энэ ордын эмэгтэйчүүд тэргүүлэх байх. Ёсорхог хайр дурлал болон цэвэр ариун байдлыг эрхэмлэдэг зангаа тэд гээхгүй. Дээрээс нь Охины ордод төрсөн эмэгтэйчүүд илүү бухимдуу болон хуйсагнуур болж мэдэх ч, тэдний бусдыг гэх зүрх сэтгэл үргэлж зөв газраа байсаар байх болно.

Жинлүүр

Тусархаг бас дэгжин Жинлүүрүүд нас ахих үедээ итгэмээргүй ухаалаг болцгооно. Тэд гайхалтай зөвлөгчид болохыг ч үгүйсгэхгүй. Үүний зэрэгцээ энэ ордод төрсөн эмэгтэйчүүд хувийн асуудалтай нүүр тулгарах үедээ илүү аюултай болж хувирч мэднэ, гэхдээ тэд сайхан хөгширцгөөнө.

Хилэнц

Хилэнцүүд үргэлж уйтгартай бас нууцлаг байдаг, тэгвэл тэд нас ахих тусам бүр ч илүү сэтгэл гонсгор байх болно. Тэд эргэн тойрон дахь хүмүүсээ өөрийнхөө таамгаар айлгахаас гадна хүзүү нь өвддөг болж мэднэ. Түүнчлэн хүмүүст хийж байгаа зүйлийг нь буруу гэж итгүүлэх гэж оролдоно. Тэд ертөнцийг өөр нүдээр харж байгаа мэт өвөрмөц, этгээд үзэл бодолтой болцгоох нь ээ.

Нум

Байгалиасаа энэ ордын эмэгтэйчүүд дүрэм журмыг зөрчигчид байдаг. Цаг хугацаа өнгөрөхийн хэрээр, тэд цэмцгэнэсэн үгс хэрэглэхээ болино. Ямар ч байсан энэ бол тэдний амьдралд гарах өөрчлөлт байх болно.

Матар

Бүх Матруудын залуу нас ажил мэргэжил болон анхаарал халамжинд зориулагдана. Өтөл насандаа нэг юм тэд бүрэн утгаараа амарч чадна. Тэд чөлөөт цагаасаа кайфыг мэдэрч, шинэ зүйлс сурч, бас эерэг зүйлсэд цагийг зарцуулцгаана.

Хумх

Хумхын эмэгтэйчүүд оюуны өндөр чадамжтайгаас гадна зорилгодоо хүрэх чадвартай байдаг. Тэд ихэнхдээ өөрийгөө хөгжүүлэх урт хугацааны төлөвлөгөө боловсруулдаг гэхэд болно. Тиймдээ ч тэд өтөл насандаа ухаалаг, тайван, дөлгөөн эмэгтэйчүүд болно гэж одон орон судлаачид хэлж байна.

Загас

Мөрөөдөмтгий бас уран бүтээлч Загаснууд илүү нам гүм болцгооно. Тэд бусдад гай учруулахаас зайлсхийх бөгөөд аль болох бусдаас тусламж хүсэхгүй. Өтөл насандаа Загаснууд хэрүүл уруулаас хол байж, аль болох ухаалаг харилцааг чухалчлах болно.